മഞ്ഞുമ്മൽ ബോയ്‌സ് സാമ്പത്തിക തട്ടിപ്പുകേസ്: എഫ്.ഐ.ആർ റദ്ദാക്കണമെന്ന നിർമ്മാതാക്കളുടെ ആവശ്യം സുപ്രീംകോടതി തള്ളി

ന്യൂഡൽഹി: ബ്ലോക്ക്ബസ്റ്റർ ചിത്രം 'മഞ്ഞുമ്മൽ ബോയ്‌സി'ന്റെ നിർമ്മാതാക്കൾക്കെതിരെയുള്ള സാമ്പത്തിക തട്ടിപ്പുകേസ് റദ്ദാക്കാനാവില്ലെന്ന് സ...

ന്യൂഡൽഹി: ബ്ലോക്ക്ബസ്റ്റർ ചിത്രം 'മഞ്ഞുമ്മൽ ബോയ്‌സി'ന്റെ നിർമ്മാതാക്കൾക്കെതിരെയുള്ള സാമ്പത്തിക തട്ടിപ്പുകേസ് റദ്ദാക്കാനാവില്ലെന്ന് സുപ്രീംകോടതി. കേസിലെ എഫ്.ഐ.ആർ (FIR) റദ്ദാക്കണമെന്നാവശ്യപ്പെട്ട് നിർമ്മാതാക്കളിൽ ഒരാളായ ബാബു ഷാഹിർ നൽകിയ ഹർജി ജസ്റ്റിസ് കെ.വി. വിശ്വനാഥൻ അധ്യക്ഷനായ ബെഞ്ച് തള്ളി.

യഥാർത്ഥത്തിൽ തട്ടിപ്പ് നടന്നോ എന്ന് വ്യക്തമാകണമെങ്കിൽ വിശദമായ അന്വേഷണം ആവശ്യമാണെന്ന് കോടതി നിരീക്ഷിച്ചു. അന്വേഷണം പ്രാഥമിക ഘട്ടത്തിലായതിനാൽ ഈ സമയത്ത് കേസ് റദ്ദാക്കാൻ കഴിയില്ലെന്ന് കോടതി വ്യക്തമാക്കി.

സിനിമയുടെ ലാഭവിഹിതം നൽകാതെ വഞ്ചിച്ചുവെന്നാരോപിച്ച് സിറാജ് വലിയപറമ്പിൽ എന്ന വ്യക്തിയാണ് നിർമ്മാതാക്കൾക്കെതിരെ പരാതി നൽകിയത്. 

പരാതിയിൽ അന്വേഷണം പുരോഗമിക്കുകയാണെന്നും ഈ സാഹചര്യത്തിൽ കേസ് റദ്ദാക്കരുതെന്നും പരാതിക്കാരന്റെ അഭിഭാഷകർ കോടതിയിൽ വാദിച്ചു. കോടതി ഈ വാദം അംഗീകരിക്കുകയായിരുന്നു.

നേരത്തെ ഹൈക്കോടതിയും സമാനമായ നിലപാടാണ് സ്വീകരിച്ചിരുന്നത്. സുപ്രീംകോടതിയുടെ പുതിയ ഉത്തരവോടെ നിർമ്മാതാക്കൾക്കെതിരെയുള്ള പോലീസ് അന്വേഷണം തടസ്സമില്ലാതെ തുടരും.

Key Words : Manjummal Boys, Financial Fraud Case, Supreme Court, FIR