എന് പ്രഭാകരന് ദുബായ്: അമേരിക്കയേയും ഇസ്രായേലിനെയും ഞെട്ടിച്ചുകൊണ്ട് ഇറാന് വലിയൊരു പ്രഖ്യാപനം നടത്തിയിരിക്കുകയാണ്. ഇനിമുതല് 1,000 കിലോഗ്ര...
എന് പ്രഭാകരന്
ദുബായ്: അമേരിക്കയേയും ഇസ്രായേലിനെയും ഞെട്ടിച്ചുകൊണ്ട് ഇറാന് വലിയൊരു പ്രഖ്യാപനം നടത്തിയിരിക്കുകയാണ്. ഇനിമുതല് 1,000 കിലോഗ്രാമോ അതില് കൂടുതലോ ഭാരമുള്ള പോര്മുനകള് വഹിക്കുന്ന മിസൈലുകള് മാത്രമേ തങ്ങള് പ്രയോഗിക്കൂ എന്ന് ഇറാനിയന് റെവല്യൂഷണറി ഗാര്ഡ് കോര് സീനിയര് കമാന്ഡര് ബ്രിഗേഡിയര് ജനറല് മജിദ് മൗസവി പറഞ്ഞിരിക്കുന്നത്.
പറഞ്ഞത് നടന്നാല്, അതു ഗള്ഫില് വന് നാശം വിതച്ചേക്കാം. മിസൈലുകളുടെ പ്രഹരശേഷിയും പരിധിയും ഇരട്ടിയാക്കുന്ന ഈ നീക്കം യുദ്ധത്തിന്റെ തീവ്രത വര്ദ്ധിപ്പിക്കും.
മിസൈല് ആക്രമണങ്ങളുടെ വ്യാപ്തിയും ശക്തിയും വര്ദ്ധിപ്പിക്കുമെന്ന് ബ്രിഗേഡിയര് ജനറല് മജിദ് മൗസവിയെ ഉദ്ധരിച്ച് ലെബനീസ് ചാനലായ അല് മായാദീന് റിപ്പോര്ട്ട് ചെയ്തതാണ് ഇക്കാര്യം. ഇതുവരെ അമേരിക്കന്, ഇസ്രായേല് സൈനിക താവളങ്ങളെ ലക്ഷ്യം വച്ചുള്ള ആക്രമണങ്ങള് ഇനി ദുബായ് എയര്പോര്ട്ട്, സൗദി അറേബ്യയിലെ റാസ് തനൂറ ഓയില് റിഫൈനറി തുടങ്ങിയ മേഖലയിലെ തന്ത്രപ്രധാന കേന്ദ്രങ്ങളിലേക്കും വ്യാപിച്ചേക്കാമെന്നും ഭയമുണ്ട്.
 |
കുറഞ്ഞ ചെലവിലുള്ള 'ഷാഹെദ്' ഡ്രോണുകള് ഉപയോഗിച്ച് ശത്രുവിന്റെ വ്യോമ പ്രതിരോധ സംവിധാനങ്ങളെ തളര്ത്തുന്ന പഴയ രീതിയില് നിന്ന് ഇറാന് മാറുന്നതായി സൈനിക നിരീക്ഷകര് വിലയിരുത്തുന്നു. പകരം, ഭൂഗര്ഭ കമാന്ഡ് സെന്ററുകളും എയര്ബേസുകളും പോലുള്ള സുരക്ഷിത താവളങ്ങളെ തകര്ക്കാന് ശേഷിയുള്ള, തടയാന് പ്രയാസമേറിയതും വേഗതയേറിയതുമായ വലിയ മിസൈലുകള്ക്കാണ് ഇനി മുന്ഗണന.
ഇറാന് 'യുദ്ധത്തിന്റെ സാമ്പത്തിക ശാസ്ത്രം' മാറ്റുകയാണ്. മിസൈല് പ്രതിരോധ സംവിധാനങ്ങളുടെ കണക്കുകൂട്ടലുകളെ ഇത് അട്ടിമറിക്കും. മിഡില് ഈസ്റ്റിലെ ഏറ്റവും വലിയ മിസൈല് ശേഖരം ഇറാന്റെ കൈവശമാണെന്ന് സെന്റര് ഫോര് സ്ട്രാറ്റജിക് ആന്ഡ് ഇന്റര്നാഷണല് സ്റ്റഡീസ് പറയുന്നു. ഇതില് വലിയൊരളവ് അമേരിക്കയും ഇസ്രയേലും തകര്ത്തു. എന്നാലും ഇറാന് വര്ഷങ്ങളായി ഈയൊരു യുദ്ധം പ്രതീക്ഷിച്ച് തയ്യാറെടുപ്പുകള് നടത്തുന്നുണ്ടായിരുന്നു.
സൗമര്: 3,000 കി.മീ പരിധിയുള്ള, ആണവവാഹക ശേഷിയുള്ള ക്രൂസ് മിസൈല്.
സെജ്ജില് : 2,000 കി.മീ പരിധിയുള്ള മീഡിയം റേഞ്ച് ബാലിസ്റ്റിക് മിസൈല്.
ഖൊറംഷഹര് : 1,800 കിലോഗ്രാം വരെ ഭാരം വഹിക്കാന് ശേഷിയുള്ള, 2,000-3,000 കി.മീ പരിധിയുള്ള മിസൈല്.
പ്രതിരോധത്തിന്റെ ഭീമമായ ചെലവ്
ഇതുവരെ ഇറാന് പിന്തുടര്ന്നിരുന്നത് കുറഞ്ഞ ചെലവിലുള്ള ഡ്രോണുകളും മിസൈലുകളും ഉപയോഗിച്ച് ശത്രുവിന്റെ വിലകൂടിയ പ്രതിരോധ മിസൈല് ശേഖരം തീര്ക്കുന്ന തന്ത്രമായിരുന്നു. ഒരു ഷാഹെദ് ഡ്രോണിന്റെ വില ഏകദേശം 50,000 ഡോളര് മാത്രമാണ്. എന്നാല് ഇതിനെ തകര്ക്കാന് ഉപയോഗിക്കുന്ന ഒരു പേട്രിയറ്റ് മിസൈലിന് 40 ലക്ഷം ഡോളറും, ആരോ-3 മിസൈലിന് 30 ലക്ഷം ഡോളറും ചെലവു വരും.
ഈ സാമ്പത്തിക ലാഭം ഇറാന് അനുകൂലമാണെങ്കിലും, ഒരു മിസൈല് പോലും തങ്ങളുടെ മണ്ണില് വീഴാതിരിക്കാന് അമേരിക്കയ്ക്കും ഇസ്രായേലിനും ഈ വന്തുക ചെലവാക്കി പ്രതിരോധിക്കേണ്ടി വരുന്നു.
പുതിയ നീക്കത്തിന്റെ അപകടം
ഇറാന്റെ പുതിയ മിസൈലുകള്ക്ക് ദിശ മാറാന് ശേഷിയുള്ളതിനാല് അവയെ തടയുക എന്നത് ഇസ്രായേലിന്റെ ആരോ-3 പോലുള്ള സംവിധാനങ്ങള്ക്ക് വലിയ വെല്ലുവിളിയാകും.
Summary: Iran has issued a major declaration that has sent shockwaves through the United States and Israel. Brigadier General Majid Mousavi, a senior commander of the Islamic Revolutionary Guard Corps (IRGC), announced that Iran will henceforth only deploy missiles equipped with warheads weighing 1,000 kilograms or more.
If implemented, this policy could cause unprecedented destruction across the Gulf. By doubling the strike power of its primary arsenal, Iran is significantly escalating the potential intensity of any future conflict. Reporting on the development, the Lebanese channel Al Mayadeen quoted General Mousavi stating that the scope and destructive capacity of Iranian missile strikes would increase exponentially. Experts fear that targets—previously limited to U.S. and Israeli military installations—may now expand to include strategic regional hubs such as Dubai International Airport and Saudi Arabia’s Ras Tanura oil refinery.
COMMENTS