അമേരിക്കയ്ക്കും ഇസ്രയേലിനും ദൃശ്യങ്ങൾ കൈമാറിയാൽ വധശിക്ഷ: ഇറാൻ കർശന നടപടിയിലേക്ക്

ടെഹ്റാൻ : ശത്രു രാജ്യങ്ങളായ അമേരിക്കയ്‌ക്കോ ഇസ്രയേലിനോ ഇറാനിലെ ദൃശ്യങ്ങളോ വീഡിയോകളോ അയച്ചുനൽകുന്നത് വധശിക്ഷ ലഭിക്കാവുന്ന കുറ്റമാണെന്ന് ഇറാൻ ...

ടെഹ്റാൻ: ശത്രു രാജ്യങ്ങളായ അമേരിക്കയ്‌ക്കോ ഇസ്രയേലിനോ ഇറാനിലെ ദൃശ്യങ്ങളോ വീഡിയോകളോ അയച്ചുനൽകുന്നത് വധശിക്ഷ ലഭിക്കാവുന്ന കുറ്റമാണെന്ന് ഇറാൻ ഭരണകൂടം വ്യക്തമാക്കി. രാജ്യസുരക്ഷയെ ബാധിക്കുന്ന വിവരങ്ങൾ പുറത്തുവിടുന്നത് തടയുന്നതിന്റെ ഭാഗമായാണ് ഈ കടുത്ത നടപടി.

ഇത്തരത്തിൽ ദൃശ്യങ്ങൾ കൈമാറുന്നവരെ രാജ്യദ്രോഹികളായി കണക്കാക്കി വധശിക്ഷയ്ക്ക് വിധേയരാക്കാനാണ് നിർദ്ദേശം. വധശിക്ഷയ്ക്ക് പുറമെ, കുറ്റവാളികളുടെ മുഴുവൻ സ്വത്തുക്കളും കണ്ടുകെട്ടാനും ഭരണകൂടം ഉത്തരവിട്ടിട്ടുണ്ട്. വിദേശ രാജ്യങ്ങളിലെ മാധ്യമങ്ങൾക്കോ ഏജൻസികൾക്കോ രാജ്യത്തെ ആഭ്യന്തര കാര്യങ്ങൾ വെളിപ്പെടുത്തുന്ന ദൃശ്യങ്ങൾ നൽകുന്നത് ചാരവൃത്തിയായിട്ടാണ് ഇറാൻ കോടതികൾ വിലയിരുത്തുന്നത്.

രാജ്യത്ത് നടക്കുന്ന പ്രതിഷേധങ്ങളുടെയും മറ്റ് ആഭ്യന്തര സംഭവങ്ങളുടെയും ദൃശ്യങ്ങൾ പുറംലോകം അറിയുന്നത് തടയാൻ ലക്ഷ്യമിട്ടാണ് പുതിയ നീക്കം. ഇറാനിലെ ഇസ്ലാമിക് പീനൽ കോഡ് അനുസരിച്ച് 'ഭൂമിയിൽ അഴിമതിയുണ്ടാക്കുക' (Corruption on Earth) എന്ന കുറ്റകൃത്യത്തിന്റെ പരിധിയിൽ പെടുത്തിയാണ് ഇത്തരം കേസുകളിൽ വിധി പ്രസ്താവിക്കുക.

Key Words : Iran War, Iran, Death penalty, US and Israel