സര്‍ക്കാര്‍ വിരുദ്ധ കലാപം: ഇറാനില്‍ ഗുസ്തി താരത്തെയും രണ്ട് യുവാക്കളെയും പരസ്യമായി തൂക്കിക്കൊന്നു

Iran has publicly executed a 19-year-old champion wrestler and two other protesters

ടെഹ്‌റാന്‍ : 19 വയസ്സുകാരനായ ഗുസ്തി താരത്തെയും മറ്റു രണ്ട് പ്രതിഷേധക്കാരെയും ഇറാന്‍ പരസ്യമായി തൂക്കിലേറ്റി. ഖോം നഗരത്തില്‍ നടന്ന ഈ തൂക്കിലേറ്റല്‍, വിയോജിപ്പുകളെ അടിച്ചമര്‍ത്താനുള്ള സര്‍ക്കാരിന്റെ നടപടികള്‍ കടുപ്പിക്കുന്നതിന്റെ സൂചനയായാണ് ലോകം കാണുന്നത്.

ഉദിച്ചുവരുന്ന ഗുസ്തി താരമായ സാലിഹ് മുഹമ്മദി, സയീദ് ദാവൂദി, മെഹ്ദി ഖാസെമി എന്നിവരെയാണ് വ്യാഴാഴ്ച വധശിക്ഷയ്ക്ക് വിധേയരാക്കിയത്. 2026 ജനുവരി 8-ന് നടന്ന പ്രതിഷേധത്തിനിടെ രണ്ട് പോലീസ് ഉദ്യോഗസ്ഥരെ കൊലപ്പെടുത്തിയതില്‍ പങ്കുണ്ടെന്ന് ആരോപിച്ചാണ് ഇവര്‍ക്കെതിരെ നടപടിയെടുത്തത്.

'ഖോമിലെ ഒരു കൂട്ടം ആളുകളുടെ സാന്നിധ്യത്തിലാണ്' വധശിക്ഷ നടപ്പിലാക്കിയതെന്ന് സര്‍ക്കാര്‍ മാധ്യമങ്ങള്‍ റിപ്പോര്‍ട്ട് ചെയ്തു. 2025 ഡിസംബര്‍ അവസാനം മുതല്‍ 2026 ജനുവരി വരെ നീണ്ടുനിന്ന രാജ്യവ്യാപകമായ പ്രക്ഷോഭങ്ങളുമായി ബന്ധപ്പെട്ട് തൂക്കിലേറ്റപ്പെട്ട ആദ്യത്തെ പ്രതിഷേധക്കാരാണ് ഇവര്‍.

പീഡനത്തിലൂടെയും ഭീഷണിയിലൂടെയും നിര്‍ബന്ധിതമായി വാങ്ങിയ മൊഴികളുടെ അടിസ്ഥാനത്തില്‍, അങ്ങേയറ്റം നീതിരഹിതമായ വിചാരണയിലൂടെയാണ് ഇവര്‍ക്ക് വധശിക്ഷ നല്‍കിയതെന്ന് ഇസ്രായേല്‍ ആസ്ഥാനമായുള്ള ഇറാന്‍ ഹ്യൂമന്‍ റൈറ്റ്സ് ഡയറക്ടര്‍ മഹ്മൂദ് അമിരി-മൊഗദ്ദം ആരോപിച്ചു.

'രാഷ്ട്രീയ വിയോജിപ്പുകളെ അടിച്ചമര്‍ത്തുന്നതിനായി ഭീകരാന്തരീക്ഷം സൃഷ്ടിക്കാന്‍ ലക്ഷ്യമിട്ടുള്ള നിയമവിരുദ്ധ കൊലപാതകങ്ങളായാണ് ഞങ്ങള്‍ ഇതിനെ കണക്കാക്കുന്നത്. അന്താരാഷ്ട്ര സമൂഹം അടിയന്തരമായി ഇടപെടണം.' - മഹ്മൂദ് അമിരി-മൊഗദ്ദം പറഞ്ഞു.

ആംനസ്റ്റി ഇന്റര്‍നാഷണല്‍ പറയുന്നതനുസരിച്ച്, പ്രതികള്‍ക്ക് കൃത്യമായ പ്രതിരോധത്തിന് അവസരം നല്‍കിയില്ലെന്നും, കേസ് വളരെ വേഗത്തില്‍ തീര്‍പ്പാക്കി വധശിക്ഷ നടപ്പിലാക്കുകയായിരുന്നുവെന്നും ആരോപിക്കുന്നു. ഇറാനിലെ കടുത്ത നിയമമായ 'ദൈവത്തിനെതിരെയുള്ള യുദ്ധം'  എന്ന കുറ്റമാണ് മുഹമ്മദിക്കെതിരെ ചുമത്തിയിരുന്നത്.

ഇറാനിയന്‍ അത്ലറ്റും മനുഷ്യാവകാശ പ്രവര്‍ത്തകനുമായ നിമ ഫാര്‍ ഈ സംഭവത്തെ 'പച്ചയായ രാഷ്ട്രീയ കൊലപാതകം' എന്ന് വിശേഷിപ്പിച്ചു. 2020-ല്‍ ഗുസ്തി താരം നവീദ് അഫ്കാരിയെ വധിച്ചതിന് സമാനമായ സാഹചര്യമാണിതെന്നും അദ്ദേഹം ചൂണ്ടിക്കാട്ടി. പ്രതിഷേധക്കാരെ വധിക്കുന്നത് നിര്‍ത്തുന്നതുവരെ ഇറാനെ അന്താരാഷ്ട്ര കായിക മത്സരങ്ങളില്‍ നിന്ന് വിലക്കണമെന്നും അദ്ദേഹം ആവശ്യപ്പെട്ടു.

വരും ആഴ്ചകളില്‍ കൂടുതല്‍ വധശിക്ഷകള്‍ നടപ്പിലാക്കാന്‍ സാധ്യതയുണ്ടെന്ന് മനുഷ്യാവകാശ പ്രവര്‍ത്തകര്‍ ഭയപ്പെടുന്നു. 

Summary: According to reports from state media and human rights organizations, Iran has publicly executed a 19-year-old champion wrestler and two other protesters. Activists state that these hangings in the city of Qom signal a sharp escalation in the government’s crackdown on dissent.

Rising wrestling talent Saleh Mohammadi was executed on Thursday alongside Saeed Davodi and Mehdi Ghasemi. They were accused of involvement in the killing of two police officers during protests on January 8, 2026.

Public Execution: State media reported that the executions were carried out "in the presence of a group of people in Qom."

First Executions: These are the first known protesters to be hanged in connection with the nationwide unrest that began in late December 2025 and continued into January 2026.

Human Rights Violations: Mahmood Amiry-Moghaddam, director of Iran Human Rights (IHRNGO), alleged that the men were sentenced following "grossly unfair trials" based on confessions extracted through torture and coercion.