If Strait of Hormuz is Not Opened, Iran's Power Plants Will Be Destroyed: Trump's Warning
ദുബായ്: ലോകത്തെ ആകെ എണ്ണ വിതരണത്തിന്റെ അഞ്ചിലൊന്ന് കടന്നുപോകുന്ന ഹോര്മുസ് കടലിടുക്ക് 48 മണിക്കൂറിനുള്ളില് കപ്പല് ഗതാഗതത്തിനായി തുറന്നുകൊടുത്തില്ലെങ്കില് ഇറാന്റെ പവര് പ്ലാന്റുകള് തകര്ക്കുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് ഭീഷണിപ്പെടുത്തി.
ട്രൂത്ത് സോഷ്യലിലെ പോസ്റ്റിലൂടെയാണ് ട്രംപ് ഈ മുന്നറിയിപ്പ് നല്കിയത്. 'ഈ നിമിഷം മുതല്' 48 മണിക്കൂറിനുള്ളില് ഹോര്മുസ് കടലിടുക്ക് പൂര്ണ്ണമായും തുറക്കണമെന്ന് അദ്ദേഹം ആവശ്യപ്പെട്ടു. ഇന്ത്യന് സമയം പുലര്ച്ചെ 5:14-നായിരുന്നു ഈ പോസ്റ്റ്. ഇത് പ്രകാരം ചൊവ്വാഴ്ച രാവിലെ വരെയാണ് ഇറാന് നല്കിയിരിക്കുന്ന സമയം.
'ഭീഷണികളില്ലാതെ ഇറാന് ഹോര്മുസ് കടലിടുക്ക് 48 മണിക്കൂറിനുള്ളില് പൂര്ണ്ണമായും തുറന്നില്ലെങ്കില്, അമേരിക്ക ഇറാന്റെ വിവിധ പവര് പ്ലാന്റുകള് തകര്ക്കും. ഏറ്റവും വലുതില് നിന്നായിരിക്കും തുടക്കം,' ട്രംപ് പറഞ്ഞു.
ട്രംപിന്റെ അന്ത്യശാസനത്തിന് പിന്നാലെ ഇറാന് സൈന്യവും ശക്തമായ മറുപടിയുമായി രംഗത്തെത്തി. മേഖലയിലെ അമേരിക്കയുടെ ഊര്ജ്ജ, സാങ്കേതിക വിദ്യ, ശുദ്ധജല പ്ലാന്റുകള് എന്നിവ ലക്ഷ്യമിടുമെന്നാണ് ഇറാന്റെ ഭീഷണി. ശത്രുക്കള് ഇറാന്റെ ഊര്ജ്ജ കേന്ദ്രങ്ങളെ ആക്രമിച്ചാല്, മേഖലയിലുള്ള അമേരിക്കയുടെയും സഖ്യകക്ഷികളുടെയും എല്ലാ ഐടി, ഊര്ജ്ജ കേന്ദ്രങ്ങളും തകര്ക്കുമെന്ന് ഇറാന്റെ 'ഖാതം അല്-അന്ബിയ' സൈനിക കമാന്ഡ് അറിയിച്ചതായി വാര്ത്താ ഏജന്സിയായ എഎഫ്പി റിപ്പോര്ട്ട് ചെയ്തു.
യുദ്ധം അവസാനിപ്പിക്കുകയാണെന്ന് ട്രംപ് പ്രഖ്യാപിച്ച് ഒരു ദിവസം തികയും മുന്പാണ് ഈ നാടകീയമായ സംഭവവികാസങ്ങള്.
ഫെബ്രുവരി 28-ന് ഇറാനുനേരെ യുഎസും ഇസ്രായേലും നടത്തിയ സംയുക്ത ആക്രമണത്തിന് പിന്നാലെയാണ് ഇറാന് ഹോര്മുസ് കടലിടുക്കില് നിയന്ത്രണം ഏര്പ്പെടുത്തിയത്. ലോകത്തെ ക്രൂഡ് ഓയില്, ദ്രവീകൃത പ്രകൃതിവാതകം എന്നിവയുടെ 20 ശതമാനത്തോളം ഈ വഴിയിലൂടെയാണ് കടന്നുപോകുന്നത്. ഈ തടസ്സം ആഗോളതലത്തില് എണ്ണവില കുതിച്ചുയരാനും പണപ്പെരുപ്പത്തിനും കാരണമായിട്ടുണ്ട്. യുകെ, ഫ്രാന്സ്, ജര്മ്മനി ഉള്പ്പെടെയുള്ള രാജ്യങ്ങള് ഇറാന്റെ ഈ നടപടിയെ അപലപിച്ചു.
കടലിടുക്ക് ഇനി പഴയ നിലയിലേക്ക് പെട്ടെന്ന് മടങ്ങിവരില്ലെന്ന് ഇറാന്റെ പാര്ലമെന്റ് സ്പീക്കര് മുഹമ്മദ് ബാഗര് ഗാലിബാഫ് മുന്നറിയിപ്പ് നല്കിയിരുന്നു. കടലിലെ മൈനുകളും പൊട്ടിത്തെറിക്കാത്ത വെടിക്കോപ്പുകളും കാരണം ഇത് തുറക്കാന് മാസങ്ങള് എടുത്തേക്കാമെന്നാണ് വിദഗ്ധരുടെ വിലയിരുത്തല്.
ആണവ നിലയങ്ങള്ക്ക് നേരെയുള്ള ആക്രമണം
ഇതിനിടെ, ഇറാന്റെ നതാന്സ് ആണവ സമ്പുഷ്ടീകരണ കേന്ദ്രത്തിന് നേരെ ശനിയാഴ്ച വ്യോമാക്രമണം ഉണ്ടായി. എന്നാല് റേഡിയേഷന് ചോര്ച്ച റിപ്പോര്ട്ട് ചെയ്തിട്ടില്ലെന്ന് ഇറാന് വാര്ത്താ ഏജന്സിയായ മിസാന് അറിയിച്ചു.
ഇതിന് മറുപടിയായി, ഇസ്രായേല് നഗരങ്ങളായ ഡിമോണ, അറാദ് എന്നിവിടങ്ങളില് ഇറാന് ശക്തമായ മിസൈല് ആക്രമണം നടത്തി. ആക്രമണത്തില് നൂറിലധികം പേര്ക്ക് പരിക്കേറ്റു.
ഡിമോണയിലെ 'ഷിമോണ് പെരസ് നെഗേവ് ന്യൂക്ലിയര് റിസര്ച്ച് സെന്റര്' ആയിരുന്നു ഇറാന്റെ പ്രധാന ലക്ഷ്യം. ജനവാസ കേന്ദ്രങ്ങളില് പതിച്ച മിസൈലുകള് കെട്ടിടങ്ങള് തകര്ക്കുകയും വലിയ കുഴികള് രൂപപ്പെടുത്തുകയും ചെയ്തതായി വാര്ത്താ ഏജന്സിയായ എഎഫ്പി റിപ്പോര്ട്ട് ചെയ്തു.
നൂറുകണക്കിന് കിലോ ഭാരമുള്ള പോര്മുനകളോടു കൂടിയ ബാലിസ്റ്റിക് മിസൈലുകളെ തടയാന് ഇസ്രായേലിന്റെ വ്യോമ പ്രതിരോധ സംവിധാനങ്ങള് ശ്രമിച്ചെങ്കിലും പരാജയപ്പെട്ടതായി അഗ്നിശമന സേന അറിയിച്ചു. അറാദില് ഇവിടെ 84 പേര്ക്ക് പരിക്കേറ്റു, ഇതില് 10 പേരുടെ നില ഗുരുതരമാണ്. ഡിമോണയില് ഇവിടെ 33 പേര്ക്ക് പരിക്കേറ്റു.
ജനവാസ മേഖലകളില് വലിയ തോതിലുള്ള നാശനഷ്ടങ്ങളും പരിഭ്രാന്തിയും ഉണ്ടായതായി പാരാമെഡിക് ഉദ്യോഗസ്ഥര് അറിയിച്ചു.
'ഇതൊരു കഠിനമായ വൈകുന്നേരമാണ്,' എന്ന് ഇസ്രായേല് പ്രധാനമന്ത്രി നെതന്യാഹു പ്രതികരിച്ചു. പരിക്കേറ്റവര്ക്കായി പ്രാര്ത്ഥിക്കുന്നതായും ശത്രുക്കള്ക്ക് എല്ലാ മുന്നണികളിലും തിരിച്ചടി നല്കാന് തങ്ങള് പ്രതിജ്ഞാബദ്ധരാണെന്നും അദ്ദേഹം കൂട്ടിച്ചേര്ത്തു. ഇതിന് പിന്നാലെ ടെഹ്റാന്റെ ഹൃദയഭാഗത്തുള്ള ഇറാനിയന് കേന്ദ്രങ്ങളില് ഇസ്രായേല് സൈന്യം ആക്രമണം നടത്തുന്നതായി ഔദ്യോഗിക പ്രസ്താവന പുറത്തുവന്നു.
വ്യോമ പ്രതിരോധ സംവിധാനങ്ങള് പ്രവര്ത്തിച്ചെങ്കിലും മിസൈലുകളെ തടയാന് കഴിഞ്ഞില്ലെന്ന് ഐഡിഎഫ് വക്താവ് ബ്രിഗേഡിയര് ജനറല് എഫി ഡെഫ്രിന് സ്ഥിരീകരിച്ചു. സംഭവത്തെക്കുറിച്ച് അന്വേഷണം നടത്തുമെന്നും അദ്ദേഹം അറിയിച്ചു.
Summary: U.S. President Donald Trump has threatened to "obliterate" Iran's power plants if the Strait of Hormuz—a vital chokepoint through which one-fifth of the world's oil supply passes—is not reopened for shipping traffic.
Trump issued this warning via a post on Truth Social. He demanded that the Strait be "fully reopened" within 48 hours from "this exact point in time." The post was made at 5:14 AM IST, giving Tehran until Tuesday morning to comply.
"If Iran doesn't FULLY OPEN, WITHOUT THREAT, the Strait of Hormuz, within 48 HOURS from this exact point in time, the United States of America will hit and obliterate their various POWER PLANTS, STARTING WITH THE BIGGEST ONE FIRST!" Trump stated.
Iran's Retaliation
Following Trump's ultimatum, the Iranian military responded with a strong counter-threat. Tehran warned that it would target America's energy, technology, and desalination infrastructure in the region.
According to a report by the news agency AFP, the Iranian military's operational command, Khatam Al-Anbiya, stated that if the enemy violates Iran's fuel and energy infrastructure, all IT and energy centers belonging to the U.S. and its allies in the region will be targeted.
COMMENTS