No Official Confirmation: U.S. Central Command (CENTCOM) has not officially admitted to losing an F-15 aircraft yet
എന് പ്രഭാകരന്
ദുബായ് : ഹോര്മുസ് കടലിടുക്കിനു സമീപം ഒരു യു.എസ്. എ15 യുദ്ധവിമാനം വെടിവച്ചിട്ടതായി ഇറാന്റെ സൈന്യം അവകാശപ്പെട്ടു. അമേരിക്കയുടെ അഭിമാനമായ എഫ് 35 കഴിഞ്ഞ ദിവസം ഇറാന് വീഴ്ത്തിയിരുന്നു.
ദക്ഷിണ തീരത്ത് മിസൈല് പ്രയോഗിച്ചാണ് വിമാനത്തെ വീഴ്ത്തിയതെന്നാണ് ഇറാന്റെ അവകാസം. തങ്ങളുടെ ഉപരിതല-വ്യോമ മിസൈല് സംവിധാനം വിമാനത്തെ തടയുകയും തകര്ക്കുകയും ചെയ്തതായി ഇറാന്റെ ജോയിന്റ് എയര് ഡിഫന്സ് കമാന്ഡ് അറിയിച്ചു.
ഇറാന്റെ വ്യോമ പ്രതിരോധ സംവിധാനങ്ങള് വിമാനത്തെ ലക്ഷ്യമിടുന്നതും വെടിവച്ചിടുന്നതും എന്ന് അവകാശപ്പെടുന്ന 29 സെക്കന്ഡ് ദൈര്ഘ്യമുള്ള വീഡിയോ ഇറാന്റെ ഔദ്യോഗിക മാധ്യമങ്ങള് പുറത്തുവിട്ടു.
എഫ്15 വിമാനം നഷ്ടപ്പെട്ടതായി യു.എസ് സെന്ട്രല് കമാന്ഡോ പെന്റഗണോ ഇതുവരെ ഔദ്യോഗികമായി സ്ഥിരീകരിച്ചിട്ടില്ല. എന്നാല്, ഹോര്മുസ് കടലിടുക്കിന് മുകളില് ഒരു 'വ്യോമ അപകടം' നടന്നതായും അത് അന്വേഷിച്ചു വരികയാണെന്നും പെന്റഗണ് വക്താവ് സൂചിപ്പിച്ചു. ഇറാന്റെ ഐ.ആര്.ജി.സി പുറത്തുവിട്ട വീഡിയോ ദൃശ്യങ്ങള് പഴയതാണെന്നും അല്ലെങ്കില് അത് ഒരു ഡ്രോണ് തകര്ത്തതിന്റെ ദൃശ്യങ്ങളാകാമെന്നും യു.എസ് ഇന്റലിജന്സ് വൃത്തങ്ങള് വാദിക്കുന്നുണ്ട്.
വിമാനം തകര്ന്നു എന്ന് പറയപ്പെടുന്ന മേഖലയില് യു.എസ് നേവിയുടെയും കോസ്റ്റ് ഗാര്ഡിന്റെയും നേതൃത്വത്തില് തിരച്ചിലും രക്ഷാപ്രവര്ത്തനവും ആരംഭിച്ചതായി റിപ്പോര്ട്ടുകളുണ്ട്. ഇറാന്റെ പ്രാദേശിക മാധ്യമങ്ങള് ഒരു പാരാഷൂട്ട് കടലില് പതിക്കുന്ന ദൃശ്യങ്ങള് പ്രചരിപ്പിക്കുന്നുണ്ടെങ്കിലും, പൈലറ്റ് ഇറാന്റെ കസ്റ്റഡിയിലാണോ അതോ കടലില് കാണാതായതാണോ എന്ന കാര്യത്തില് വ്യക്തതയില്ല. പൈലറ്റ് ഇറാന് സൈന്യത്തിന്റെ പിടിയിലായാല് അത് യുദ്ധത്തിന്റെ ഗതി മാറ്റുന്ന ഒരു നിര്ണ്ണായക സംഭവമായി മാറും.
ഫെബ്രുവരി 28-ന് ആരംഭിച്ച 2026-ലെ ഇറാന് യുദ്ധത്തിന്റെ നാലാം ആഴ്ചയിലാണ് ഈ സംഭവം നടക്കുന്നത്. യു.എസ് പ്രസിഡന്റ് ഡൊണാള്ഡ് ട്രംപ് നല്കിയ 48 മണിക്കൂര് അന്ത്യശാസനത്തെത്തുടര്ന്ന് ഇന്ന് സംഘര്ഷം അതിന്റെ ഉച്ചസ്ഥായിയിലെത്തിയിരിക്കുകയാണ്:
48 മണിക്കൂറിനുള്ളില് ഹോര്മുസ് കടലിടുക്ക് പൂര്ണ്ണമായി തുറന്നുകൊടുത്തില്ലെങ്കില് ഇറാന്റെ ഊര്ജ്ജ നിലയങ്ങളും അടിസ്ഥാന സൗകര്യങ്ങളും തകര്ക്കുമെന്ന് പ്രസിഡന്റ് ട്രംപ് മുന്നറിയിപ്പ് നല്കി.
ഏതാനും ദിവസങ്ങള്ക്ക് മുമ്പ് ഇറാന്റെ ആക്രമണത്തില് ഒരു യു.എസ്. എഫ് 35 വിമാനത്തിന് കേടുപാടുകള് സംഭവിച്ചിരുന്നുവെങ്കിലും അത് അടിയന്തരമായി നിലത്തിറക്കാന് സാധിച്ചു. കൂടാതെ, ഈ മാസം ആദ്യം കുവൈറ്റ് വ്യോമ പ്രതിരോധ സേനയുടെ പിഴവ് മൂലം മൂന്ന് എഫ്15 വിമാനങ്ങള് തകര്ന്നതായും റിപ്പോര്ട്ടുകളുണ്ട്.
ഇന്നലെ ഇറാന് ഇന്ത്യന് മഹാസമുദ്രത്തിലെ ഡീഗോ ഗാര്ഷ്യയിലുള്ള യു.എസ്-യുകെ സംയുക്ത സൈനിക താവളത്തിന് നേരെ ദീര്ഘദൂര ബാലിസ്റ്റിക് മിസൈലുകള് അയച്ചിരുന്നുവെങ്കിലും ഒന്നു പാതിവഴിയില് ലക്ഷ്യം തെറ്റുകയും മറ്റൊന്ന് വ്യോമ പ്രതിരോധ സംവിധാനം ഉപയോഗിച്ച് തകര്ക്കുകയും ചെയ്തു.
റഡാറുകളെ കണ്ണുവെട്ടിക്കുന്ന എഫ്-35 സ്റ്റെല്ത്ത് പോര് വിമാനത്തില് പതിച്ചത് ഇറാന്റെ വ്യോമ പ്രതിരോധ സംവിധാനത്തില് നിന്നുള്ള മിസൈല്? സഹായിച്ചത് റഷ്യന് സാങ്കേതിക വിദ്യ
Summary: No Official Confirmation: U.S. Central Command (CENTCOM) has not officially admitted to losing an F-15 aircraft yet. However, a Pentagon spokesperson mentioned that an "aerial incident" occurred over the Strait of Hormuz and is currently under investigation.
Contesting Iran's Claim: U.S. intelligence sources argue that the video footage released by Iran's IRGC may be old or could potentially show the downing of a drone rather than a manned fighter jet.
Military Readiness: Following these reports, the U.S. has intensified surveillance and patrols from the aircraft carrier USS Abraham Lincoln positioned in the region.
COMMENTS