എണ്ണയ്ക്കു തീ കൊടുത്ത് ഇറാന്‍, സൗദി അരാംകോ റിഫൈനറിക്കും ഖത്തറിലെ എണ്ണ ഉത്പാദന കേന്ദ്രങ്ങള്‍ക്കും നേരേ ഇറാന്‍ ഡ്രോണ്‍-മിസൈല്‍ ആക്രമണം

Tensions are rising in the Middle East following targeted drone attacks on major energy hubs

എന്‍ പ്രഭാകരന്‍

ദുബായ് : ഏറ്റുമുട്ടലിന്റെ ദിശ മാറ്റിക്കൊണ്ട് ഇറാനിലും ഖത്തറിലും എണ്ണ ഉത്പാദന കേന്ദ്രങ്ങള്‍ക്കു നേരേ ഇറാന്‍ ഡ്രോണ്‍-മിസൈല്‍ ആക്രമണങ്ങള്‍ അഴിച്ചുവിട്ടു. ആക്രമണത്തെത്തുടര്‍ന്ന് സൗദി അരാംകോ തങ്ങളുടെ റാസ് തനൂറ റിഫൈനറി താല്‍ക്കാലികമായി അടച്ചുപൂട്ടി. റാസ് ലഫാന്‍, മിസൈദ് എന്നിവിടങ്ങളിലെ ഊര്‍ജ്ജ കേന്ദ്രങ്ങള്‍ക്ക് നേരെ ഇറാന്‍ ഡ്രോണ്‍ ആക്രമണം ഉണ്ടായതിനെത്തുടര്‍ന്ന് ലോകത്തിലെ ഏറ്റവും വലിയ പ്രകൃതിവാതക ഉത്പാദകരായ ഖത്തര്‍ എനര്‍ജി, ദ്രവീകൃത പ്രകൃതിവാതകത്തിന്റെയും അനുബന്ധ ഉല്‍പ്പന്നങ്ങളുടെയും ഉത്പാദനം നിര്‍ത്തിവെച്ചതായി അറിയിച്ചു.

നേരത്തെ, വ്യവസായ നഗരങ്ങളായ റാസ് ലഫാനിലും മിസൈദിലുമുള്ള ഊര്‍ജ്ജ കേന്ദ്രങ്ങളില്‍ രണ്ട് ഡ്രോണുകള്‍ പതിച്ചതായും എന്നാല്‍ ആളപായമൊന്നും റിപ്പോര്‍ട്ട് ചെയ്തിട്ടില്ലെന്നും ഖത്തര്‍ പ്രതിരോധ മന്ത്രാലയം വ്യക്തമാക്കിയിരുന്നു. മിസൈദില്‍ ഒരു പവര്‍ പ്ലാന്റിലെ വാട്ടര്‍ ടാങ്കിന് നേരെയാണ് ഒരു ഡ്രോണ്‍ ആക്രമണം ഉണ്ടായത്. റാസ് ലഫാനില്‍ ഖത്തര്‍ എനര്‍ജിയുടെ ഉടമസ്ഥതയിലുള്ള ഊര്‍ജ്ജ കേന്ദ്രത്തിലാണ് രണ്ടാമത്തെ ഡ്രോണ്‍ പതിച്ചത്. ആക്രമണം മൂലമുണ്ടായ നാശനഷ്ടങ്ങള്‍ ബന്ധപ്പെട്ട അധികൃതര്‍ വിലയിരുത്തി വരികയാണെന്നും ഔദ്യോഗിക പ്രസ്താവന പിന്നീട് പുറത്തിറക്കുമെന്നും മന്ത്രാലയം അറിയിച്ചു.

സൗദി അറേബ്യയുടെ സര്‍ക്കാര്‍ ഉടമസ്ഥതയിലുള്ള അരാംകോയുടെ നിയന്ത്രണത്തിലുള്ള റാസ് തനൂറ റിഫൈനറിയില്‍ ഉണ്ടായ 'പരിമിതമായ തീപിടിത്തം' നിയന്ത്രണവിധേയമാക്കിയതായി സൗദി ഊര്‍ജ്ജ മന്ത്രാലയം അറിയിച്ചു. റിഫൈനറിക്ക് സമീപം വച്ച് രണ്ട് ഡ്രോണുകള്‍ വെടിവെച്ചിട്ടതിനെത്തുടര്‍ന്ന് അവയുടെ അവശിഷ്ടങ്ങള്‍ പതിച്ച് ചെറിയ രീതിയിലുള്ള നാശനഷ്ടങ്ങള്‍ സംഭവിച്ചിട്ടുണ്ട്.

സിവില്‍ ഡിഫന്‍സ് വിഭാഗം ഉടനടി ഇടപെട്ട് തീ അണച്ചതായും ആര്‍ക്കും പരിക്കോ ജീവഹാനിയോ സംഭവിച്ചിട്ടില്ലെന്നും സൗദി പ്രസ് ഏജന്‍സി റിപ്പോര്‍ട്ട് ചെയ്തു.  റിയാദ് മേഖലയെയും കിഴക്കന്‍ പ്രവിശ്യയെയും ലക്ഷ്യമിട്ട് നടന്ന ഈ 'ഭീരുത്വപരമായ ഇറാന്‍ ആക്രമണങ്ങളെ' സൗദി അറേബ്യ ശക്തമായി അപലപിച്ചു. ആക്രമണങ്ങളെ പ്രതിരോധ സംവിധാനങ്ങള്‍ വിജയകരമായി തടഞ്ഞതായും സൗദി വ്യക്തമാക്കി.

സൗദി അറേബ്യയിലെ പ്രധാന എണ്ണശുദ്ധീകരണ കേന്ദ്രങ്ങളിലൊന്നായ റാസ് തനൂറയ്ക്ക് നേരെയുണ്ടായ ഈ ആക്രമണം മേഖലയിലെ ഊര്‍ജ്ജ വിതരണത്തില്‍ വലിയ തടസ്സങ്ങളുണ്ടാക്കുമെന്ന ആശങ്ക വര്‍ദ്ധിപ്പിച്ചിരിക്കുകയാണ്.

ആഗോള എണ്ണ വിപണി കടുത്ത സമ്മര്‍ദ്ദത്തിലൂടെ കടന്നുപോകുന്ന ഘട്ടത്തിലാണ് ഈ ആക്രമണം. ലോകത്തിലെ പ്രതിദിന എണ്ണപ്രവാഹത്തിന്റെ ഏകദേശം 20 ശതമാനവും കടന്നുപോകുന്ന ഹോര്‍മുസ് കടലിടുക്കിലെ ഗതാഗതം ഇറാന്‍ സംഘര്‍ഷത്തെത്തുടര്‍ന്ന് തടസ്സപ്പെട്ടതോടെ, ക്രൂഡ് ഓയില്‍ വില കഴിഞ്ഞ നാല് വര്‍ഷത്തിനിടയിലെ ഏറ്റവും ഉയര്‍ന്ന നിരക്കിലെത്തി. ഇറാന്‍ ഔദ്യോഗികമായി ഈ പാത അടച്ചിട്ടില്ലെങ്കിലും, സുരക്ഷാ കാരണങ്ങളാല്‍ പല കപ്പല്‍ ഉടമകളും ഗതാഗതം നിര്‍ത്തിവച്ചിരിക്കുകയാണ്.

ഗള്‍ഫ് കയറ്റുമതിയില്‍ ഉണ്ടാകുന്ന ഏത് തടസ്സവും ആഗോളതലത്തില്‍ വിതരണം കുറയ്ക്കുകയും വിലക്കയറ്റത്തിന് കാരണമാവുകയും ചെയ്യും. വിതരണത്തിലെ ആശങ്കകള്‍ കാരണം ബ്രെന്റ് ക്രൂഡ് ഓയില്‍ വില ബാരലിന് 80 ഡോളറിലേക്ക് ഉയര്‍ന്നു.

ശനിയാഴ്ച ഇറാനിലെ വിവിധ കേന്ദ്രങ്ങള്‍ക്ക് നേരെ അമേരിക്കയും ഇസ്രായേലും മിസൈല്‍ ആക്രമണം നടത്തിയതോടെയാണ് ഇറാന്‍ സംഘര്‍ഷം വഷളായത്. ഇതിന് മറുപടിയായി ഇസ്രായേലിനും സൗദി അറേബ്യ, ഖത്തര്‍, യുണൈറ്റഡ് അറബ് എമിറേറ്റ്‌സ്, കുവൈറ്റ്, ബഹ്റൈന്‍ എന്നിവിടങ്ങളിലെ യുഎസ് സൈനിക താവളങ്ങള്‍ക്കും നേരെ ഇറാന്‍ ആക്രമണം നടത്തി.

Summary: Tensions are rising in the Middle East following targeted drone attacks on major energy hubs.  

Impact on Qatar: Qatar Energy has temporarily halted its Liquified Natural Gas (LNG) production following Iranian drone strikes on energy facilities in Ras Laffan and Mesaieed. Damage was reported to a water tank at a power plant and an energy facility.

Situation in Saudi Arabia: The Saudi Ministry of Energy reported that two drones targeting the Ras Tanura refinery were intercepted. Falling debris caused a limited fire at the refinery, which was quickly brought under control.

No Casualties: No injuries or fatalities have been reported in either country following these attacks.

Official Response: Saudi Arabia has strongly condemned these "cowardly" attacks, stating they were successfully intercepted by defense systems.