Chinese Firm Tracks US Military Movements; Leaked Data Aided Iranian Strategy
.jpg) | |
| ഫെബ്രുവരി 24 ന് സൗദി അറേബ്യയിലെ പ്രിന്സ് സുല്ത്താന് എയര്ഫോഴ്സ് ബേസില് സൈനിക വിമാനങ്ങള് നില്ക്കുന്നതിന്റെ ഉപഗ്രഹ ചിത്രങ്ങള് |
റണ്വേകളില് നിര്ത്തിയിട്ടിരിക്കുന്ന വിമാനങ്ങള്, മരുഭൂമിയിലെ വ്യോമതാവളങ്ങളില് എത്തുന്ന ട്രാന്സ്പോര്ട്ട് വിമാനങ്ങള്, മെഡിറ്ററേനിയനില് എവിടെയോ യുദ്ധവിമാനങ്ങള് നിറഞ്ഞ വിമാനവാഹിനിക്കപ്പലുകള് എന്നിവയായിരുന്നു ആ ചിത്രങ്ങളില്. എന്നാല് ഓരോ ചിത്രത്തിലും അസാധാരണമായ കൃത്യതയോടെയുള്ള വിവരങ്ങള് രേഖപ്പെടുത്തിയിരുന്നുഅത് ഇംഗ്ലീഷിലായിരുന്നില്ല, മറിച്ച് മന്ദാരിന് ഭാഷയിലായിരുന്നു. വിമാനങ്ങളുടെ തരം, മിസൈല് പ്രതിരോധ സംവിധാനങ്ങള്, സൈനികരുടെ കേന്ദ്രങ്ങള് എന്നിവയെല്ലാം കൃത്യമായ ജിയോലൊക്കേഷന് സഹിതം അടയാളപ്പെടുത്തിയിരുന്നു.
ഇസ്രായേലിലെ ഓവ്ഡ എയര് ബേസില് നിര്ത്തിയിട്ടിരിക്കുന്ന ലോക്ഹീഡ് മാര്ട്ടിന് എഫ്-22 സ്റ്റെല്ത്ത് ഫൈറ്റര് വിമാനങ്ങളുടെ ദൃശ്യങ്ങള് ഇതില് ഉള്പ്പെട്ടിരുന്നു. സൗദി അറേബ്യയിലെ പ്രിന്സ് സുല്ത്താന് എയര് ബേസിലെ സൈനിക വിന്യാസവും ഖത്തര്, ജോര്ദാന്, ബഹ്റൈന് എന്നിവിടങ്ങളിലെ യുഎസ് താവളങ്ങളുടെ മാപ്പുകളും ഇതിലുണ്ടായിരുന്നു. 200-ല് താഴെ ജീവനക്കാരുള്ള ഒരു ചൈനീസ് ആര്ട്ടിഫിഷ്യല് ഇന്റലിജന്സ് കമ്പനിയാണ് ഈ ചിത്രങ്ങള് ഓണ്ലൈനില് പങ്കുവച്ചത്.
ഇതിനു പിന്നാലെ, ഫെബ്രുവരി 28-ന് അമേരിക്കയും ഇസ്രായേലും ചേര്ന്ന് ഇറാനെ ലക്ഷ്യമിട്ട് 'ഓപ്പറേഷന് എപ്പിക് ഫ്യൂറി' എന്ന പേരില് വ്യോമാക്രമണം നടത്തി. ഇതിന് മറുപടിയായി ടെഹ്റാനില് നിന്ന് മിസൈല്-ഡ്രോണ് ആക്രമണങ്ങളും ഉണ്ടായി. യുദ്ധത്തിനിടയിലും, അമേരിക്കന് വിമാനങ്ങളുടെയും മിസൈല് പ്രതിരോധ സംവിധാനങ്ങളുടെയും നീക്കങ്ങള് കാണിക്കുന്ന ഉപഗ്രഹ ചിത്രങ്ങള് നിരന്തരമായി ഓണ്ലൈനില് വന്നുകൊണ്ടിരുന്നു. ഷാങ്ഹായ് ആസ്ഥാനമായുള്ള 'മിസാര്വിഷന്' എന്ന ജിയോസ്പേഷ്യല് ഇന്റലിജന്സ് കമ്പനിയായിരുന്നു ഇതിന് പിന്നില്.
ചിത്രങ്ങള് വ്യക്തമാക്കുന്നത്
ഫെബ്രുവരി 20-ഓടെയാണ് ആദ്യഘട്ട ചിത്രങ്ങള് പുറത്തുവന്നത്. ഇതില് ഇസ്രായേലിലേക്കുള്ള യുഎസ് വിമാനങ്ങളുടെ വരവ്, മിഡില് ഈസ്റ്റിലെ വിവിധ താവളങ്ങളിലെ സൈനിക വിന്യാസം, അറബിക്കടലിലെ വിമാനവാഹിനിക്കപ്പലുകളുടെ നീക്കം എന്നിവ കൃത്യമായി രേഖപ്പെടുത്തിയിരുന്നു. എ.ഐ ടൂളുകള് ഉപയോഗിച്ചാണ് ഈ ചിത്രങ്ങള് വിശകലനം ചെയ്തിരുന്നത്.
മാര്ച്ച് 1 ആയപ്പോഴേക്കും ജോര്ദാന്, കുവൈറ്റ്, ബഹ്റൈന്, യു.എ.ഇ എന്നിവിടങ്ങളിലെ സൈനിക താവളങ്ങളുടെ വിവരങ്ങളും പുറത്തുവന്നു. എക്സ്, വെയ്ബോ തുടങ്ങിയ സോഷ്യല് മീഡിയ പ്ലാറ്റ്ഫോമുകളിലൂടെയാണ് ഇവ പ്രചരിച്ചത്. ചൈനീസ് സര്ക്കാര് മാധ്യമങ്ങളുമായി ബന്ധപ്പെട്ട അക്കൗണ്ടുകളും ഇവ പങ്കുവച്ചിരുന്നു.
യുഎസ്എസ് ഫോര്ഡ് വിമാനവാഹിനിക്കപ്പല് സൗദ ബേ നേവല് ബേസില് നിന്ന് പുറപ്പെടുന്നതിന്റെ ദൃശ്യം
വിമാനവാഹിനിക്കപ്പലുകളെ പിന്തുടരുന്നു
കടലിലെ നീക്കങ്ങളും ഈ കമ്പനി നിരീക്ഷിച്ചു. യുഎസ് വിമാനവാഹിനിക്കപ്പലായ യുഎസ്എസ് ജെറാള്ഡ് ആര് ഫോര്ഡ്, യുഎസ്എസ് അബ്രഹാം ലിങ്കണ് എന്നിവയുടെ സ്ഥാനവും അവയിലെ വിമാനങ്ങളുടെ വിവരങ്ങളും ചിത്രങ്ങള് സഹിതം പുറത്തുവിട്ടു. ഫ്ലൈറ്റ് ട്രാക്കിംഗ് ഡാറ്റയും ഉപഗ്രഹ ചിത്രങ്ങളും സംയോജിപ്പിച്ചാണ് അവര് ഇത് സാധ്യമാക്കിയത്.
ആരാണ് ഈ കമ്പനിക്ക് പിന്നില്?
അമേരിക്കന് കമ്പനികളായ മാക്സര് അല്ലെങ്കില് പ്ലാനറ്റ് ലാബ്സ് എന്നിവയെപ്പോലെ സ്വന്തമായി ഉപഗ്രഹങ്ങള് ഉള്ളവരല്ല മിസാര്വിഷന്. പകരം, ലഭ്യമായ വിവരങ്ങള് ക്രോഡീകരിക്കുന്ന ഒരു 'ഇന്ഫര്മേഷന് അഗ്രഗേറ്റര്' ആയിട്ടാണ് അവര് പ്രവര്ത്തിക്കുന്നത്. വാണിജ്യ ഉപഗ്രഹ ചിത്രങ്ങള്, വിമാനങ്ങളുടെയും കപ്പലുകളുടെയും ട്രാക്കിംഗ് സിഗ്നലുകള് എന്നിവ എ.ഐ ഉപയോഗിച്ച് വിശകലനം ചെയ്ത് രഹസ്യാന്വേഷണ ഏജന്സികള്ക്ക് സമാനമായ റിപ്പോര്ട്ടുകള് അവര് തയ്യാറാക്കുന്നു.
ചൈനയുടെ 'ജിലിന്-1' ഉപഗ്രഹങ്ങളില് നിന്നോ അല്ലെങ്കില് പാശ്ചാത്യ രാജ്യങ്ങളിലെ വാണിജ്യ ഉപഗ്രഹങ്ങളില് നിന്നോ ആകാം ഇവര്ക്ക് ആവശ്യമായ ചിത്രങ്ങള് ലഭിക്കുന്നത്.
ഇറാന് ഈ വിവരങ്ങള് ഉപയോഗിച്ചോ?
ഇറാന് ഈ ചിത്രങ്ങള് നോക്കിയാണോ ആക്രമണം നടത്തിയത് എന്നതിന് സ്ഥിരീകരണമില്ല. എങ്കിലും, മിസാര്വിഷന് അടയാളപ്പെടുത്തിയ പല താവളങ്ങളും പിന്നീട് ഇറാന് ആക്രമിച്ചു. ഖത്തറിലെ അല്-ഉദൈദ് എയര് ബേസ്, ജോര്ദാനിലെ മുവാഫാക്ക് സാല്റ്റി എയര് ബേസ് എന്നിവ ഇതില്പ്പെടും. ജോര്ദാനില് അമേരിക്കയുടെ 300 ദശലക്ഷം ഡോളര് വിലമതിക്കുന്ന റഡാര് സംവിധാനം തകര്ക്കപ്പെട്ടു. ഇത് മിസൈല് പ്രതിരോധ രംഗത്ത് അമേരിക്കയ്ക്ക് വലിയ തിരിച്ചടിയുമായി.
Summary: In late February, well before the first missiles were launched and the name 'Operation Epic Fury' became public, high-resolution satellite images began circulating quietly across the internet.
These images captured aircraft stationed on runways, transport planes arriving at remote desert airbases, and fighter-laden carriers positioned in the Mediterranean. Crucially, the data superimposed on these images was recorded with surgical precision—not in English, but in Mandarin. The files detailed aircraft models, missile defense systems, and troop concentrations, all accompanied by exact geolocations.
ഫെബ്രുവരി 24 ന് സൗദി അറേബ്യയിലെ പ്രിന്സ് സുല്ത്താന് എയര്ഫോഴ്സ് ബേസില് സൈനിക വിമാനങ്ങള് നില്ക്കുന്നതിന്റെ ഉപഗ്രഹ ചിത്രങ്ങള്
.jpg)
COMMENTS