പശ്ചിമേഷ്യയിലെ കനക്കുന്ന സംഘർഷം ലഘൂകരിക്കാൻ മധ്യസ്ഥതയ്ക്ക് തയ്യാർ, അനുനയ നീക്കത്തിന് ചൈന

ന്യൂഡൽഹി: പശ്ചിമേഷ്യയിലെ കനക്കുന്ന സംഘർഷം ലഘൂകരിക്കാൻ മധ്യസ്ഥതയ്ക്ക് തയ്യാറാണെന്ന് ചൈന വ്യക്തമാക്കി. ഇറാൻ-ഇസ്രായേൽ യുദ്ധം അഞ്ചാം ദിവസത്തിലേക...

ന്യൂഡൽഹി: പശ്ചിമേഷ്യയിലെ കനക്കുന്ന സംഘർഷം ലഘൂകരിക്കാൻ മധ്യസ്ഥതയ്ക്ക് തയ്യാറാണെന്ന് ചൈന വ്യക്തമാക്കി. ഇറാൻ-ഇസ്രായേൽ യുദ്ധം അഞ്ചാം ദിവസത്തിലേക്കും കടന്ന സാഹചര്യത്തിലാണ് ചൈനയുടെ ഇടപെടൽ. 

മേഖലയിലെ സമാധാനം പുനഃസ്ഥാപിക്കാൻ ചൈനീസ് പ്രത്യേക പ്രതിനിധിയായ ഷായ് ജുൻ (Zhai Jun) ഉടൻ ഗൾഫ് രാജ്യങ്ങൾ സന്ദർശിക്കും. സൈനിക നടപടികൾ ഉടൻ നിർത്തിവെക്കണമെന്നും ചർച്ചകളിലൂടെ പ്രശ്നപരിഹാരത്തിന് ശ്രമിക്കണമെന്നും ചൈനീസ് വിദേശകാര്യ വക്താവ് മാവോ നിംഗ് ആവശ്യപ്പെട്ടു.

ചൈനീസ് വിദേശകാര്യമന്ത്രി വാങ് യി ഇതിനോടകം തന്നെ റഷ്യ, ഇറാൻ, ഫ്രാൻസ്, ഇസ്രായേൽ, സൗദി അറേബ്യ, യുഎഇ എന്നീ രാജ്യങ്ങളിലെ വിദേശകാര്യമന്ത്രിമാരുമായി ഫോണിൽ സംസാരിച്ച് സ്ഥിതിഗതികൾ വിലയിരുത്തി.

ഇറാനുമേൽ അമേരിക്കയും ഇസ്രായേലും സംയുക്തമായി നടത്തിയ ആക്രമണങ്ങൾക്ക് പിന്നാലെ, ഇറാൻ തിരിച്ചടി തുടരുന്നത് മേഖലയിൽ വലിയ യുദ്ധഭീതി സൃഷ്ടിച്ചിട്ടുണ്ട്.

Key Words : China, Mediator, West Asia Tension, Iran War