വിവാഹച്ചടങ്ങില്‍ വിജയും തൃഷയും ഒന്നിച്ച്; വീഡിയോ വൈറല്‍

Actor Vijay and Trisha Attend Chennai Wedding; Video Goes Viral Amid Divorce Proceedings

ചെന്നൈ: തമിഴക വെട്രി കഴകം അധ്യക്ഷനും നടനുമായ വിജയ്, നടി തൃഷയോടൊപ്പം ചെന്നൈയില്‍ ഒരു വിവാഹ ചടങ്ങില്‍ പങ്കെടുത്തു. ഇരുവരും ഒരുമിച്ച് വിവാഹ സത്കാരത്തില്‍ പങ്കെടുക്കുന്ന വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. 2025 ഡിസംബറില്‍ വിജയിന്റെ ഭാര്യ സംഗീതാ സ്വര്‍ണ്ണലിംഗം വിവാഹമോചനത്തിന് അപേക്ഷ നല്‍കിയെന്ന വാര്‍ത്തകള്‍ക്ക് പിന്നാലെയാണ് ഈ ദൃശ്യങ്ങള്‍ പുറത്തുവന്നത്.

നിരവധി സിനിമകളില്‍ ഒരുമിച്ച് അഭിനയിച്ചിട്ടുള്ള വിജയും തൃഷയും പരമ്പരാഗത വസ്ത്രങ്ങളണിഞ്ഞാണ്  ചടങ്ങിലെത്തിയത്. വിജയ് കയ്യില്‍ ഒരു പൂച്ചെണ്ടുമായി കാറില്‍ നിന്നിറങ്ങുന്നതും പിന്നാലെ തൃഷ നടന്നുപോകുന്നതുമാണ് വീഡിയോയിലുള്ളത്. സിനിമാ നിര്‍മ്മാണ-വിതരണ രംഗത്ത് സജീവമായ കല്‍പാത്തി സുരേഷ് - മീനാക്ഷി ദമ്പതികളുടെ മകന്റെ വിവാഹ റിസപ്ഷനിലാണ് ഇരുവരും പങ്കെടുത്തത്.

ഫെബ്രുവരി 27-നാണ് സംഗീത സമര്‍പ്പിച്ച വിവാഹമോചന ഹര്‍ജി സോഷ്യല്‍ മീഡിയയില്‍ പ്രചരിച്ചത്. 27 വര്‍ഷത്തെ ദാമ്പത്യം അവസാനിപ്പിക്കണമെന്ന് ആവശ്യപ്പെട്ട് ചെങ്കല്‍പേട്ട് ജില്ലാ കോടതിയിലാണ് ഹര്‍ജി നല്‍കിയിരിക്കുന്നത്. പരസ്ത്രീ ബന്ധം, മാനസിക പീഡനം, അവഗണന, ഉപേക്ഷിക്കല്‍ എന്നിവയാണ് വിവാഹമോചനത്തിന് കാരണമായി ഹര്‍ജിയില്‍ ചൂണ്ടിക്കാട്ടിയിരിക്കുന്നത്.

സംഗീതയുടെ ഹര്‍ജിയിലെ പ്രധാന ആരോപണങ്ങള്‍:

വിജയിന് മറ്റൊരു നടിയുമായി അവിഹിത ബന്ധമുണ്ടെന്ന് സംഗീത ആരോപിച്ചു.

2021 മുതല്‍ വിജയ് വൈകാരികമായി അകന്നുനില്‍ക്കുകയാണെന്നും തന്നോട് മോശമായി പെരുമാറുന്നുവെന്നും ഹര്‍ജിയില്‍ പറയുന്നു.

ഒരേ വീട്ടില്‍ തന്നെ വേറിട്ട് താമസിക്കാന്‍ തന്നെ നിര്‍ബന്ധിതയാക്കി.

വിജയിന്റെ പ്രവൃത്തികള്‍ കാരണം മക്കളായ ജേസണ്‍ സഞ്ജയും ദിവ്യ സാഷയും സുഹൃത്തുക്കള്‍ക്കിടയില്‍ അപമാനം നേരിടുന്നു.

കുടുംബത്തിന്റെ സ്വകാര്യത കണക്കിലെടുത്ത് കോടതി നടപടികള്‍ രഹസ്യമായി നടത്തണമെന്നും അവര്‍ ആവശ്യപ്പെട്ടു. 1998ലാണ് വിജയ്-സംഗീത വിവാഹം നടന്നത്.

മകന്‍ ജേസണ്‍ വിജയിനെ അണ്‍ഫോളോ ചെയ്‌തോ?

വിവാഹമോചന വാര്‍ത്തകള്‍ക്ക് പിന്നാലെ വിജയിന്റെ മകന്‍ ജേസണ്‍ സഞ്ജയ് ഇന്‍സ്റ്റാഗ്രാമില്‍ അച്ഛനെ അണ്‍ഫോളോ ചെയ്തു എന്ന വാര്‍ത്തയും ആരാധകര്‍ക്കിടയില്‍ ചര്‍ച്ചയായി. ജേസണ്‍ നടന്‍ വിജയ് സേതുപതി ഉള്‍പ്പെടെ 35 പേരെ പിന്തുടരുന്നുണ്ടെങ്കിലും അച്ഛനെ പിന്തുടരുന്നില്ലെന്ന് ആരാധകര്‍ ചൂണ്ടിക്കാട്ടി.

എന്നാല്‍, ജേസണ്‍ നേരത്തെ തന്നെ ഇന്‍സ്റ്റാഗ്രാമില്‍ വിജയിനെയോ അദ്ദേഹത്തിന്റെ രാഷ്ട്രീയ പാര്‍ട്ടിയായ ടിവികെയോയോ ഫോളോ ചെയ്തിരുന്നില്ലെന്ന് ഒരു വിഭാഗം ആരാധകര്‍ വാദിക്കുന്നു. നിലവില്‍ സന്ദീപ് കിഷന്‍ നായകനാകുന്ന 'സിഗ്മ' എന്ന ചിത്രത്തിലൂടെ സംവിധായകനായി അരങ്ങേറ്റം കുറിക്കാനുള്ള തിരക്കിലാണ് ജേസണ്‍.

ഇതേസമയം, മദ്രാസ് ഹൈക്കോടതി റിലീസിന് അനുമതി നല്‍കിയ വിജയ് ചിത്രം 'ജനനായകന്‍' കാണാനുള്ള കാത്തിരിപ്പിലാണ് ആരാധകര്‍.

തൃഷയുടെ വീട്ടില്‍ നിന്നിറങ്ങിയാല്‍ മാത്രമേ വിജയ് രാഷ്ട്രീയത്തില്‍ ഗതി പിടിക്കൂ എന്നു ബിജെപി തമിഴ്‌നാട് അദ്ധ്യക്ഷന്‍ നൈനാര്‍ നാഗേന്ദ്രന്‍ ഇടയ്ക്കു പറഞ്ഞത് വലിയ വിവാദമായിരുന്നു.

Summary: Actor and Tamilaga Vettri Kazhagam (TVK) chief Vijay was spotted attending a wedding reception in Chennai, Tamil Nadu, alongside actress Trisha. A video of the duo arriving at the event together is currently circulating on social media. This public appearance follows reports that Vijay’s wife, Sangeetha Sornalingam, filed for divorce in December 2025.

Vijay and Trisha, who have starred together in several films, appeared radiant in traditional attire. The footage shows Vijay holding a bouquet while Trisha follows closely as they exit their vehicle. They were attending the wedding reception of the son of Kalpathi Suresh and Meenakshi; the Kalpathi family is a prominent name in film production and distribution.