The American military has begun moving 12 F-22 stealth fighter jets, which had been stationed at an airbase in the United Kingdom for the past days
എന് പ്രഭാകരന്
ദുബായ് : ഇറാനില് സൈനിക നടപടിയെന്ന സൂചന കൂടുതല് വെളിവാക്കിക്കൊണ്ട്, മിഡില് ഈസ്റ്റിലേക്ക് എഫ്-22 (എ22) സ്റ്റെല്ത്ത് യുദ്ധവിമാനങ്ങള് അമേരിക്ക നീക്കിത്തുടങ്ങി.
കുറച്ചുദിവസങ്ങളായി ബ്രിട്ടീഷ് വ്യോമതാവളത്തില് നിലയുറപ്പിച്ചിരുന്ന 12 എഫ്-22 സ്റ്റെല്ത്ത് യുദ്ധവിമാനങ്ങളെ അമേരിക്കന് സൈന്യം മധ്യപൂര്വേഷ്യയിലേക്കു മാറ്റിത്തുടങ്ങി.
ഫ്ലൈറ്റ് ട്രാക്കിംഗ് ഡാറ്റയും വിമാന നിരീക്ഷകരും നല്കുന്ന വിവരങ്ങള് പ്രകാരം വിമാനങ്ങള് നീങ്ങിത്തുടങ്ങിയതായാണ് റിപ്പോര്ട്ട്. ഇംഗ്ലണ്ടിലെ റോയല് എയര്ഫോഴ്സ് ലേക്കന്ഹീത്തില് നിന്ന് പറന്നുയരുന്ന എഫ്-22 വിമാനങ്ങള്, കെ.സി-46 റീഫ്യൂലര് വിമാനങ്ങളുമായി (ആകാശത്തുവെച്ച് ഇന്ധനം നിറയ്ക്കുന്ന വിമാനങ്ങള്) ബന്ധിപ്പിക്കുകയും മേഖലയിലേക്ക് യാത്ര തിരിക്കുകയും ചെയ്യുന്നതായി റിപ്പോര്ട്ടുകള് പറയുന്നു. കഴിഞ്ഞ ആഴ്ച ലേക്കന്ഹീത്തില് എത്തിയ ഈ യുദ്ധവിമാനങ്ങള്, ഇന്ധനം നിറയ്ക്കുന്ന വിമാനങ്ങളിലെ ചില സാങ്കേതിക പ്രശ്നങ്ങള് കാരണം ഏതാനും ദിവസങ്ങളായി അവിടെ തുടരുകയായിരുന്നു.
ഇറാനെതിരെ സൈനിക നടപടി സ്വീകരിക്കണമോ എന്ന കാര്യത്തില് അമേരിക്കന് പ്രസിഡന്റ് ഡൊണാള്ഡ് ട്രംപ് ആലോചിച്ചു കൊണ്ടിരിക്കെ, മിഡില് ഈസ്റ്റിലെ അമേരിക്കയുടെ സൈനിക സന്നാഹം ശക്തമാക്കുന്നതിന്റെ ഭാഗമായാണ് ഈ നീക്കം.
മിലിട്ടറി എയര് ട്രാക്കിംഗ് അലയന്സിന്റെ നിരീക്ഷണമനുസരിച്ച്, എഫ്-35, എഫ്-22, എഫ്-15, എഫ്-16 ഉള്പ്പെടെ ഡസന് കണക്കിന് യുദ്ധവിമാനങ്ങള് മിഡില് ഈസ്റ്റിലേക്ക് നീങ്ങുന്നതായി കണ്ടെത്തിയിട്ടുണ്ട്. ഫെബ്രുവരി പകുതി മുതല് നൂറുകണക്കിന് ചരക്ക് വിമാനങ്ങളും ഇന്ധനം നിറയ്ക്കുന്ന വിമാനങ്ങളും ഈ മേഖലയിലേക്ക് എത്തുന്നതായി നിരീക്ഷകര് പറയുന്നു.
'പ്രസിഡന്റ് ഡൊണാള്ഡ് ട്രംപിന്റെ ആദ്യ പരിഗണന എപ്പോഴും നയതന്ത്ര ചര്ച്ചകള്ക്കാണ്,' വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റ് വാഷിംഗ്ടണില് മാധ്യമപ്രവര്ത്തകരോട് പറഞ്ഞു. 'എങ്കിലും, ആവശ്യമെന്നു വന്നാല് അമേരിക്കന് സൈന്യത്തിന്റെ മാരകമായ പ്രഹരശേഷി ഉപയോഗിക്കാന് അദ്ദേഹം തയ്യാറാണെന്ന് അദ്ദേഹം തെളിയിച്ചിട്ടുണ്ട്.'
ഇറാനെതിരെയുള്ള നടപടികളുടെ കാര്യത്തില് അന്തിമ തീരുമാനം ട്രംപിന്റേതായിരിക്കുമെന്ന് അവര് പറഞ്ഞു: 'കഴിഞ്ഞ ദിവസങ്ങളില് തികച്ചും തെറ്റായ പല വാര്ത്തകളും മാധ്യമങ്ങളില് വരുന്നത് ഞാന് കണ്ടു. അജ്ഞാത ഉറവിടങ്ങളെ ഉദ്ധരിച്ച് ട്രംപിന്റെ ചിന്തകളെക്കുറിച്ചോ തീരുമാനങ്ങളെക്കുറിച്ചോ മാധ്യമങ്ങളില് ഊഹാപോഹങ്ങള് പ്രചരിപ്പിക്കുന്നവര്ക്ക് യാഥാര്ത്ഥ്യത്തെക്കുറിച്ച് യാതൊരു അറിവുമില്ല.'
ഇറാനുമായി ഒരു കരാറിലെത്തണോ, അതോ അവിടുത്തെ ഭരണകൂടത്തെ താഴെയിറക്കാന് ആഴ്ചകള് നീളുന്ന യുദ്ധം തുടങ്ങണോ, അതല്ലെങ്കില് തനിക്ക് താല്പര്യമുള്ള രീതിയിലുള്ള ഒരു കരാറിലേക്ക് ടെഹ്റാനെ സമ്മര്ദ്ദത്തിലാക്കാന് പരിമിതമായ രീതിയിലുള്ള ആക്രമണം നടത്തണോ എന്ന കാര്യത്തില് അമേരിക്കന് പ്രസിഡന്റ് ഡൊണാള്ഡ് ട്രംപ് ഇതുവരെ തീരുമാനമെടുത്തിട്ടില്ലെന്ന് അവര് പറഞ്ഞു.
അടുത്തകാലത്തായി ചര്ച്ച ചെയ്യപ്പെടുന്നതും മാധ്യമങ്ങളിലേക്ക് വ്യാപകമായി ചോര്ന്നതുമായ ഒരു കാര്യം, ട്രംപ് ഒരു 'മധ്യവര്ത്തി' തീരുമാനം തിരയുന്നു എന്നതാണ്. അതായത്, ഇറാനു നേരെ ചെറുതും പരിമിതവുമായ ഒരു ആക്രമണം നടത്താനുള്ള സാധ്യതയാണ് ഇപ്പോള് വരുന്ന വാര്ത്തകള് പറയുന്നത്.
ഭരണകൂടത്തിന് കാര്യമായ നാശനഷ്ടങ്ങള് വരുത്തിക്കൊണ്ട്, നയതന്ത്രപരമായ ഉടമ്പടിയുടെ നിബന്ധനകള് മെച്ചപ്പെടുത്താന് അവരെ പ്രേരിപ്പിക്കുക എന്നതാണ് ട്രംപിന്റെ ലക്ഷ്യം. ആണവ പ്രശ്നത്തിലോ ബാലിസ്റ്റിക് മിസൈല് വിഷയത്തിലോ ഉള്ള തര്ക്കം പരിഹരിക്കാനും, അതേസമയം അമേരിക്കന് സൈനികരുടെ ജീവന് നഷ്ടപ്പെട്ടേക്കാവുന്നതോ വിജയം ഉറപ്പില്ലാത്തതോ ആയ ഒരു വലിയ യുദ്ധം ഒഴിവാക്കാനും ഇതിലൂടെ ട്രംപിനു കഴിയും.
അമേരിക്കന് ജോയിന്റ് ചീഫ് ഒഫ് സ്റ്റാഫ് ചെയര്മാന് ജനറല് ഡാന് കെയ്ന് ഉള്പ്പെടെയുള്ള ഉന്നത പ്രതിരോധ ഉദ്യോഗസ്ഥര്, ഒരു സമ്പൂര്ണ്ണ യുദ്ധം മൂലമുണ്ടാകാവുന്ന പ്രത്യാഘാതങ്ങളെക്കുറിച്ച് ട്രംപിന് മുന്നറിയിപ്പ് നല്കിയതായി 'വാള് സ്ട്രീറ്റ് ജേണല്' റിപ്പോര്ട്ട് ചെയ്യുന്നു.
സമ്പൂര്ണ്ണ യുദ്ധത്തിന്റെ പ്രത്യാഘാതങ്ങള്
അമേരിക്കന് സൈനികരുടെ ജീവന്, കര-നാവിക സേനകളുടെ ആസ്തികള്, ആഗോള എണ്ണ വിപണി തകിടം മറിയുന്നത് വഴിയുള്ള സാമ്പത്തിക നഷ്ടം എന്നിവയെക്കുറിച്ചുള്ള ആശങ്കകള് ഉദ്യോഗസ്ഥര് ട്രംപിനെ അറിയിച്ചിട്ടുണ്ട്. കൂടാതെ, ഇറാന് ഭരണകൂടത്തെ പുറത്താക്കുക എന്ന ലക്ഷ്യത്തോടെ യുദ്ധം തുടങ്ങുകയും അത് നടക്കാതെ വരികയും ചെയ്താല് ഉണ്ടായേക്കാവുന്ന രാഷ്ട്രീയ തിരിച്ചടിയെക്കുറിച്ചും അവര് മുന്നറിയിപ്പ് നല്കി.
ഇറാനെ ആക്രമിക്കുന്നതിനെ കെയ്നും മറ്റ് സൈനിക ഉദ്യോഗസ്ഥരും എതിര്ക്കുന്നു എന്ന വാര്ത്തകളെ ചൊവ്വാഴ്ച 'ട്രൂത്ത് സോഷ്യലിലൂടെ' ട്രംപ് തള്ളിക്കളഞ്ഞു.
ഏത് ഉത്തരവും നടപ്പിലാക്കാന് തയ്യാറാണെങ്കിലും ഇസ്ലാമിക് റിപ്പബ്ലിക്കുമായി ദീര്ഘവും വിപുലവുമായ ഒരു യുദ്ധം ഉണ്ടാകുന്നതില് കെയ്നും മറ്റ് സൈനിക ഉദ്യോഗസ്ഥര്ക്കും വലിയ ആശങ്കകളുണ്ടെന്ന് ഉറവിടങ്ങള് സൂചിപ്പിക്കുന്നു.
ട്രംപ് ഒരു കരാര് ഉണ്ടാക്കില്ലെന്നോ അല്ലെങ്കില് വലിയൊരു ആക്രമണത്തിന് ഉത്തരവിടില്ലെന്നോ ഈ റിപ്പോര്ട്ടുകള് അര്ത്ഥമാക്കുന്നില്ല. ഇറാനെ ആശയക്കുഴപ്പത്തിലാക്കാന് ഇത്തരം വൈവിധ്യമാര്ന്ന ഊഹാപോഹങ്ങള് ട്രംപ് ആസ്വദിക്കുന്നുണ്ടാകാനും സാധ്യതയുണ്ട്.
ഡിസംബര് 28 മുതല് ഇറാന് വിഷയത്തില് തീരുമാനമെടുക്കുന്നതില് ട്രംപ് ഭരണകൂടം വൈകുന്നത് തുര്ക്കി, ഖത്തര് എന്നിവരില് നിന്നുള്ള സമ്മര്ദ്ദം കൊണ്ടും ഇറാന്റെ ഭീഷണികള് കൊണ്ടും മാത്രമല്ല, മറിച്ച് സ്വന്തം സൈനിക ഉദ്യോഗസ്ഥരുടെ ആശങ്കകള് കൂടി കണക്കിലെടുത്താണ്.
Summary: The American military has begun moving 12 F-22 stealth fighter jets, which had been stationed at an airbase in the United Kingdom for the past few days, to the Middle East. According to reports based on flight tracking data and aircraft spotters, the planes have started their transit.
F-22 aircraft taking off from Royal Air Force Lakenheath in England were seen linking up with KC-46 refueler planes (mid-air refueling aircraft) as they headed toward the region. These fighter jets, which arrived at Lakenheath last week, had remained there for several days due to technical issues with the refuelers.
This move is part of the United States' military buildup in the Middle East as US President Donald Trump considers whether to take military action against Iran.
According to observations by the Military Air Tracking Alliance, dozens of fighter jets—including F-35s, F-22s, F-15s, and F-16s—have been spotted moving toward the Middle East. Observers say hundreds of cargo flights and fuel tankers have also been arriving in the region since mid-February.
"President Donald Trump’s first priority is always diplomatic talks," White House Press Secretary Karoline Leavitt told reporters in Washington. "However, as he has shown, he is willing to use the lethal strike capability of the US military if necessary."
COMMENTS