രണ്ട് പുതിയ കളർ ഓപ്ഷനുകളിൽ ടാറ്റ പഞ്ച് ഇവി മുഖംമിനുക്കി എത്തുന്നു, ഒറ്റ ചാർജ്ജിൽ 590 കിലോമീറ്ററിലധികം താണ്ടും

ടാറ്റ മോട്ടോഴ്‌സ് തങ്ങളുടെ ഏറ്റവും ജനപ്രിയ മോഡലുകളിൽ ഒന്നായ പഞ്ച് ഇവി (Punch.ev) മുഖംമിനുക്കി ഫെബ്രുവരി 20-ന് അവതരിപ്പിക്കാൻ ഒരുങ്ങുകയാണ്.  ...

ടാറ്റ മോട്ടോഴ്‌സ് തങ്ങളുടെ ഏറ്റവും ജനപ്രിയ മോഡലുകളിൽ ഒന്നായ പഞ്ച് ഇവി (Punch.ev) മുഖംമിനുക്കി ഫെബ്രുവരി 20-ന് അവതരിപ്പിക്കാൻ ഒരുങ്ങുകയാണ്. 

മുൻഭാഗത്ത് എൽഇഡി ഡിആർഎല്ലുകളിൽ (LED DRLs) മാറ്റം വരുത്തി കൂടുതൽ പ്രീമിയം ലുക്ക് നൽകിയിട്ടുണ്ട്. പിന്നിൽ 'കണക്റ്റഡ് എൽഇഡി' ടെയിൽ ലാമ്പുകളും പുതുക്കിയ ബമ്പറും ഉൾപ്പെടുത്തിയിരിക്കുന്നു.  അകത്തളത്തിൽ വലിയ 12.3 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ഉണ്ടാകാൻ സാധ്യതയുണ്ട്. വെന്റിലേറ്റഡ് സീറ്റുകൾ, വയർലെസ് ചാർജർ, സൺറൂഫ് തുടങ്ങിയവ ഇതിലുണ്ടാകും.

 'യെല്ലോ', 'കോപ്പർ' എന്നീ രണ്ട് പുതിയ കളർ ഓപ്ഷനുകൾ ഈ ഫെയ്‌സ്‌ലിഫ്റ്റിൽ ലഭ്യമാകും. 

നിലവിലുള്ള 25 kWh, 35 kWh ബാറ്ററി പാക്കുകൾക്ക് പുറമെ, കൂടുതൽ റേഞ്ച് നൽകുന്ന വലിയൊരു ബാറ്ററി പാക്ക് (ഉദാഹരണത്തിന് 45 kWh) ടാറ്റ അവതരിപ്പിച്ചേക്കുമെന്ന് റിപ്പോർട്ടുകളുണ്ട്. പുതിയ മോഡൽ ഒറ്റ ചാർജിൽ ഏകദേശം 590 കിലോമീറ്ററിലധികം ദൂരം സഞ്ചരിക്കുമെന്ന് കമ്പനി നടത്തിയ പരീക്ഷണ ഓട്ടങ്ങൾ സൂചിപ്പിക്കുന്നു.

50kW ഡിസി ഫാസ്റ്റ് ചാർജിംഗ് ഉപയോഗിച്ച് 40-56 മിനിറ്റിനുള്ളിൽ 10 മുതൽ 80 ശതമാനം വരെ ചാർജ് ചെയ്യാം. ഭാരത് എൻസിഎപി 5 സ്റ്റാർ റേറ്റിംഗ് ലഭിച്ച വാഹനമാണിത്. പുതിയ പതിപ്പിൽ 6 എയർബാഗുകൾ, 360-ഡിഗ്രി ക്യാമറ, ബ്ലൈൻഡ് സ്പോട്ട് മോണിറ്റർ, എല്ലാ ചക്രങ്ങളിലും ഡിസ്ക് ബ്രേക്കുകൾ എന്നിവ തുടരും. 

പുതുക്കിയ പഞ്ച് ഇവിയുടെ എക്സ്-ഷോറൂം വില ഏകദേശം 10 ലക്ഷം മുതൽ 15 ലക്ഷം രൂപ വരെ ആയിരിക്കുമെന്ന് കരുതപ്പെടുന്നു. 

Key Words : Tata Punch EV