സെമി കണ്ടക്ടർ ഉത്പാദനത്തിൽ സ്വയംപര്യാപ്തത നേടാൻ ഇന്ത്യ

ന്യൂഡൽഹി: സെമി കണ്ടക്ടർ ഉത്പാദനത്തിൽ സ്വയംപര്യാപ്തത നേടാനുള്ള കേന്ദ്ര സർക്കാരിന്റെ നിർണ്ണായക പ്രഖ്യാപനം ബജറ്റിൽ നടത്തി കേന്ദ്ര ധന മന്ത്രി നി...

ന്യൂഡൽഹി: സെമി കണ്ടക്ടർ ഉത്പാദനത്തിൽ സ്വയംപര്യാപ്തത നേടാനുള്ള കേന്ദ്ര സർക്കാരിന്റെ നിർണ്ണായക പ്രഖ്യാപനം ബജറ്റിൽ നടത്തി കേന്ദ്ര ധന മന്ത്രി നിർമ്മല സീതാരാമൻ.

 ധാതു സമ്പത്ത് ധാരാളമുള്ള കേരളം, തമിഴ്നാട്, ആന്ധ്ര പ്രദേശ്, ഒഡീഷ എന്നീ സംസ്ഥാനങ്ങളെ ചേർത്തുകൊണ്ട് റെയർ എർത്ത് കോറിഡോർ പ്രഖ്യാപ്രഖ്യാപിച്ചു.

അപൂർവ്വ ലോഹങ്ങളിൽ നിന്നുള്ള 'പെർമനന്റ് മാഗ്നറ്റുകൾ' (Rare Earth Permanent Magnets - REPM) ഇന്ത്യയിൽ തന്നെ നിർമ്മിക്കുന്നതിനായി 7280 കോടി രൂപയുടെ പ്രോത്സാഹന പദ്ധതിയാണ് ബജറ്റിൽ പ്രഖ്യാപിച്ചിരിക്കുന്നത്.

 ചൈനയെ ആശ്രയിക്കുന്നത് കുറയ്ക്കുക: നിലവിൽ ലോകത്തിലെ അപൂർവ്വ ലോഹ വിപണിയുടെ 90 ശതമാനത്തിലധികം നിയന്ത്രിക്കുന്നത് ചൈനയാണ്. സെമികണ്ടക്ടർ ചിപ്പുകൾ, ഇലക്ട്രിക് വാഹനങ്ങളുടെ  മോട്ടോറുകൾ, പ്രതിരോധ ഉപകരണങ്ങൾ എന്നിവയുടെ നിർമ്മാണത്തിന് ഈ ലോഹങ്ങൾ അത്യാവശ്യമാണ്. ചൈനയിൽ നിന്നുള്ള ഇറക്കുമതി കുറച്ച് ആഭ്യന്തര ഉത്പാദനം വർദ്ധിപ്പിക്കുകയാണ് ഈ പദ്ധതിയുടെ ലക്ഷ്യം.

സെമികണ്ടക്ടർ മേഖലയ്ക്കുള്ള ഉത്തേജനം: സെമികണ്ടക്ടർ മിഷന്റെ രണ്ടാം ഘട്ടത്തിന്റെ (Semiconductor Mission 2.0) ഭാഗമായി ഈ അപൂർവ്വ ലോഹങ്ങളുടെ ലഭ്യത ഉറപ്പാക്കും. ചിപ്പ് നിർമ്മാണത്തിന് ആവശ്യമായ സങ്കീർണ്ണമായ പ്രക്രിയകളിൽ ഈ ലോഹങ്ങൾ അവിഭാജ്യ ഘടകമാണ്.

ഉപയോഗം എവിടെയെല്ലാം?

ഇലക്ട്രിക് വാഹനങ്ങൾ: ഇവി മോട്ടോറുകളുടെ പ്രവർത്തനത്തിന് ആവശ്യമായ അതിശക്തമായ കാന്തങ്ങൾ നിർമ്മിക്കാൻ '

പ്രതിരോധം: മിസൈലുകൾ, റഡാറുകൾ തുടങ്ങിയ ആധുനിക പ്രതിരോധ സംവിധാനങ്ങളിൽ.

പുനരുപയോഗ ഊർജ്ജം: കാറ്റാടി യന്ത്രങ്ങളുടെ (Wind Turbines) ജനറേറ്ററുകളിൽ.

ഇലക്ട്രോണിക്സ്: സ്മാർട്ട്ഫോണുകൾ, കമ്പ്യൂട്ടറുകൾ എന്നിവയുടെ നിർമ്മാണത്തിന്.

മറ്റ് പ്രഖ്യാപനങ്ങൾ: 

ബജറ്റിൽ നിർമ്മല സീതാരാമൻ പ്രഖ്യാപിച്ച 'ക്രിട്ടിക്കൽ മിനറൽ മിഷൻ' (Critical Mineral Mission) വഴി ഇത്തരം ധാതുക്കളുടെ ഖനനവും സംസ്‌കരണവും വേഗത്തിലാക്കും. ആന്ധ്രാപ്രദേശിലെ വിശാഖപട്ടണത്തും മറ്റും ഇതിനായി പ്രത്യേക പ്ലാന്റുകൾ സ്ഥാപിക്കാനും ഐ.ആർ.ഇ.എൽ (IREL) പോലുള്ള പൊതുമേഖലാ സ്ഥാപനങ്ങളെ ശക്തിപ്പെടുത്താനും തീരുമാനമായിട്ടുണ്ട്.