നിക് ജോനാസുമായി വേർപിരിയുന്നോ പ്രിയങ്ക? വ്യത്യസ്ത രാജ്യങ്ങൾ, മതങ്ങൾ, പ്രായവ്യത്യാസം സംശയാലുക്കളുടെ കണ്ണിൽ പലതുമുണ്ട്

ഭർത്താവ് നിക് ജോനാസുമായി വേർപിരിയുന്നു എന്ന തരത്തിൽ പ്രചരിക്കുന്ന വാർത്തകളോട് നടി പ്രിയങ്ക ചോപ്ര ശക്തമായി പ്രതികരിച്ചു. തങ്ങളുടെ വിവാഹജീവിതം...

ഭർത്താവ് നിക് ജോനാസുമായി വേർപിരിയുന്നു എന്ന തരത്തിൽ പ്രചരിക്കുന്ന വാർത്തകളോട് നടി പ്രിയങ്ക ചോപ്ര ശക്തമായി പ്രതികരിച്ചു. തങ്ങളുടെ വിവാഹജീവിതം എട്ടു വർഷം പിന്നിട്ടിട്ടും ഇത്തരത്തിലുള്ള അഭ്യൂഹങ്ങൾ തുടരുന്നത് സങ്കടകരമാണെന്ന് താരം വെളിപ്പെടുത്തി. 

തങ്ങളുടെ ബന്ധം തകരുന്നത് കാണാൻ ആളുകൾ കാത്തിരിക്കുകയാണെന്നും അത് അവരുടെ തീരുമാനമാണെന്നും പ്രിയങ്ക പറഞ്ഞു. ഇപ്പോൾ ഇത്തരം കാര്യങ്ങൾ തന്നെ ബാധിക്കാറില്ലെന്നും അവർ കൂട്ടിച്ചേർത്തു.

വിവാഹത്തിന്റെ തുടക്കത്തിൽ ഇത്തരം വാർത്തകൾ തന്നെ വല്ലാതെ വേദനിപ്പിച്ചിരുന്നു. വ്യത്യസ്ത രാജ്യങ്ങൾ, മതങ്ങൾ, പ്രായവ്യത്യാസം എന്നിവയുള്ളതിനാലാകാം തങ്ങളുടെ ബന്ധം പലരിലും അസ്വസ്ഥത ഉണ്ടാക്കിയതെന്ന് പ്രിയങ്ക വിലയിരുത്തുന്നു.

പരിചയപ്പെട്ട് ആറു മാസത്തിനുള്ളിൽ വിവാഹിതരായതിനാൽ തനിക്ക് ആദ്യം ചില സംശയങ്ങൾ ഉണ്ടായിരുന്നെങ്കിലും നിക്കിന്റെ ആത്മാർത്ഥത തന്നെ അതിശയിപ്പിച്ചുവെന്ന് താരം വെളിപ്പെടുത്തി.

അടുത്തിടെ ഗോൾഡൻ ഗ്ലോബ് അവാർഡ് വേദിയിൽ ഇരുവരും വെവ്വേറെ എത്തിയതോടെയാണ് വേർപിരിയൽ വാർത്തകൾ വീണ്ടും സജീവമായത്. എന്നാൽ ഇതിനു പിന്നാലെ നിക്കിനെ പ്രശംസിച്ചുകൊണ്ട് സോഷ്യൽ മീഡിയയിൽ പ്രിയങ്ക പോസ്റ്റുകൾ പങ്കുവെച്ചിരുന്നു. 

നിലവിൽ വിവാഹമോചന വാർത്തകൾ വെറും "ഗൂഢാലോചന സിദ്ധാന്തങ്ങൾ" മാത്രമാണെന്നും തങ്ങൾ സന്തോഷകരമായ കുടുംബജീവിതം നയിക്കുകയാണെന്നും പ്രിയങ്ക വ്യക്തമാക്കി. 

Key Words : Priyanka Chopra, Nick Jonas, Divorce