റോഡിലെ കുഴികളും തകരാറുകളും കണ്ടെത്താന്‍ കാറിലെ സെന്‍സറുകള്‍; പുതിയ സാങ്കേതികവിദ്യയുമായി ഹോണ്ട

Car Sensors to Detect Potholes and Road Defects; Honda Unveils New Technology

ഒഹായോ: വാഹനങ്ങള്‍ തമ്മിലുള്ള കൂട്ടിയിടി ഒഴിവാക്കാനും കാല്‍നടയാത്രക്കാരുടെ സുരക്ഷയ്ക്കുമായി ആധുനിക കാറുകളില്‍ നിലവില്‍ കാമറകളും സെന്‍സറുകളും ഉപയോഗിക്കുന്നുണ്ട്. എന്നാല്‍ ഇതേ സാങ്കേതികവിദ്യ ഉപയോഗിച്ച് റോഡിലെ കുഴികള്‍, മാഞ്ഞുപോയ വരികള്‍, തകരാറിലായ ട്രാഫിക് ബോര്‍ഡുകള്‍ എന്നിവ റിപ്പോര്‍ട്ട് ചെയ്യാന്‍ സാധിച്ചാലോ? ഇതേക്കുറിച്ച് ഹോണ്ട നടത്തിയ പഠനം വലിയ വിജയമാണെന്ന് തെളിഞ്ഞിരിക്കുന്നു.

അമേരിക്കയിലെ ഒഹായോ ഗതാഗത വകുപ്പുമായി ചേര്‍ന്ന് രണ്ട് വര്‍ഷം നീണ്ടുനിന്ന പൈലറ്റ് പ്രോജക്റ്റാണ് ഹോണ്ട നടത്തിയത്. യൂണിവേഴ്‌സിറ്റി ഒഫ് സിന്‍സിനാറ്റി, പാഴ്‌സണ്‍സ് കോര്‍പ്പറേഷന്‍, ഐ-പ്രോബ് എന്നിവരും ഈ സംരംഭത്തില്‍ പങ്കാളികളായി. അത്യാധുനിക കാമറകളും ലിഡാര്‍ സാങ്കേതികവിദ്യയും ഘടിപ്പിച്ച ഹോണ്ട കാറുകള്‍ ഉപയോഗിച്ച് ഏകദേശം 3,000 മൈല്‍ റോഡുകള്‍ പരിശോധിച്ചു.

2021-ല്‍ ഹോണ്ട തുടങ്ങിയ ഈ പ്രോട്ടോടൈപ്പ് സിസ്റ്റത്തിന് താഴെ പറയുന്ന കാര്യങ്ങള്‍ കണ്ടെത്താനാകും:

റോഡിലെ കുഴികള്‍.

തകരാറിലായ ഗാര്‍ഡ്റെയിലുകള്‍.

മാഞ്ഞുപോയതോ വ്യക്തമല്ലാത്തതോ ആയ ലെയ്ന്‍ മാര്‍ക്കിംഗുകള്‍.

കേടുപാടുകള്‍ സംഭവിച്ച ട്രാഫിക് ബോര്‍ഡുകള്‍.

കാമറകള്‍ കണ്ടെത്തുന്ന വിവരങ്ങള്‍ ജീവനക്കാര്‍ നേരിട്ട് പരിശോധിച്ച് ഉറപ്പുവരുത്തിയാണ് റിപ്പോര്‍ട്ട് നല്‍കിയത്. ഈ പരീക്ഷണം 99% കൃത്യതയോടെ തകരാറിലായ സൈന്‍ ബോര്‍ഡുകളെയും, 93% കൃത്യതയോടെ തകരാറിലായ ഗാര്‍ഡ്റെയിലുകളെയും, 89% കൃത്യതയോടെ കുഴികളെയും കണ്ടെത്തിയതായി ഹോണ്ട അവകാശപ്പെടുന്നു.

ഒഹായോ ഗതാഗത വകുപ്പിന് ഈ സംവിധാനത്തിലൂടെ അറ്റകുറ്റപ്പണി ചെലവില്‍ ഏകദേശം 4.5 ദശലക്ഷം ഡോളര്‍ ലാഭിക്കാന്‍ സാധിക്കുമെന്ന് ഹോണ്ട പറയുന്നു. നേരിട്ടുള്ള പരിശോധനകള്‍ക്കുള്ള സമയം ലാഭിക്കാനും, മുന്‍കൂട്ടി അറ്റകുറ്റപ്പണികള്‍ ആസൂത്രണം ചെയ്യാനും ഇത് സഹായിക്കും.

അടുത്ത ഘട്ടത്തില്‍, സാധാരണ ഡ്രൈവര്‍മാര്‍ക്ക് അവരുടെ സ്വകാര്യത സംരക്ഷിച്ചുകൊണ്ട് തന്നെ റോഡിലെ തകരാറുകള്‍ അധികൃതരെ അറിയിക്കാനുള്ള സംവിധാനം വികസിപ്പിക്കാനാണ് ഹോണ്ട ലക്ഷ്യമിടുന്നത്.

Summary: Modern cars are already equipped with cameras and sensors to prevent collisions and ensure the safety of pedestrians. But what if this same technology could be used to report potholes, faded lane markings, and damaged traffic signs? A study conducted by Honda has proven this to be a major success.

Details of the Study

In partnership with DriveOhio (a division of the Ohio Department of Transportation), Honda conducted a two-year pilot program. The University of Cincinnati, Parsons Corporation, and i-Probe Inc. also participated in this initiative. Honda vehicles equipped with advanced cameras and Lidar technology were used to monitor approximately 3,000 miles of roads.