ബജറ്റ് അവതരണം തുടരുന്നു : കേരളത്തിന് അതിവേഗ റെയിൽ ഇടനാഴി ഇല്ല, പ്രധാന പ്രഖ്യാപനങ്ങൾ അറിയാം

ന്യൂഡൽഹി: രാജ്യം ഏറെ ആകാംക്ഷയോടെ കാത്തിരിക്കുന്ന 2026-27 സാമ്പത്തിക വർഷത്തേക്കുള്ള കേന്ദ്ര ബജറ്റ് ധനമന്ത്രി നിർമ്മല സീതാരാമൻ ഇന്ന് പാർലമെന്റ...

ന്യൂഡൽഹി: രാജ്യം ഏറെ ആകാംക്ഷയോടെ കാത്തിരിക്കുന്ന 2026-27 സാമ്പത്തിക വർഷത്തേക്കുള്ള കേന്ദ്ര ബജറ്റ് ധനമന്ത്രി നിർമ്മല സീതാരാമൻ ഇന്ന് പാർലമെന്റിൽ അവതരിപ്പിക്കുകയാണ്. രാവിലെ 11 മണിക്കാണ് ബജറ്റ് പ്രസംഗം ആരംഭിച്ചത്. 

സ്വതന്ത്ര ഇന്ത്യയുടെ ചരിത്രത്തിൽ ആദ്യമായാണ് ഒരു ഞായറാഴ്ച ബജറ്റ് അവതരിപ്പിക്കുന്നത് എന്നത് ഈ വർഷത്തെ വലിയ പ്രത്യേകതയാണ്. നിർമ്മല സീതാരാമൻ അവതരിപ്പിക്കുന്ന തുടർച്ചയായ ഒമ്പതാമത്തെ ബജറ്റാണിത്. ഇതോടെ കൂടുതൽ തവണ തുടർച്ചയായി ബജറ്റ് അവതരിപ്പിച്ച ധനമന്ത്രിയെന്ന റെക്കോർഡും അവർ സ്വന്തമാക്കും.

പ്രധാന പ്രഖ്യാപനങ്ങൾ 

• വേഗറെയിൽ ഇടനാഴിയിൽ കേരളം ഇല്ല.

• ധാതുസമ്പത്തുള്ള കേരളം, തമിഴ്‌നാട്, ഒഡിഷ, ആന്ധ്രപ്രദേശ് എന്നീ സംസ്ഥാനങ്ങളെ കൂട്ടിയിണക്കി റെയര്‍ എര്‍ത്ത് കോറിഡോര്‍ പദ്ധതി

• ധാതുമണല്‍ ഇടനാഴി- പദ്ധതിയില്‍ കേരളവും

• ബയോ ഫാര്‍മയ്ക്ക് 10000 കോടി രൂപ

• തുണിത്തര വ്യവസായ ശാലകളെ ആധുനികവൽക്കരിക്കുന്നതിനായി തുണിത്തര വികസന, തൊഴിൽ പദ്ധതി.

• ഏറ്റവും ചെറിയ സ്ഥാപനങ്ങളെ നിലനിർത്തുന്നതിനായി, സ്വയംപര്യാപ്തതാ ഇന്ത്യ ഫണ്ടിന് 2,000 കോടി രൂപ അധികമായി അനുവദിക്കും.

• വനിതാ ശാക്തീകരണത്തിനായി ഷീ മാര്‍ട്ടുകള്‍

• സ്കൂളുകളിൽ കണ്ടന്റ് ക്രിയേറ്റർ ലാബുകൾ

• കണ്ടെയിനർ നിർമാണത്തിന് പ്രത്യേക പദ്ധതി

• വിദേശ വിനിമയ മാനേജ്മെന്റ് ചട്ടക്കൂട് സർക്കാർ അവലോകനം ചെയ്യും

• കായിക മേഖലയെ പരിവർത്തനം ചെയ്യാൻ ഖേലോ ഇന്ത്യ ദൗത്യം ആരംഭിക്കും

• നാളികേര ഉത്പാദന വർധനവിന് പദ്ധതി

• ആനിമേഷൻ, വിഷ്വൽ എഫക്ട്സ്, ഗെയിമിങ് മേഖലകൾക്ക് സഹായം.

• മൂന്ന് പുതിയ അഖിലേന്ത്യാ ആയുർവേദ ഇൻസ്റ്റിറ്റ്യൂട്ടുകൾ സ്ഥാപിക്കും. ആയുഷ് ഫാർമസികളും മരുന്ന് പരിശോധനാ ലാബുകളും നവീകരിക്കുകയും കൂടുതൽ വൈദഗ്ധ്യമുള്ള വ്യക്തികളെ ലഭ്യമാക്കണം.‌‌‌

• പുതിയ ആദായനികുതി ആക്ട് ഏപ്രിൽ 1  മുതൽ

• വാഹനാപകട നഷ്ടപരിഹാര തുകയ്ക്ക് നികുതിയില്ല

• കർഷകരുടെ വരുമാനം വർധിപ്പിക്കാൻ ശ്രമിക്കും
• 17 മരുന്നുകൾക്ക് കസ്റ്റംസ് ഡ്യൂട്ടി ഒഴിവാക്കി
• 7 അപൂര്‍വ രോഗങ്ങള്‍ക്കുളള മരുന്നുകള്‍ക്കും നികുതി ഇളവ്
• സംസ്ഥാനങ്ങൾക്കുള്ള വിഹിതത്തിൽ കേരളത്തിന്റെ ആവശ്യം തള്ളി
• വിദേശത്തേക്ക് പണം അയയ്ക്കാൻ നികുതി കുറയ്ക്കും
• ആണവ പദ്ധതി വസ്തുക്കളുടെ ഇറക്കുമതി ഇളവ് തുടരും
• കാർ​ഗോ നീക്കത്തിന് ജല ഇടനാഴി

Key Words : Union Budget, Nirmla Sitaraman