പരസ്പരം പോർവിളികളുമായി അഫ്ഗാനും പാകിസ്ഥാനും ; ചാവേറുകൾ സജ്ജമാണെന്ന് താലിബാൻ

ന്യൂഡൽഹി: അഫ്ഗാനിസ്ഥാനും പാകിസ്ഥാനും തമ്മിലുള്ള സംഘർഷം യുദ്ധസമാനമായ സാഹചര്യത്തിലേക്കാണ് നീങ്ങിക്കൊണ്ടിരിക്കുന്നത്. റിപ്പോർട്ടുകൾ പ്രകാരം ഇരു...

ന്യൂഡൽഹി: അഫ്ഗാനിസ്ഥാനും പാകിസ്ഥാനും തമ്മിലുള്ള സംഘർഷം യുദ്ധസമാനമായ സാഹചര്യത്തിലേക്കാണ് നീങ്ങിക്കൊണ്ടിരിക്കുന്നത്. റിപ്പോർട്ടുകൾ പ്രകാരം ഇരു രാജ്യങ്ങളും തമ്മിൽ നേരിട്ടുള്ള ഏറ്റുമുട്ടലുകൾ നടക്കുന്നുണ്ട്. 

അഫ്ഗാൻ നഗരങ്ങളായ കാബൂളിലും കാണ്ടഹാറിലും പാകിസ്ഥാൻ ബോംബാക്രമണം നടത്തിയതായി റിപ്പോർട്ടുകൾ സൂചിപ്പിക്കുന്നു. ഇതിന് തിരിച്ചടിയായി അതിർത്തിയിലെ പാക് സൈനിക പോസ്റ്റുകൾ താലിബാൻ പിടിച്ചെടുക്കുകയും ചെയ്തു. ഏറ്റുമുട്ടലിൽ 55 പാക് സൈനികരെ വധിച്ചതായി താലിബാൻ അവകാശപ്പെടുമ്പോൾ, 133 താലിബാൻ ഭീകരരെ വധിച്ചതായി പാകിസ്ഥാനും വ്യക്തമാക്കുന്നു.

യുദ്ധത്തിന് തയാറാണെന്നും ചാവേറുകൾ സജ്ജമാണെന്നും താലിബാൻ മുന്നറിയിപ്പ് നൽകിയിട്ടുണ്ട്. അഫ്ഗാനികളുടെ ധൈര്യം പരീക്ഷിക്കരുതെന്ന് താലിബാൻ മന്ത്രി പാകിസ്ഥാന് താക്കീത് നൽകി.

ഡ്യൂറൻഡ് ലൈൻ (Durand Line) അതിർത്തിയെച്ചൊല്ലിയുള്ള തർക്കമാണ് നിലവിലെ സംഘർഷത്തിന് പ്രധാന കാരണം. പാകിസ്ഥാൻ താലിബാൻ സർക്കാരുമായി ഒരു "തുറന്ന യുദ്ധത്തിന്" പ്രഖ്യാപനം നടത്തിയതോടെയാണ് സ്ഥിതിഗതികൾ വഷളായിരിക്കുന്നത്.

Key Words : Afghanistan- Pakistan Clash, War,  Taliban, Suicide bombers