''സ്ഥാനത്തുനിന്ന് മാറ്റിയത് ആശാ വർക്കർമാരുടെ സമരത്തെ അനുകൂലിച്ച് സംസാരിച്ചതുകൊണ്ട്, യാത്രയയപ്പ് നൽകാനുള്ള മാന്യത പോലും കാണിച്ചില്ല''

തിരുവനന്തപുരം : ചലച്ചിത്ര അക്കാദമി ചെയർമാൻ സ്ഥാനത്തുനിന്ന് തന്നെ മാറ്റിയത് ആശാ വർക്കർമാരുടെ സമരത്തെ അനുകൂലിച്ച് സംസാരിച്ചതുകൊണ്ടാണെന്ന് നടൻ ...

തിരുവനന്തപുരം : ചലച്ചിത്ര അക്കാദമി ചെയർമാൻ സ്ഥാനത്തുനിന്ന് തന്നെ മാറ്റിയത് ആശാ വർക്കർമാരുടെ സമരത്തെ അനുകൂലിച്ച് സംസാരിച്ചതുകൊണ്ടാണെന്ന് നടൻ പ്രേംകുമാർ തുറന്നുപറഞ്ഞു. തന്റെ ഫേസ്ബുക്ക് പോസ്റ്റിലൂടെയും മാധ്യമങ്ങളിലൂടെയുമാണ് അദ്ദേഹം ഇക്കാര്യത്തിൽ പ്രതിഷേധം അറിയിച്ചത്. 

സർക്കാരിനെ രൂക്ഷമായി വിമർശിച്ച സാഹിത്യ അക്കാദമി അധ്യക്ഷൻ കെ. സച്ചിദാനന്ദനെതിരെ നടപടിയെടുക്കാതെ, സദുദ്ദേശത്തോടെ അഭിപ്രായം പറഞ്ഞ തന്നെ മാറ്റിയത് ഇരട്ടത്താപ്പാണെന്ന് അദ്ദേഹം ആരോപിച്ചു.

 അക്കാദമിയുടെ പ്രവർത്തനങ്ങൾക്കിടയിൽ മുൻകൂട്ടി അറിയിക്കാതെയാണ് തന്നെ നീക്കിയതെന്നും ഒരു യാത്രയയപ്പ് നൽകാനുള്ള മാന്യത പോലും കാണിച്ചില്ലെന്നും അദ്ദേഹം വ്യക്തമാക്കി. ചലച്ചിത്ര മേളയുടെയും അവാർഡുകളുടെയും തയ്യാറെടുപ്പുകൾ നടക്കുന്നതിനിടെയായിരുന്നു ഈ മാറ്റം. 

എങ്കിലും, അക്കാദമി ഭരണസമിതിയുടെ കാലാവധി അവസാനിച്ചതിനെത്തുടർന്നുള്ള സ്വാഭാവികമായ നടപടി മാത്രമാണിതെന്നാണ് സാംസ്‌കാരിക വകുപ്പ് മന്ത്രി സജി ചെറിയാൻ ഇതിനോട് പ്രതികരിച്ചത്. പ്രേംകുമാറിന് പകരം പ്രശസ്ത സൗണ്ട് ഡിസൈനർ റസൂൽ പൂക്കുട്ടിയാണ് പുതിയ ചെയർമാനായി ചുമതലയേറ്റത്.

Key Words : Actor Prem Kumar, Chalachitra Academy Chairman