കേരളത്തിന് രണ്ടു വന്ദേഭാരത് സ്ലീപ്പര്‍ ട്രെയിനുകള്‍ കൂടി, തിരുവനന്തപുരത്തു നിന്ന് ബംഗളൂരു, ചെന്നെ റൂട്ടുകളില്‍ ഓടും

Two More Vande Bharat Sleeper Trains for Kerala; To Run on Thiruvananthapuram-Bengaluru and Chennai Routes

സ്വന്തം ലേഖകന്‍

തിരുവനന്തപുരം: തിരഞ്ഞെടുപ്പ് നടക്കാനിരിക്കുന്ന കേരളത്തിന് കേന്ദ്രത്തിന്റെ സമ്മാനമായി രണ്ടു വന്ദേഭാരത് സ്ലീപ്പര്‍ ട്രെയിനുകള്‍ അനുവദിക്കും. ദേശീയതലത്തില്‍ വന്ദേഭാരത് സ്ലീപ്പര്‍ ട്രെയിനുകള്‍ പുറത്തിറക്കുന്നതിന്റെ ഭാഗമായി കേരളത്തിന് മുന്‍ഗണന നല്‍കുമെന്ന് റെയില്‍വേ മന്ത്രി അറിയിച്ചു.

സാധ്യതാ റൂട്ടുകള്‍:

തിരുവനന്തപുരം - ബംഗളൂരു

തിരുവനന്തപുരം - ചെന്നൈ

വൈകുന്നേരം പുറപ്പെട്ട് അടുത്ത ദിവസം രാവിലെ ലക്ഷ്യസ്ഥാനത്ത് എത്തുന്ന രീതിയിലായിരിക്കും സര്‍വീസ്. 16 കോച്ചുകളിലായി ഏകദേശം 823 യാത്രക്കാര്‍ക്ക് സഞ്ചരിക്കാം.

ടിക്കറ്റ് നിരക്കുകള്‍ (ഏകദേശ കണക്ക്): 

3 ടയര്‍ എ സി (ഭക്ഷണം ഉള്‍പ്പെടെ) 2,300 രൂപ

2 ടയര്‍ എ സി (ഭക്ഷണം ഉള്‍പ്പെടെ) 3000 രൂപ

ഫസ്റ്റ് ക്‌ളാസ് എ സി (ഭക്ഷണം ഉള്‍പ്പെടെ) 3,600 രൂപ

മണിക്കൂറില്‍ 180 കിലോമീറ്റര്‍ വരെ വേഗത്തില്‍ സഞ്ചരിക്കാന്‍ ശേഷിയുള്ളവ വന്ദേഭാരത് സ്ലീപ്പര്‍ ട്രെയിനുകള്‍. ഇന്ത്യയിലെ ആദ്യത്തെ വന്ദേഭാരത് സ്ലീപ്പര്‍ ട്രെയിന്‍ ഈ മാസം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. അതിനുശേഷമായിരിക്കും കേരളത്തിനുള്ള ട്രെയിനുകള്‍ അനുവദിക്കുക.

രാത്രികാല യാത്രകള്‍ കൂടുതല്‍ സുഖകരമാക്കാന്‍ അത്യാധുനിക സൗകര്യങ്ങളോടെയാണ് വന്ദേ ഭാരത് സ്ലീപ്പര്‍ ട്രെയിനുകള്‍ രൂപകല്‍പ്പന ചെയ്തിരിക്കുന്നത്. 

ബെര്‍ത്തുകള്‍: നിലവിലുള്ള രാജധാനി എക്‌സ്പ്രസിനേക്കാള്‍ മികച്ച കുഷ്യനുകളും കൂടുതല്‍ സ്ഥലസൗകര്യവുമുള്ള ബെര്‍ത്തുകളാണ് ഇതിലുള്ളത്.

യാത്രക്കാരുടെ സുരക്ഷ: ട്രെയിനുകള്‍ കൂട്ടിയിടിക്കുന്നത് ഒഴിവാക്കാനുള്ള 'കവച്' സാങ്കേതികവിദ്യ ഇതില്‍ ഉള്‍പ്പെടുത്തിയിട്ടുണ്ട്.

സെന്‍സര്‍ ലൈറ്റുകള്‍: ഓരോ ബെര്‍ത്തിലും വായനയ്ക്കായി പ്രത്യേക സെന്‍സര്‍ ലൈറ്റുകള്‍ ഉണ്ടാകും.

കോച്ചുകളുടെ ഘടന 

മൊത്തം 16 കോച്ചുകള്‍ ഉണ്ടാകും.

ഫസ്റ്റ് ക്ലാസ് എസി: 1 കോച്ച്

സെക്കന്‍ഡ് ക്ലാസ് എസി: 4 കോച്ചുകള്‍

തേര്‍ഡ് ക്ലാസ് എസി: 11 കോച്ചുകള്‍

സ്പീഡും സാങ്കേതികവിദ്യയും

മണിക്കൂറില്‍ 160 കിലോമീറ്റര്‍ മുതല്‍ 180 കിലോമീറ്റര്‍ വരെ വേഗതയില്‍ സഞ്ചരിക്കാന്‍ ഈ ട്രെയിനിന് സാധിക്കും.

ജെര്‍ക്ക് ഫ്രീ യാത്ര: ട്രെയിന്‍ നിര്‍ത്തുമ്പോഴോ തുടങ്ങുമ്പോഴോ ഉള്ള കുലുക്കം അനുഭവപ്പെടാത്ത രീതിയിലുള്ള അത്യാധുനിക കപ്ലറുകളാണ് ഇതില്‍ ഉപയോഗിക്കുന്നത്.

ഇന്റീരിയര്‍ ഡിസൈന്‍ 

ഓട്ടോമാറ്റിക് ഡോറുകള്‍: പ്ലാറ്റ്ഫോമുകളില്‍ എത്തുമ്പോള്‍ മാത്രം തുറക്കുന്ന ഓട്ടോമാറ്റിക് വാതിലുകള്‍.

ടോയ്ലറ്റുകള്‍: വാക്വം അധിഷ്ഠിത ടോയ്ലറ്റുകള്‍. വിദേശ രാജ്യങ്ങളിലേതിന് സമാനമായ ശുചിമുറികളാണിത്.

പൊടി നിയന്ത്രണം: കോച്ചുകള്‍ക്കിടയിലുള്ള വിടവുകള്‍ പൂര്‍ണ്ണമായും അടച്ച രീതിയിലായതിനാല്‍ ശബ്ദവും പൊടിയും ട്രെയിനിനുള്ളില്‍ കുറവായിരിക്കും.

അധിക സൗകര്യങ്ങള്‍ 

മൊബൈല്‍, ലാപ്‌ടോപ്പ് ചാര്‍ജിംഗ് പോയിന്റുകള്‍ ഓരോ ബെര്‍ത്തിലും ലഭ്യമാണ്.

യാത്രക്കാര്‍ക്ക് സഹായം തേടാന്‍ എമര്‍ജന്‍സി ടോക്ക് ബാക്ക് യൂണിറ്റുകള്‍.

ഭക്ഷണം സൂക്ഷിക്കാനും വിതരണം ചെയ്യാനും മിനി പാന്‍ട്രി സൗകര്യങ്ങള്‍.

ഈ വന്ദേ ഭാരത് സ്ലീപ്പര്‍ ട്രെയിനുകള്‍ വരുന്നതോടെ ദീര്‍ഘദൂര യാത്രകള്‍ കുറഞ്ഞ സമയത്തിനുള്ളില്‍ ആഡംബരത്തോടെ പൂര്‍ത്തിയാക്കാന്‍ സാധിക്കും.

സ്ലീപ്പര്‍ ക്ലാസ് യാത്രക്കാര്‍ക്കായി കുറഞ്ഞ ചെലവില്‍ വേഗതയേറിയ യാത്ര ഉറപ്പാക്കുന്ന അമൃത് ഭാരത് എക്‌സ്പ്രസും കേരളത്തിന് ലഭിക്കാന്‍ സാധ്യതയുണ്ട്. മറുനാടന്‍ തൊഴിലാളികളെ ലക്ഷ്യമിട്ടാണ് ഈ ട്രെയിന്‍. ഇതില്‍ സ്ലീപ്പര്‍ ക്ലാസും ജനറല്‍ ക്ലാസും മാത്രമേ ഉണ്ടാകൂ.  എറണാകുളം - ജോഗ്ബനി (ബീഹാര്‍) റൂട്ടിലായിരിക്കും അമൃത് ഭാരത് ട്രെയിന്‍ ഓടുക.

നേമം റെയില്‍വേ ടെര്‍മിനല്‍ രണ്ടാം ഘട്ടത്തിനുള്ള അനുമതി വേഗത്തിലാക്കാനും റെയില്‍വേയില്‍ നിന്ന് സമ്മര്‍ദ്ദമുണ്ട്.

നിലവില്‍ കേരളത്തില്‍ മൂന്ന് വന്ദേഭാരത് (ചെയര്‍ കാര്‍) സര്‍വീസുകള്‍ വിജയകരമായി ഓടുന്നുണ്ട്:

കാസര്‍ഗോഡ് - തിരുവനന്തപുരം (കോട്ടയം വഴി)

കാസര്‍ഗോഡ് - തിരുവനന്തപുരം (ആലപ്പുഴ വഴി)

എറണാകുളം - ബാംഗ്ലൂര്‍ (കേരളത്തിന്റെ ആദ്യ അന്തര്‍സംസ്ഥാന വന്ദേഭാരത്).

Summary: As a gift to Kerala ahead of the upcoming elections, the Central Government will allot two Vande Bharat Sleeper trains. The Railway Minister announced that Kerala will be given priority as part of the nationwide launch of Vande Bharat Sleeper services.

Potential Routes:

Thiruvananthapuram – Bengaluru

Thiruvananthapuram – Chennai

The services will be designed to depart in the evening and reach the destination the following morning. The train will consist of 16 coaches, accommodating approximately 823 passengers.

Estimated Ticket Rates (Including Food):

3-Tier AC: Rs 2,300

2-Tier AC: Rs 3,000

First Class AC: Rs 3,600

Vande Bharat Sleeper trains are capable of traveling at speeds of up to 180 km/h. Prime Minister Narendra Modi will inaugurate India’s first Vande Bharat Sleeper train this month. The trains for Kerala will be sanctioned following this launch.

Amrit Bharat Express

Kerala is also likely to receive an Amrit Bharat Express, which ensures fast travel at a lower cost for sleeper class passengers. Aimed primarily at migrant workers, this train will feature only Sleeper and General classes. The proposed route is Ernakulam – Jogbani (Bihar).

Additionally, there is pressure on the Railways to expedite the approval for the second phase of the Nemom Railway Terminal.

Current Vande Bharat Services in Kerala:

Currently, three Vande Bharat (Chair Car) services are operating successfully in the state:

Kasaragod – Thiruvananthapuram (via Kottayam)

Kasaragod – Thiruvananthapuram (via Alappuzha)

Ernakulam – Bengaluru (Kerala's first interstate Vande Bharat).