ന്യൂയോർക്ക് സിറ്റിയിലെ ആയിരക്കണക്കിന് നഴ്‌സുമാർ പണിമുടക്കുന്നു; ശമ്പള വർധനവും ജോലിഭാരവുമടക്കം കാരണങ്ങൾ

ന്യൂയോർക്ക്: ശമ്പള വർധനവും മതിയായ ജീവനക്കാരെ നിയമിക്കണമെന്ന ആവശ്യവും ഉന്നയിച്ച് ന്യൂയോർക്ക് സിറ്റിയിലെ പ്രമുഖ സ്വകാര്യ ആശുപത്രികളിലെ ആയിരക്ക...

ന്യൂയോർക്ക്: ശമ്പള വർധനവും മതിയായ ജീവനക്കാരെ നിയമിക്കണമെന്ന ആവശ്യവും ഉന്നയിച്ച് ന്യൂയോർക്ക് സിറ്റിയിലെ പ്രമുഖ സ്വകാര്യ ആശുപത്രികളിലെ ആയിരക്കണക്കിന് നഴ്‌സുമാർ പണിമുടക്കുന്നു. മൗണ്ട് സിനായ് , മോണ്ടിഫിയോർ എന്നീ മെഡിക്കൽ സെന്ററുകളിലെ ഏഴായിരത്തിലധികം നഴ്‌സുമാരാണ് തിങ്കളാഴ്ച മുതൽ സമരമാരംഭിച്ചത്.

രോഗികളുടെ എണ്ണത്തിന് ആനുപാതികമായി നഴ്‌സുമാരെ നിയമിക്കുക, മെച്ചപ്പെട്ട വേതനം ഉറപ്പാക്കുക എന്നിവയാണ് സമരക്കാരുടെ പ്രധാന ആവശ്യങ്ങൾ. കോവിഡ് മഹാമാരിക്ക് ശേഷം നഴ്‌സുമാരുടെ ജോലിഭാരം അമിതമായി വർധിച്ചുവെന്നും, ഇത് രോഗീപരിചരണത്തെ ദോഷകരമായി ബാധിക്കുന്നുവെന്നും ന്യൂയോർക്ക് സ്റ്റേറ്റ് നഴ്‌സസ് അസോസിയേഷൻ ആരോപിച്ചു.

ഇന്ത്യൻ വംശജനായ ന്യൂയോർക്ക് സ്റ്റേറ്റ് അസംബ്ലി അംഗം സോഹ്റാൻ മംദാനി സമരത്തിന് ഐക്യദാർഢ്യം പ്രഖ്യാപിച്ച് നഴ്‌സുമാർക്കൊപ്പം അണിനിരന്നു. ആരോഗ്യപ്രവർത്തകരുടെ ആവശ്യങ്ങൾ ന്യായമാണെന്നും ലാഭക്കൊതി മൂത്ത മാനേജ്മെന്റുകൾ ജീവനക്കാരുടെ സുരക്ഷയും ആനുകൂല്യങ്ങളും അവഗണിക്കുകയാണെന്നും അദ്ദേഹം വിമർശിച്ചു. സമരവേദിയിലെത്തിയ മംദാനി, നഴ്‌സുമാരുടെ അവകാശങ്ങൾക്കായി നിയമസഭയിൽ ശബ്ദമുയർത്തുമെന്നും വ്യക്തമാക്കി.

Key Words : Nurses Strike, New York City