സ്വിറ്റ്സർലൻഡിൽ പുതുവത്സരാഘോഷത്തിനിടെ വൻഫോടനം, അഗ്നിബാധ: നിരവധി മരണം

ജനീവ: സ്വിറ്റ്‌സർലൻഡിലെ പ്രശസ്തമായ ക്രാൻസ്-മൊണ്ടാന സ്കീ റിസോർട്ട് ടൗണിൽ പുതുവത്സരാഘോഷത്തിനിടെയുണ്ടായ വൻ സ്ഫോടനത്തിലും  തീപിടിത്തത്തിലും  നിര...

ജനീവ: സ്വിറ്റ്‌സർലൻഡിലെ പ്രശസ്തമായ ക്രാൻസ്-മൊണ്ടാന സ്കീ റിസോർട്ട് ടൗണിൽ പുതുവത്സരാഘോഷത്തിനിടെയുണ്ടായ വൻ സ്ഫോടനത്തിലും  തീപിടിത്തത്തിലും  നിരവധി മരണം.

ക്രാൻസ്-മൊണ്ടാനയിലെ 'ലെ കോൺസ്റ്റലേഷൻ' എന്ന ആഡംബര ബാറിലും ലോഞ്ചിലുമാണ് സ്ഫോടനം. വ്യാഴാഴ്ച  പുലർച്ചെ ഏകദേശം 1:30 നായിരുന്നു ദുരന്തം.

 പ്രാദേശിക റിപ്പോർട്ടുകൾ പ്രകാരം നിരവധി പേർ കൊല്ലപ്പെട്ടതായാണ് വിവരം. ചില റിപ്പോർട്ടുകൾ മരണസംഖ്യ 10 കടന്നതായി സൂചിപ്പിക്കുന്നു. മരിച്ചവരിൽ ഭൂരിഭാഗവും പുതുവത്സരം ആഘോഷിക്കാനെത്തിയ വിനോദസഞ്ചാരികളാണ്.

 സ്ഫോടനത്തിലും തീപിടിത്തത്തിലും നിരവധി പേർക്ക് ഗുരുതരമായി പരിക്കേറ്റിട്ടുണ്ട്. സംഭവസമയത്ത് നൂറിലധികം ആളുകൾ ബാറിൽ ഉണ്ടായിരുന്നു. സ്ഫോടനത്തിന്റെ കൃത്യമായ കാരണം ഇതുവരെ വ്യക്തമല്ല. എങ്കിലും, ബാറിൽ നടന്ന സംഗീത പരിപാടിക്കിടെ ഉപയോഗിച്ച വെടിക്കോപ്പുകളും  തീപിടിത്തത്തിന് കാരണമായേക്കാമെന്ന് സ്വിസ് വാർത്താ ഏജൻസിയായ 'ബ്ലിക്ക്' റിപ്പോർട്ട് ചെയ്യുന്നു.

സംഭവസ്ഥലത്ത് വൻതോതിലുള്ള രക്ഷാപ്രവർത്തനമാണ് നടക്കുന്നത്.
 പരിക്കേറ്റവരെ ആശുപത്രിയിലെത്തിക്കാൻ നിരവധി ഹെലികോപ്റ്ററുകൾ ഉപയോഗിക്കുന്നു.

 പ്രദേശം പൂർണ്ണമായും അടച്ചുപൂട്ടുകയും ക്രാൻസ്-മൊണ്ടാനയുടെ മുകളിലൂടെ വിമാനങ്ങൾ പറക്കുന്നതിന് നിരോധനം ( ഏർപ്പെടുത്തുകയും ചെയ്തിട്ടുണ്ട്.
ദുരന്തത്തിൽപ്പെട്ടവരുടെ ബന്ധുക്കൾക്കായി അധികൃതർ പ്രത്യേക ഹോട്ട്‌ലൈൻ നമ്പർ   [ 084 811 21 17] ആരംഭിച്ചിട്ടുണ്ട്. സ്ഫോടനത്തിന്റെ ഉറവിടം കണ്ടെത്താൻ സ്വിസ് പോലീസ് അന്വേഷണം തുടരുകയാണ്.