'' മോദിയെ പുകഴ്ത്തിയിട്ടില്ല, ഇത്തവണ കോണ്‍ഗ്രസ് അധികാരത്തിലെത്തും ''- വിവാദങ്ങളെ തണുപ്പിച്ച് തരൂർ

തിരുവനന്തപുരം : ഇത്തവണ കോണ്‍ഗ്രസ് അധികാരത്തിലെത്തുമെന്നും പാര്‍ട്ടിയില്‍ മുഖ്യമന്ത്രിയാകാന്‍ അര്‍ഹതയുള്ള പലരും ഉണ്ടെന്നും മുതിര്‍ന്ന കോണ്‍ഗ്...

തിരുവനന്തപുരം : ഇത്തവണ കോണ്‍ഗ്രസ് അധികാരത്തിലെത്തുമെന്നും പാര്‍ട്ടിയില്‍ മുഖ്യമന്ത്രിയാകാന്‍ അര്‍ഹതയുള്ള പലരും ഉണ്ടെന്നും മുതിര്‍ന്ന കോണ്‍ഗ്രസ് നേതാവും എം.പിയുമായ ശശി തരൂര്‍. 

കോണ്‍ഗ്രസ് പാര്‍ട്ടി ലൈനില്‍ നിന്ന് അകന്നു പോയിട്ടില്ലെന്നും 17 വര്‍ഷം പാര്‍ട്ടിക്കൊപ്പം പ്രവര്‍ത്തിച്ച തന്നെക്കുറിച്ച് തെറ്റിദ്ധാരണയുടെ ആവശ്യമില്ലെന്നും തരൂര്‍ വ്യക്തമാക്കി. 

വയനാട്ടില്‍ കോണ്‍ഗ്രസ് നേതൃ ക്യംപിനെത്തിയപ്പോള്‍ മാധ്യമങ്ങളോട് സംസാരിക്കുകയായിരുന്നു തരൂര്‍. എല്‍.കെ അദ്വാനിക്ക് ജന്മദിനാശംസ നേര്‍ന്നത് പ്രായമായ ഒരാളെ ബഹുമാനിച്ചു എന്നതെ ഉള്ളൂ. തന്റെ അഭിപ്രായങ്ങളില്‍ നിന്ന് ചില വാക്കുകള്‍ അടര്‍ത്തിയെടുത്ത് മാധ്യമങ്ങള്‍ വിവാദമാക്കിയെന്ന് പറഞ്ഞ തരൂര്‍, മോദിയെ താന്‍ പുകഴ്ത്തിയിട്ടില്ലെന്നും കൂട്ടിച്ചേര്‍ത്തു. 

എം.എല്‍.എമാര്‍ എല്ലാകൂടിയാകും മുഖ്യമന്ത്രിയാരാകുമെന്ന കാര്യം തീരുമാനിക്കുകയെന്നും തെരഞ്ഞെടുപ്പില്‍ സജീവമായി പ്രചാരണരംഗത്തുണ്ടാകുമെന്നും തരൂര്‍ പറഞ്ഞു. 

Key Words : Narenrda Modi, Congress, Sashi Tharoor