മരണം വരെ തടവു തടവുശിക്ഷ വിധിക്കാന്‍ സെഷന്‍സ് കോടതികള്‍ക്ക് അധികാരമില്ലെന്നു സുപ്രീം കോടതി

Supreme Court Rules Sessions Courts Lack Power to Award Imprisonment Until Death

ന്യൂഡല്‍ഹി: സെഷന്‍സ് കോടതികള്‍ക്ക് (വിചാരണ കോടതികള്‍) പ്രതികള്‍ക്ക് 'മരണം വരെ തടവ്' അഥവാ ഇളവില്ലാത്ത ജീവപര്യന്തം ശിക്ഷ വിധിക്കാന്‍ അധികാരമില്ലെന്ന് സുപ്രീം കോടതി. ഇത്തരം ശിക്ഷാവിധികള്‍ പുറപ്പെടുവിക്കാനുള്ള അധികാരം സുപ്രീം കോടതിക്കും ഹൈക്കോടതികള്‍ക്കും (ഭരണഘടനാ കോടതികള്‍) മാത്രമാണെന്ന് കോടതി ചൂണ്ടിക്കാട്ടി.

കര്‍ണാടകയില്‍ ഒരു സ്ത്രീയെ തീക്കൊളുത്തി കൊലപ്പെടുത്തിയ കേസില്‍ പ്രതിയായ കിരണിന് സെഷന്‍സ് കോടതി 'മരണം വരെ തടവ്' വിധിച്ചിരുന്നു. ഇതിനെ ഹൈക്കോടതിയും ശരിവെച്ചു. ഇതിനെതിരെ പ്രതി നല്‍കിയ അപ്പീലിലാണ് സുപ്രീം കോടതി (ജസ്റ്റിസ് അഹ്സാനുദ്ദീന്‍ അമാനുള്ള, ജസ്റ്റിസ് കെ. വിനോദ് ചന്ദ്രന്‍ എന്നിവരടങ്ങിയ ബെഞ്ച്) വിധി വന്നത്.

ക്രിമിനല്‍ നടപടിച്ചട്ടം അനുസരിച്ചുള്ള സെഷന്‍സ് കോടതികള്‍ക്ക്, ഒരു പ്രതിയുടെ ശിക്ഷാ ഇളവിനുള്ള അവകാശമോ ശിക്ഷ കുറയ്ക്കാനുള്ള സര്‍ക്കാരിന്റെ അധികാരമോ തടയാനാവില്ല. സാധാരണ നിലയില്‍ ജീവപര്യന്തം എന്നാല്‍ ശിഷ്ടകാലം മുഴുവന്‍ ജയിലില്‍ കഴിയുക എന്നാണ് അര്‍ത്ഥമെങ്കിലും, 14 വര്‍ഷത്തെ തടവിന് ശേഷം പ്രതിയുടെ പെരുമാറ്റം പരിഗണിച്ച് സര്‍ക്കാരിന് ശിക്ഷാ ഇളവ് നല്‍കാന്‍ അധികാരമുണ്ട്. ഈ അധികാരം ഭരണഘടനയുടെ അനുച്ഛേദം 72 (രാഷ്ട്രപതി), 161 (ഗവര്‍ണര്‍) എന്നിവ പ്രകാരമുള്ളതാണ്.

വധശിക്ഷ നല്‍കേണ്ടതില്ലാത്ത, എന്നാല്‍ അങ്ങേയറ്റം ക്രൂരമായ കേസുകളില്‍ പ്രതിക്ക് മരണം വരെ ഇളവില്ലാതെ ജയിലില്‍ കഴിയുന്ന ശിക്ഷാ രീതി സുപ്രീം കോടതി വികസിപ്പിച്ചെടുത്തതാണ് (സ്വാമി ശ്രദ്ധാനന്ദ കേസ്, വി. ശ്രീഹരന്‍ കേസ്). എന്നാല്‍ ഇത് ഉയര്‍ന്ന കോടതികള്‍ക്ക് മാത്രമേ തീരുമാനിക്കാനാകൂ.

കിരണ്‍  കര്‍ണാടക സ്റ്റേറ്റ് (2025) കേസില്‍ സുപ്രീം കോടതി പുറപ്പെടുവിച്ച വിധി പ്രകാരം, കൊലപാതക കേസുകളില്‍ പ്രതിക്ക് ഇളവില്ലാത്ത ജീവപര്യന്തം (മരണം വരെ തടവ്) വിധിക്കാന്‍ സെഷന്‍സ് കോടതികള്‍ക്ക് അധികാരമില്ല. ഈ അധികാരം സുപ്രീം കോടതിക്കും ഹൈക്കോടതികള്‍ക്കും മാത്രമായി പരിമിതപ്പെടുത്തിയിരിക്കുന്നു.

സെഷന്‍സ് കോടതികള്‍ രൂപീകരിച്ചിരിക്കുന്നത് ക്രിമിനല്‍ നടപടിച്ചട്ടം പ്രകാരമാണ്. അതിനാല്‍ നിയമം നല്‍കുന്ന അധികാര പരിധിക്കുള്ളില്‍ നിന്നേ അവയ്ക്ക് പ്രവര്‍ത്തിക്കാനാകൂ. ഒരു പ്രതിക്ക് ശിക്ഷാ ഇളവ് നല്‍കാനുള്ള സര്‍ക്കാരിന്റെ നിയമപരമായ അധികാരത്തെ തടയാന്‍ സെഷന്‍സ് കോടതികള്‍ക്ക് സാധിക്കില്ലെന്ന് കോടതി വ്യക്തമാക്കി.

പ്രതിയുടെ കുറ്റം സുപ്രീം കോടതി ശരിവെച്ചെങ്കിലും ശിക്ഷയില്‍ മാറ്റം വരുത്തി. 'മരണം വരെയുള്ള തടവ്', 'ഇളവ് നല്‍കരുത്' എന്നീ നിര്‍ദ്ദേശങ്ങള്‍ കോടതി ഒഴിവാക്കി. പകരം സാധാരണ ജീവപര്യന്തം ശിക്ഷയായി ഇത് മാറ്റി. കൂടാതെ, വിചാരണ കാലയളവില്‍ പ്രതി ജയിലില്‍ കഴിഞ്ഞ കാലയളവ് ശിക്ഷാ കാലാവധിയില്‍ നിന്ന് കുറയ്ക്കാനും കോടതി അനുവാദം നല്‍കി.

ജീവിതകാലം മുഴുവന്‍ തടവില്‍ കഴിയുക എന്നത് ജീവപര്യന്തത്തിന്റെ സാങ്കേതിക അര്‍ത്ഥമാണെങ്കിലും, ശിക്ഷാ ഇളവിന് അപേക്ഷിക്കാനുള്ള പ്രതിയുടെ അവകാശവും അത് നല്‍കാനുള്ള സര്‍ക്കാരിന്റെ അധികാരവും തടയാന്‍ വിചാരണ കോടതികള്‍ക്ക് കഴിയില്ല.

Summary: The Supreme Court has ruled that Sessions Courts (Trial Courts) do not have the authority to sentence convicts to 'imprisonment until death' or life imprisonment without remission. The Court pointed out that the power to issue such sentences rests exclusively with the Supreme Court and the High Courts (Constitutional Courts).

The ruling came from a bench comprising Justice Ahsanuddin Amanullah and Justice K. Vinod Chandran while hearing an appeal filed by a convict named Kiran. In a case involving the murder of a woman by setting her on fire in Karnataka, the Sessions Court had sentenced Kiran to 'imprisonment until death,' a decision that was later upheld by the High Court.