ശബരിമല കൊള്ള മുതല്‍, സമുദായ പ്രീണനം വരെ തിരിച്ചടിയായി, പ്രതിരോധിക്കാന്‍ ഇടതുപക്ഷം പ്രധാന ആയുധമാക്കിയത് രാഹുല്‍ മാങ്കൂട്ടത്തില്‍ വിഷയം, പിണറായി സര്‍ക്കാര്‍ ഒരു കെയര്‍ ടേക്കര്‍ ഗവണ്‍മെന്റായി മാറുമ്പോള്‍....

Setbacks Ranging from Sabarimala Heist to Communal Appeasement, Left Front's Main Weapon for Defense was Rahul Mankootathil Issue, As Pinarayi Govt

സിദ്ധാര്‍ത്ഥ് ശ്രീനിവാസ്

തിരുവനന്തപുരം: തദ്ദേശ തിരഞ്ഞെടുപ്പിലെ ഫലം പുറത്തുവന്നതോടെ പിണറായി വിജയന്‍ സര്‍ക്കാര്‍ ഒരു കെയര്‍ ടേക്കര്‍ സര്‍ക്കാരായി മാറിക്കഴിഞ്ഞുവെന്നാണ് മുതിര്‍ന്ന കോണ്‍ഗ്രസ് നേതാവ് എ കെ ആന്റണി പറഞ്ഞത്. നിയമസഭാ തിരഞ്ഞെടുപ്പിന് കേവലം മൂന്നോ നാലോ മാസം മാത്രം ബാക്കിനില്‍ക്കെയുള്ള ഈ വലിയ പരാജയം തിരുത്തലുകള്‍ക്കു വലിയ സാദ്ധ്യതയില്ലാത്ത ഭരണപരാജയത്തിന്റെ വക്കിലാണ് ഇടതു മുന്നണിയെ കൊണ്ടെത്തിച്ചിരിക്കുന്നത്. ഈ തിരഞ്ഞെടുപ്പിലെ തോല്‍വിയുടെ കാരണങ്ങള്‍ എന്തെല്ലാമായിരിക്കും?

സംസ്ഥാന സര്‍ക്കാരിനെതിരായ വികാരം

തുടര്‍ച്ചയായി രണ്ടാം തവണ അധികാരത്തിലെത്തിയ ഒരു മുന്നണിക്കെതിരെ സ്വാഭാവികമായും ഉണ്ടാകുന്ന ഭരണവിരുദ്ധ വികാരം  പല തദ്ദേശ സ്ഥാപനങ്ങളിലും എല്‍ഡിഎഫിന് തിരിച്ചടിയായി. സര്‍ക്കാരിന്റെ ചില നയങ്ങള്‍, പ്രത്യേകിച്ച് വിവാദങ്ങള്‍ ഉയര്‍ന്ന വിഷയങ്ങളിലെ പ്രതികരണം, ജനങ്ങളില്‍ അതൃപ്തി ഉണ്ടാക്കി.

തിരഞ്ഞെടുപ്പിന് തൊട്ടുമുമ്പും പ്രചാരണ സമയത്തും ഉയര്‍ന്ന പ്രധാന വിവാദങ്ങള്‍ സര്‍ക്കാരിന്റെ പ്രതിച്ഛായയെ ബാധിച്ചു. സ്വര്‍ണ്ണക്കടത്ത് കേസ്, ലൈഫ് മിഷന്‍ കേസ് തുടങ്ങിയവയില്‍ പ്രതിപക്ഷം ഉന്നയിച്ച ആരോപണങ്ങള്‍ വോട്ടര്‍മാരെ സ്വാധീനിച്ചു. ഈ വിവാദങ്ങള്‍ പ്രതിപക്ഷം ശക്തമായ പ്രചാരണ ആയുധമായി ഉപയോഗിച്ചു, അത് സാധാരണ വോട്ടര്‍മാര്‍ക്കിടയില്‍ ആശയക്കുഴപ്പമുണ്ടാക്കി.

യുവജനങ്ങളുടെ വോട്ടുകള്‍ 

പിഎസ്സി നിയമനങ്ങളുമായി ബന്ധപ്പെട്ട ആരോപണങ്ങള്‍, റാങ്ക് ഹോള്‍ഡര്‍മാരുടെ പ്രതിഷേധങ്ങള്‍ തുടങ്ങിയവ യുവജനങ്ങളുടെ ഇടയില്‍ സര്‍ക്കാരിനോടുള്ള അതൃപ്തി വര്‍ദ്ധിപ്പിച്ചു. ഇത് പലയിടത്തും എല്‍ഡിഎഫിന് ലഭിക്കേണ്ട യുവജനങ്ങളുടെ വോട്ടുകള്‍ നഷ്ടപ്പെടാന്‍ കാരണമായതായി വിലയിരുത്തപ്പെടുന്നു.

പ്രാദേശിക ഘടകങ്ങള്‍

ഓരോ തദ്ദേശ സ്ഥാപനത്തിലും സ്ഥാനാര്‍ത്ഥി നിര്‍ണയത്തിലെ പ്രശ്‌നങ്ങള്‍, പ്രാദേശിക നേതാക്കള്‍ തമ്മിലുള്ള തര്‍ക്കങ്ങള്‍, ശക്തരായ സ്വതന്ത്ര സ്ഥാനാര്‍ത്ഥികളുടെ കടന്നുവരവ് എന്നിവ ചിലയിടങ്ങളില്‍ എല്‍ഡിഎഫിന് തിരിച്ചടിയായി. തദ്ദേശ തിരഞ്ഞെടുപ്പില്‍, സംസ്ഥാന രാഷ്ട്രീയം പോലെ തന്നെ പ്രാദേശിക പ്രശ്‌നങ്ങളും സ്ഥാനാര്‍ത്ഥിയുടെ വ്യക്തിപരമായ സ്വാധീനവും നിര്‍ണായകമാകാറുണ്ട്.

യുഡിഎഫിന്റെയും ബിജെപിയുടെയും ഏകീകരണം

ചില മേഖലകളില്‍, യുഡിഎഫും ബിജെപിയും തമ്മില്‍ വോട്ടുകള്‍ കൈമാറ്റം ചെയ്യപ്പെട്ടു എന്ന ആരോപണങ്ങളും വിലയിരുത്തലുകളും ഉണ്ട്. ഇത് എല്‍ഡിഎഫിന്റെ വിജയസാധ്യത കുറച്ചുവെന്നാണ് ഇടതു നേതാക്കള്‍ പറയുന്നത്. പ്രത്യേകിച്ച്, കോര്‍പ്പറേഷനുകളിലും വലിയ മുനിസിപ്പാലിറ്റികളിലും യുഡിഎഫ്, ബിജെപി ശക്തിപ്പെടുകയും എല്‍ഡിഎഫിന്റെ കോട്ടകള്‍ തകരുകയും ചെയ്തു.

സമുദായ സമവാക്യങ്ങള്‍

ചില സമുദായങ്ങളുടെ പരമ്പരാഗത പിന്തുണയില്‍ വന്ന വ്യതിയാനങ്ങളും തിരിച്ചടിക്ക് കാരണമായി കണക്കാക്കപ്പെടുന്നു. ചില സമുദായ രാഷ്ട്രീയ സംഘടനകളുടെ നിലപാടുകള്‍ എല്‍ഡിഎഫിന് പ്രതികൂലമായി ഭവിച്ചു. വെള്ളാപ്പള്ളി നടേശനെ അയ്യപ്പ സംഗമത്തില്‍ മുഖ്യമന്ത്രിയുടെ കാറില്‍ കൂട്ടിക്കൊണ്ടുവന്നതും വെള്ളാപ്പള്ളി പിന്നീട് കൈക്കൊണ്ട ന്യൂനപക്ഷ വിരുദ്ധ നിലപാടുകളും തിരിച്ചടിയായി.

ആഗോള അയ്യപ്പ സംഗമത്തില്‍ പിണറായി

ശബരിമല സ്വര്‍ണ്ണക്കൊള്ള

സിപിഎം വളരെ പ്രതീക്ഷയോടെ നടത്തിയാ ആഗോള അയ്യപ്പ സംഗമം അവര്‍ക്കു തന്നെ വിനയായി മാറി. ജനം മറന്നിരുന്ന ആചാര ലംഘന വിഷയം ഒന്നുകൂടി ഓര്‍മിപ്പിക്കാന്‍ മാത്രമാണ് അയ്യപ്പ സംഗമം ഉപകരിച്ചത്. എന്‍ എസ് എസ് തലവന്‍ സുകുമാരന്‍ നായര്‍ വ്യക്തിപരമായ പ്രശ്‌നങ്ങളില്‍ നിന്നു തലയൂരാന്‍ സര്‍ക്കാരിന് അനുകൂലമായി പ്രതികരിച്ചത് മുന്നാക്ക വിഭാഗങ്ങളില്‍ കടുത്ത എതിര്‍പ്പിനാണ് ഇടയാക്കിയത്. അയ്യപ്പ സംഗമത്തിനു പിന്നാലെ ശബരിമല സ്വര്‍ണക്കൊള്ള കേസ്് പുറത്തുവരികയും സിപിഎം പത്തനംതിട്ട ജില്ലാ സെക്രട്ടറിയായിരുന്ന മുന്‍ ദേവസ്വം ബോര്‍ഡ് അദ്ധ്യക്ഷന്‍ പത്മകുമാര്‍ ഉള്‍പ്പെടെ ജയിലിലായതും സര്‍ക്കാരിന് തിരിച്ചടിയായി. രാഹുല്‍ മാങ്കൂട്ടത്തില്‍ വിഷയം ഉയര്‍ത്തി ശബരിമലയിലെ കൊള്ളയെ പ്രതിരോധിക്കാന്‍ ശ്രമിച്ചെങ്കിലും വിജയിച്ചില്ലെന്നാണ് തിരഞ്ഞെടുപ്പ് ഫലം വ്യക്തമാക്കുന്നത്.

ന്യൂനപക്ഷ വോട്ടുകളുടെ ഏകീകരണം

എല്‍ഡിഎഫ്, ലോക്സഭാ തിരഞ്ഞെടുപ്പിന് ശേഷം ഭൂരിപക്ഷ സമുദായത്തെ ആകര്‍ഷിക്കാനായി നടത്തിയെന്ന് കരുതുന്ന ചില തന്ത്രപരമായ മാറ്റങ്ങള്‍ ന്യൂനപക്ഷ സമുദായങ്ങള്‍ക്കിടയില്‍ (പ്രത്യേകിച്ച് മലബാര്‍ മേഖലയില്‍) ആശങ്ക ഉണ്ടാക്കി. ഈ പശ്ചാത്തലത്തില്‍, ന്യൂനപക്ഷ വോട്ടുകള്‍ യുഡിഎഫിന് അനുകൂലമായി ഏകീകരിക്കപ്പെട്ടു. മലപ്പുറം, കോഴിക്കോട്, വയനാട് തുടങ്ങിയ ജില്ലകളിലെ ഫലങ്ങളില്‍ ഇത് വ്യക്തമാണ്. മലപ്പുറം ജില്ലാ പഞ്ചായത്തിലെ മുഴുവന്‍ സീറ്റുകളും യുഡിഎഫ് തൂത്തുവാരിയത് ഇതിന്റെ ഉദാഹരണമാണ്.

കണ്ണൂര്‍ കുന്നോത്തുപറമ്പ് പഞ്ചായത്തിലെ തോല്‍വിക്ക് പിന്നാലെ പാറാട്ട് വടിവാളുമായി സിപിഎം പ്രവര്‍ത്തകര്‍ എതിരാളികളെ ആക്രമിക്കുന്നു

പ്രാദേശിക ഘടകങ്ങളുടെ ശക്തി

എറണാകുളം, മലപ്പുറം തുടങ്ങിയ ജില്ലകളിലെ തദ്ദേശ സ്ഥാപനങ്ങളുടെ മൂന്ന് തലങ്ങളിലും യുഡിഎഫിന്റെ സ്വാധീനം വര്‍ധിച്ചു. മുനിസിപ്പാലിറ്റികളിലും ഗ്രാമപഞ്ചായത്തുകളിലും ബ്ലോക്ക് പഞ്ചായത്തുകളിലും യുഡിഎഫ് മുന്നേറ്റം നടത്തി. യുഡിഎഫിന്റെ ഗ്രാസ്‌റൂട്ട് തലത്തിലെ സംഘടനാ സംവിധാനം തദ്ദേശ തിരഞ്ഞെടുപ്പുകളില്‍ നിര്‍ണായകമായി.

നിയമസഭാ തിരഞ്ഞെടുപ്പിനുള്ള മുന്നൊരുക്കം

ഈ വിജയം നിയമസഭാ തിരഞ്ഞെടുപ്പില്‍ തിരിച്ചുവരവിനുള്ള വ്യക്തമായ സൂചനയായി കണക്കാക്കപ്പെടുന്നു. മുന്നണിയില്‍ വളര്‍ന്നുവരുന്ന ആത്മവിശ്വാസം വിജയത്തിന് ആക്കം കൂട്ടി. ആറ് കോര്‍പ്പറേഷനുകളില്‍ നാലെണ്ണത്തില്‍ യുഡിഎഫ് വിജയിച്ചു. 86 മുനിസിപ്പാലിറ്റികളില്‍ 54 എണ്ണത്തിലും യുഡിഎഫ് വിജയിച്ചു. 14 ജില്ലാ പഞ്ചായത്തുകളില്‍ ഏഴെണ്ണം വീതം ഇരുമുന്നണികളും പങ്കിട്ടു.

ചുരുക്കത്തില്‍, എല്‍ഡിഎഫ് ഭരണത്തിനെതിരായ വികാരം, പ്രധാന വിവാദങ്ങള്‍, ന്യൂനപക്ഷ വോട്ടുകളുടെ ഏകീകരണം, പ്രാദേശിക തലത്തിലെ സംഘടനാപരമായ ശക്തി എന്നിവയാണ് യുഡിഎഫിന്റെ ഈ വിജയത്തിന് പ്രധാന കാരണങ്ങളെന്നു പറയാം.

Summary:  Following the declaration of the local body election results, senior Congress leader A.K. Antony stated that the Pinarayi Vijayan government has now become a caretaker government. This major defeat, with merely three or four months remaining before the Assembly elections, has brought the Left Front to the brink of a governance failure that offers little scope for correction. What are the likely reasons for this electoral defeat?

Anti-Government Sentiment

Anti-Incumbency: The natural anti-incumbency sentiment that arises against a front that has consecutively come to power for the second time became a setback for the LDF in several local self-government institutions.

Public Dissatisfaction: Certain policies of the government, especially the response to contentious issues, created dissatisfaction among the public.

Major Controversies: Key controversies that emerged just before and during the campaign period affected the government's image. The allegations raised by the opposition in issues like the Gold Smuggling Case and the Life Mission Case influenced the voters. The opposition effectively used these controversies as a strong campaign weapon, which created confusion among ordinary voters.