തിരഞ്ഞെടുപ്പ് വിജയത്തിനു പിന്നാലെ യുഡിഎഫ് അടിത്തറ വിപുലീകരിക്കുമെന്ന് പ്രതിപക്ഷ നേതാവ്

തിരുവനന്തപുരം : യുഡിഎഫ് അടിത്തറ വിപുലീകരിക്കുമെന്ന് പ്രതിപക്ഷ നേതാവ് വി ഡി സതീശൻ. വിശാലമായ രാഷ്ട്രീയ പ്ലാറ്റ്ഫോമാകും. അതിൽ എല്ലാ കക്ഷികളും ഉ...

തിരുവനന്തപുരം : യുഡിഎഫ് അടിത്തറ വിപുലീകരിക്കുമെന്ന് പ്രതിപക്ഷ നേതാവ് വി ഡി സതീശൻ. വിശാലമായ രാഷ്ട്രീയ പ്ലാറ്റ്ഫോമാകും. അതിൽ എല്ലാ കക്ഷികളും ഉണ്ടാവും. നിയമസഭതിരഞ്ഞെടുപ്പിനെ ശക്തമായി നേരിടും.  യു ഡി എഫിലേക്ക് ഘടകകക്ഷികളെ കൊണ്ടുവരുന്ന കാര്യം ചർച്ച ചെയ്യും. മുന്നണി രാഷ്ട്രീയത്തിന് പുതിയ മാനങ്ങൾ നൽകുന്ന വിപുലമായ രാഷ്ട്രീയ പ്ലാറ്റ്ഫോമായി യു ഡി എഫ് മാറും. ഒരുപാട് വിഭാഗം ജനങ്ങളെ ഉൾപ്പെടുത്താൻ കഴിയുന്ന പ്ലാറ്റ്ഫോമാണ് യു ഡി എഫ്. ഇതിലും വിപുലമായി ശക്തിയോടെയും യു ഡി എഫ് നിയമസഭ തിരഞ്ഞെടുപ്പിനെ നേരിടുമെന്ന് വി ഡി സതീശൻ വ്യക്തമാക്കി.

അധ്യക്ഷ സ്ഥാനം തീരുമാനിക്കുക സമൂഹമാധ്യമങ്ങളിലല്ല, മാനദണ്ഡം അടുത്ത ദിവസം തന്നെ പുറത്തിറക്കും. ഉചിതമായ സമയത്ത് ഉചിതമായ തീരുമാനമെടുക്കും. ഈ തിരഞ്ഞെടുപ്പിൽ വിജയിച്ചതുകൊണ്ട് എല്ലാമായി എന്ന് വിചാരിക്കുന്നില്ല. മുന്നണി വിപുലീകരിക്കും എൽ ഡി എഫിൽ നിന്നും, എൻ ഡി എ യിൽ നിന്നും ഇതിലൊന്നും പെടാത്തവരും മുന്നണിയിൽ ഉണ്ടാകുമെന്നും വി ഡി സതീശൻ കോട്ടയത്ത്‌ പ്രതികരിച്ചു.

Key Words : UDF, VD Satheesan, Kerala Local body Election Result