ട്രംപ് പോനാൽ പോകട്ടും...ന്യൂസിലൻഡുമായി സ്വതന്ത്ര വ്യാപാര കരാറിൽ ഒപ്പുവെച്ച് ഇന്ത്യ

ന്യൂഡൽഹി: അമേരിക്കയുമായുള്ള വ്യാപാര ചർച്ചകൾ എങ്ങുമെത്താതെ  തുടരുന്നതിനിടെ   ഇന്ത്യയും ന്യൂസിലൻഡും സ്വതന്ത്ര വ്യാപാര കരാറിൽ (FTA) ഒപ്പുവെച്ചു...

ന്യൂഡൽഹി: അമേരിക്കയുമായുള്ള വ്യാപാര ചർച്ചകൾ എങ്ങുമെത്താതെ  തുടരുന്നതിനിടെ ഇന്ത്യയും ന്യൂസിലൻഡും സ്വതന്ത്ര വ്യാപാര കരാറിൽ (FTA) ഒപ്പുവെച്ചു. പ്രധാനമന്ത്രി നരേന്ദ്ര മോദിയും ന്യൂസിലാൻഡ് പ്രധാനമന്ത്രി ക്രിസ്റ്റഫർ ലക്സണും തമ്മിൽ നടന്ന ടെലിഫോൺ സംഭാഷണത്തിലാണ് ഈ സുപ്രധാന തീരുമാനം അറിയിച്ചത്. ഇരു രാജ്യങ്ങൾക്കിടയിൽ വ്യാപാരം, നിക്ഷേപം, നൂതന ആശയങ്ങൾ, പങ്കുവെക്കാനുള്ള അവസരങ്ങൾ എന്നിവ വർധിപ്പിക്കാൻ ഈ കരാർ സഹായിക്കുമെന്ന് ഇരു നേതാക്കളും വ്യക്തമാക്കി.

2025 മാർച്ചിൽ ന്യൂസിലാൻഡ് പ്രധാനമന്ത്രി ക്രിസ്റ്റഫർ ലക്സൺ ഇന്ത്യ സന്ദർശിച്ചപ്പോഴാണ് ഈ വ്യാപാര കരാറിനായുള്ള ചർച്ചകൾ ആരംഭിച്ചത്. ഇരു രാജ്യങ്ങളും തമ്മിലുള്ള സാമ്പത്തിക ബന്ധം ശക്തിപ്പെടുത്തുന്നതിൽ ഇതൊരു വലിയ ചുവടുവെപ്പായാണ് വിലയിരുത്തപ്പെടുന്നത്. ഈ കരാർ വഴി സാമ്പത്തിക സഹകരണം ഗണ്യമായി വർദ്ധിക്കുമെന്നും, വിപണിയിലേക്കുള്ള പ്രവേശനം മെച്ചപ്പെടുമെന്നും, നിക്ഷേപം പ്രോത്സാഹിപ്പിക്കുമെന്നും, തന്ത്രപരമായ സഹകരണം ശക്തിപ്പെടുത്തുമെന്നും പ്രതീക്ഷിക്കുന്നു. 

Key Words : India, Trade agreement , New Zealand, Trump