ഭ ഭ ബ.... അതിഥി മോഹന്‍ലാലിനെതിരേ വിമര്‍ശനം

Bha Bha Ba... Criticism Against Guest Star Mohanlal

ഡിസംബര്‍ 10-ന് കുറ്റവിമുക്തനായി രണ്ട് ദിവസത്തിന് ശേഷം, ദിലീപിന്റെ വരാനിരിക്കുന്ന ചിത്രമായ 'ഭ ഭ ബ' യുടെ അണിയറ പ്രവര്‍ത്തകര്‍ ട്രെയിലര്‍ പുറത്തിറക്കി. എട്ടര വര്‍ഷം നീണ്ട നിയമപോരാട്ടത്തിന് ശേഷമുള്ള ദിലീപിന്റെ തിരിച്ചുവരവായാണ് ഈ ചിത്രത്തെ കണ്ടിരുന്നതെങ്കിലും, ട്രെയിലര്‍ ശ്രദ്ധ നേടിയത് മറ്റൊരു കാരണത്താലാണ്. മലയാളത്തിന്റെ സൂപ്പര്‍താരം മോഹന്‍ലാല്‍ ഒരു സ്ഫോടനാത്മകമായ അതിഥി വേഷത്തില്‍ ചിത്രത്തില്‍ പ്രത്യക്ഷപ്പെടുന്നു എന്നതാണ് കാരണം.

നടിയെ തട്ടിക്കൊണ്ടുപോയി ആക്രമിച്ച കേസിലെ ക്രിമിനല്‍ ഗൂഢാലോചനയില്‍ ആരോപണവിധേയനായ ദിലീപുമായി ഒരു സൂപ്പര്‍താരം പരസ്യമായി സഹകരിക്കുന്നതും അദ്ദേഹത്തെ പിന്തുണയ്ക്കുന്നതും കണ്ടതിലുള്ള ഞെട്ടലാണ് ഇന്റര്‍നെറ്റ് ലോകത്ത് കൂടുതല്‍ പേരും രേഖപ്പെടുത്തിയിരിക്കുന്നത്.

ഒരു മിനിറ്റും 19 സെക്കന്‍ഡും ദൈര്‍ഘ്യമുള്ള 'ഭ ഭ ബ'യുടെ ട്രെയിലര്‍ ദിലീപിന്റെ ഗംഭീര തിരിച്ചുവരവായാണ് അവതരിപ്പിക്കുന്നത്. ധനഞ്ജയ് ശങ്കര്‍ സംവിധാനം ചെയ്യുന്ന ഈ ചിത്രം ഒരു കൊമേഴ്സ്യല്‍ എന്റര്‍ടെയ്നറായാണ് ഒരുങ്ങുന്നത്. ദിലീപ് നായകനാകുന്ന ചിത്രത്തില്‍ വിനീത് ശ്രീനിവാസന്‍, ധ്യാന്‍ ശ്രീനിവാസന്‍, സാന്‍ഡി, ബാലു വര്‍ഗീസ്, ബൈജു സന്തോഷ്, ശരണ്യ പൊന്‍വണ്ണന്‍, റെഡിന്‍ കിംഗ്സ്ലി എന്നിവരും പ്രധാന വേഷങ്ങളിലെത്തുന്നു.

'ഭയം ഭക്തി ബഹുമാനം' എന്നതിന്റെ ചുരുക്കരൂപമായ 'ഭ ഭ ബ', ദിലീപിന്റെ താരമൂല്യത്തെ ആശ്രയിച്ചുള്ള ഒരു ക്രൈം കോമഡി ചിത്രമാണ്. വര്‍ഷങ്ങള്‍ക്ക് ശേഷം ഇരു താരങ്ങളും ഒന്നിക്കുന്ന മോഹന്‍ലാലിന്റെ അതിഥി വേഷം തിയേറ്ററുകളില്‍ വലിയ ചലനം സൃഷ്ടിക്കുമെന്ന് പ്രതീക്ഷിക്കുന്നു.

ദിലീപിനെയും മോഹന്‍ലാലിനെയും വീണ്ടും ബിഗ് സ്‌ക്രീനില്‍ ഒരുമിച്ച് കാണുന്നതില്‍ ഒരു വിഭാഗം ആളുകള്‍ സന്തോഷവും ആവേശവും പ്രകടിപ്പിച്ചപ്പോള്‍, മറ്റൊരു വിഭാഗം രൂക്ഷ വിമര്‍ശനം ഉന്നയിച്ചു.

ഓടുന്ന വാഹനത്തിനുള്ളില്‍ വച്ച് നടിയെ തട്ടിക്കൊണ്ടുപോയി ആക്രമിച്ച സംഭവത്തിലെ സൂത്രധാരനെന്ന് ആരോപിക്കപ്പെട്ട ദിലീപിനെപ്പോലൊരു നടനെ സാധാരണവല്‍ക്കരിക്കുന്നതിനും വേദി നല്‍കുന്നതിനും എതിരെ പലരും മോഹന്‍ലാലിനെ ചോദ്യം ചെയ്തു.

'അങ്ങേയറ്റം വെറുപ്പുളവാക്കുന്നു! മോളിവുഡ് സൂപ്പര്‍സ്റ്റാര്‍ ദിലീപുമായി സഹകരിക്കുന്നു. നാണമില്ലാത്തവര്‍! എനിക്ക് ശരിക്കും വാക്കുകളില്ല! മോഹന്‍ലാല്‍, വിനീത്, ധ്യാന്‍. അയാളുമായി സഹകരിക്കുന്ന ആരോടും എനിക്ക് ഒട്ടും ബഹുമാനമില്ല.', ഒരു പ്രതിഷേധക്കുറിപ്പ് ഇങ്ങനെയാണ്.

ഇത്രയും ഗൗരവമേറിയ ഒരു കേസില്‍ ആരോപണവിധേയനായിരുന്ന വ്യക്തിക്ക് സൂപ്പര്‍താരം നല്‍കുന്ന പിന്തുണ തെറ്റായ സന്ദേശമാണ് നല്‍കുന്നതെന്ന് പലരും അഭിപ്രായപ്പെടുന്നു.

'മോഹന്‍ലാലിനെപ്പോലൊരു ഇതിഹാസതാരം ഇത്തരമൊരു സാഹചര്യത്തില്‍ ദിലീപുമായി സഹകരിക്കാന്‍ പാടില്ലായിരുന്നു' എന്ന് എക്‌സ് അടക്കമുള്ള പ്ലാറ്റ്ഫോമുകളില്‍ പലരും കുറിച്ചു. വിനീത് ശ്രീനിവാസന്‍, ധ്യാന്‍ ശ്രീനിവാസന്‍ എന്നിവരും ചിത്രത്തില്‍ സഹകരിക്കുന്നതിനെതിരെയും വിമര്‍ശനങ്ങളുണ്ട്.

വിചാരണക്കോടതി വിധിയില്‍ അതൃപ്തി രേഖപ്പെടുത്തിയ സര്‍ക്കാര്‍, മേല്‍ക്കോടതിയില്‍ അപ്പീല്‍ പോകുമെന്ന് അറിയിച്ചിട്ടുണ്ട്. നിയമപോരാട്ടം അവസാനിച്ചിട്ടില്ലാത്ത സാഹചര്യത്തില്‍ സൂപ്പര്‍താരങ്ങളുടെ ഈ കൂട്ടുകെട്ട് അനുചിതമാണെന്നാണ് വിമര്‍ശകരുടെ വാദം.

ദിലീപിന്റെ പഴയകാല കോമഡി ചിത്രങ്ങളെ അനുസ്മരിപ്പിക്കുന്ന രീതിയിലുള്ള ഒരു മാസ്സ് എന്റര്‍ടെയ്നര്‍ ആയാണ് ചിത്രം ഒരുക്കിയിരിക്കുന്നത്.

Summary: On December 10, just two days after he was acquitted, the makers of Dileep's upcoming film Bha Bha Ba released its trailer. While the film was viewed as Dileep's comeback after an eight-and-a-half-year legal battle, the trailer garnered attention for a different reason: Malayalam superstar Mohanlal appears in the film in an explosive cameo role.

Most netizens expressed shock at seeing a superstar openly collaborating with and supporting Dileep, who was accused of criminal conspiracy in the case involving the abduction and assault of an actress.

The one-minute-nineteen-second trailer presents Bha Bha Ba as Dileep's grand comeback. Directed by Dhananjay Shankar, the film is billed as a commercial entertainer. Starring Dileep in the lead, the film also features Vineeth Sreenivasan, Dhyan Sreenivasan, Sandy, Balu Varghese, Baiju Santhosh, Saranya Ponvannan, and Redin Kingsley in key roles.

Bha Bha Ba, an abbreviation for Bhayam Bhakthi Bahumanam (Fear, Devotion, Respect), is a crime comedy that relies on Dileep's star power. Mohanlal's cameo, which reunites the two stars after several years, is expected to create a major impact in theaters.