തന്നെ വേട്ടയാടി, അന്വേഷണ ഉദ്യോഗസ്ഥര്‍ക്കെതിരേ നിയമനടപടിക്ക് നടന്‍ ദീലീപ്

Actor Dileep Preparing Legal Action Against Investigating Officers, Alleging Persecution

സ്വന്തം ലേഖകന്‍

കൊച്ചി : നടി ആക്രമിക്കപ്പെട്ട കേസില്‍ എറണാകുളം പ്രിന്‍സിപ്പല്‍ സെഷന്‍സ് കോടതി ദിലീപിനെ കുറ്റവിമുക്തനാക്കിയതിന് പിന്നാലെ നടന്‍ ദിലീപ് നിയമനടപടിക്കൊരുങ്ങുന്നു. തന്നെ കേസില്‍ കുടുക്കാന്‍ അന്നത്തെ ഉന്നത പോലീസ് ഉദ്യോഗസ്ഥരും സംഘവും ചേര്‍ന്ന് ഗൂഢാലോചന നടത്തിയെന്നാണ് ദിലീപിന്റെ പ്രധാന ആരോപണം.

നടി ആക്രമിക്കപ്പെട്ട കേസില്‍ എറണാകുളം പ്രിന്‍സിപ്പല്‍ സെഷന്‍സ് കോടതി കുറ്റവിമുക്തനാക്കിയതിന് (അക്വിറ്റല്‍) പിന്നാലെയാണ് ദിലീപ് നിയമപോരാട്ടത്തിന് ഒരുങ്ങുന്നത്. തനിക്ക് നീതി ലഭിച്ചെന്നും, സത്യം വിജയിച്ചു എന്നും അദ്ദേഹം പ്രതികരിച്ചു.

ഗൂഢാലോചനയിലൂടെ തന്റെ ജീവിതവും കരിയറും നശിപ്പിക്കാന്‍ ശ്രമം നടന്നുവെന്നും, അന്വേഷണസംഘം മുഖ്യമന്ത്രിയെ ഉള്‍പ്പെടെ തെറ്റിദ്ധരിപ്പിച്ചുവെന്നുമാണ് ദിലീപ് ആരോപിക്കുന്നത്.

തനിക്കെതിരെ ഗൂഢാലോചന നടത്തിയവര്‍ക്കെതിരെ അന്വേഷണം ആവശ്യപ്പെട്ടും, നിയമനടപടി സ്വീകരിക്കുന്നതിനെക്കുറിച്ചും ദിലീപ് ആലോചിക്കുകയാണ്. കോടതി വിധി പകര്‍പ്പ് ലഭിച്ച ശേഷം തുടര്‍നടപടികള്‍ സ്വീകരിക്കാനാണ് നീക്കം.

2017-ലെ കേസില്‍ വിചാരണ കോടതി ദിലീപിനെ കുറ്റവിമുക്തനാക്കിയെങ്കിലും, കേസിലെ ഒന്നുമുതല്‍ ആറുവരെയുള്ള പ്രതികള്‍ കുറ്റക്കാരാണെന്ന് കണ്ടെത്തി. ഇവരുടെ ശിക്ഷ ഡിസംബര്‍ 12-ന് പ്രഖ്യാപിക്കും.

തനിക്കെതിരെ ഗൂഢാലോചന നടത്തിയ പോലീസ് ഉദ്യോഗസ്ഥരെ പുറത്തുകൊണ്ടുവരാനും അവരുടെ ദുരുദ്ദേശ്യപരമായ പ്രവൃത്തികള്‍ തുറന്നുകാട്ടാനും ലക്ഷ്യമിട്ടാണ് മുന്നോട്ടുപോകുന്നതെന്നു ദിലീപ് പറഞ്ഞു.

കേസിലെ എട്ടാം പ്രതിയായിരുന്നു ദിലീപ്. പ്രോസിക്യൂഷന് ഗൂഢാലോചന തെളിയിക്കാന്‍ സാധിച്ചില്ല എന്നാണ് കോടതിയുടെ വിലയിരുത്തല്‍. കേസിലെ ഒന്നാം പ്രതി പള്‍സര്‍ സുനി ഉള്‍പ്പെടെ, ഒന്നു മുതല്‍ ആറു വരെയുള്ള പ്രതികള്‍ കുറ്റക്കാരാണെന്ന് കോടതി കണ്ടെത്തി.

ദിലീപിനെ കുറ്റവിമുക്തനാക്കിയ കോടതിവിധിക്കെതിരെ അപ്പീല്‍ നല്‍കാന്‍ സര്‍ക്കാര്‍ തലത്തില്‍ ആലോചനകള്‍ നടക്കുന്നുണ്ട്.

Summary: Following the Ernakulam Principal Sessions Court's acquittal of actor Dileep in the actress assault case, the actor is preparing to initiate legal proceedings. Dileep's primary allegation is that a conspiracy was hatched by a former senior police officer and their team to frame him in the case.

Dileep is preparing for a legal fight after the Ernakulam Principal Sessions Court acquitted him in the actress assault case. He responded by stating that he has received justice and that the truth has prevailed.

Dileep alleges that an attempt was made to destroy his life and career through the conspiracy, and that the investigating team misled even the Chief Minister.