രാഷ്ട്രീയം അവസാനിപ്പിച്ച് രാഹുൽ വനവാസത്തിന് പോകണം- വെള്ളാപ്പള്ളി നടേശൻ

ആലപ്പുഴ :  രാഷ്ട്രീയം അവസാനിപ്പിച്ച് രാഹുൽ വനവാസത്തിന് പോകണമെന്ന് വെള്ളാപ്പള്ളി നടേശൻ. സ്വയം പുണ്യവാളനാകാൻ ശ്രമിച്ചതാണ് രാഹുൽ മാങ്കൂട്ടത്തില...

ആലപ്പുഴ :  രാഷ്ട്രീയം അവസാനിപ്പിച്ച് രാഹുൽ വനവാസത്തിന് പോകണമെന്ന് വെള്ളാപ്പള്ളി നടേശൻ. സ്വയം പുണ്യവാളനാകാൻ ശ്രമിച്ചതാണ് രാഹുൽ മാങ്കൂട്ടത്തിലിന്റെ പരമനാശത്തിന് കാരണം. എം എൽ എ സ്ഥാനം രാജിവയ്ക്കണോയെന്ന് രാഹുൽ തീരുമാനിക്കണം. കോൺഗ്രസിന്റെ സർവ്വനാശത്തിന് കാരണമായി രാഹുൽ മാറി. പശ്ചാത്താപം ഉണ്ടെങ്കിൽ രാഷ്ട്രീയം മതിയാക്കി രാഹുൽ വനവാസത്തിന് പോകുന്നതാണ് നല്ലതെന്ന് അദ്ദേഹം വിമർശിച്ചു. 

അതേസമയം, ശബരിമലയിൽ തന്ത്രി അറിയാതെ ഒന്നും നടക്കില്ലെന്നും വെള്ളാപ്പള്ളി വിമർശനം ഉന്നയിച്ചു. തന്ത്രിയാണ് എല്ലാത്തിന്റെയും മൂലം. യഥാർത്ഥ അന്വേഷണം നടത്തിയാൽ തന്ത്രിയിലേക്ക് എത്തും. ശബരിമലയിൽ എന്തിനും തന്ത്രിയുടെ അനുവാദം വേണം. തന്ത്രിക്ക് ഒന്നുമറിയില്ല എന്ന് പറയുന്നത് ശരിയല്ല. തന്ത്രിക്ക് എല്ലാം അറിയാമായിരുന്നുവെന്നും വെള്ളാപ്പള്ളി നടേശൻ പറഞ്ഞു.

Key Words : Rahul Mamkoottathil, Vellappally Natesan