പമ്പയില്‍ വസ്ത്രങ്ങള്‍ ഉപേക്ഷിക്കുന്നത് ആചാരമല്ല; ഭക്തരെ ബോധവത്ക്കരിക്കണം: ഹൈക്കോടതി

High court order about Pampa river pollution

കൊച്ചി: പമ്പയില്‍ വസ്ത്രങ്ങള്‍ ഉപേക്ഷിക്കുന്നത് ആചാരമല്ലെന്ന് ഭക്തരെ ബോധ്യപ്പെടുത്തണമെന്ന് ഹൈക്കോടതി. തീര്‍ത്ഥാടകര്‍ വസ്ത്രങ്ങള്‍ ഉപേക്ഷിക്കുന്നതിനാല്‍ പമ്പ മലിനമാകുന്ന സാഹചര്യത്തിലാണ് ഹൈക്കോടതി നടപടി. ഈ വിഷയത്തില്‍ വ്യാപക പ്രചാരണം  നടത്തണമെന്നും കോടതി നിര്‍ദ്ദേശിച്ചു. 

പമ്പയില്‍ കുളിക്കാനിറങ്ങുന്ന ഇതര സംസ്ഥാന തീര്‍ത്ഥാടകരാണ് ഇത്തരത്തില്‍ തുണികള്‍ വലിച്ചെറിയുന്നത്. ലോഡ് കണക്കിന് തുണികളാണ് പമ്പയില്‍ നിന്നും ദിവസവും ശേഖരിക്കുന്നത്. 

ഇത്തരത്തില്‍ തുണികള്‍ ഉപേക്ഷിക്കുന്നത് ഒരു ആചാരമായാണ് ഇവര്‍ കരുതുന്നത്. 

എന്നാല്‍ ഇത് ആചാരമല്ലെന്ന് അവരെ ബോധവത്ക്കരിക്കണമെന്നും കോടതി നിര്‍ദ്ദേശിച്ചു. കെ.എസ്.ആര്‍.ടി.സി ബസുകളിലടക്കം ഇതുമായി ബന്ധപ്പെട്ട ശബ്ദ സന്ദേശങ്ങള്‍ പ്രചരിപ്പിക്കണമെന്നും കോടതി ആവര്‍ത്തിച്ചു.

Keywords: High court, Order, Pampa river, Pollution