അയോധ്യാ രാമക്ഷേത്രത്തിലെ ധ്വജാരോഹണം നാളെ; പതാക ഉയർത്തുക മോദി

അയോധ്യ: നിര്‍മ്മാണം പൂര്‍ത്തിയായ അയോധ്യാ രാമക്ഷേത്രത്തിലെ ധ്വജാരോഹണം നാളെ. പ്രധാനമന്ത്രി നരേന്ദ്രമോദിയാണ് ചടങ്ങ് നിര്‍വഹിക്കുക. പ്രധാനമന്ത്ര...

അയോധ്യ: നിര്‍മ്മാണം പൂര്‍ത്തിയായ അയോധ്യാ രാമക്ഷേത്രത്തിലെ ധ്വജാരോഹണം നാളെ. പ്രധാനമന്ത്രി നരേന്ദ്രമോദിയാണ് ചടങ്ങ് നിര്‍വഹിക്കുക. പ്രധാനമന്ത്രി ഉച്ചയ്ക്ക് 12 മണിക്ക് പതാക ഉയർത്തുകയും ചെയ്യും, ഇത് ക്ഷേത്രത്തിന്റെ പൂർത്തീകരണത്തെ സൂചിപ്പിക്കുന്നു. 

ആര്‍എസ്എസ് മേധാവി മോഹന്‍ ഭാഗവതും നിരവധി പ്രമുഖരും ചടങ്ങില്‍ പങ്കെടുക്കും. നാളെ അയോധ്യയില്‍ മോദിയുടെ റോഡ് ഷോ നടക്കും. 2020 ല്‍ ക്ഷേത്ര നിര്‍മ്മാണം തുടങ്ങിയതും 2024 ല്‍ പ്രാണ പ്രതിഷ്ഠ നടത്തിയതും മോദിയായിരുന്നു. ചടങ്ങിന്റെ പശ്ചാത്തലത്തില്‍  അയോധ്യയില്‍ സുരക്ഷാ  ശക്തമാക്കി.

നാളെ നടക്കുന്ന ചടങ്ങിന് മുന്നോടിയായി അയോധ്യ അവസാന ഘട്ട ഒരുക്കങ്ങളിലായിരുന്നു.  ആഘോഷ പരിപാടി കാണാൻ വൻ ജനക്കൂട്ടമാണ് ഒഴുകിയെത്തുന്നത്. വാർത്താ ഏജൻസിയായ എഎൻഐ റിപ്പോർട്ട് ചെയ്തതനുസരിച്ച്, രാജ്യത്തിന്റെ വിവിധ കോണുകളിൽ നിന്നുള്ള ആളുകൾ അയോധ്യയിൽ എത്തിയിട്ടുണ്ട്. നഗരവും ക്ഷേത്രവും 100 കിലോഗ്രാം പൂക്കളാൽ അലങ്കരിച്ചിരിട്ടുണ്ട്.

മഹർഷി വസിഷ്ഠൻ, മഹർഷി വിശ്വാമിത്രൻ, മഹർഷി അഗസ്ത്യൻ, മഹർഷി വാൽമീകി, ദേവി അഹല്യ, നിഷാദ്രാജ് ഗുഹ, മാതാ ശബരി എന്നിവരുമായി ബന്ധപ്പെട്ട ക്ഷേത്രങ്ങൾ അയോധ്യയിലെ സപ്തമന്ദിരത്തിലുണ്ട്. 

Key Words : Flag Hoisting Ceremony, Ayodhya Ram Temple