അനീഷ് ജോർജ്ജിൻ്റെ ആത്മഹത്യ : ബി എൽ ഒമാർ പണിമുടക്കിന്

  കണ്ണൂർ :  ഏഴുകുടക്കയിൽ ബി എൽ ഒ അനീഷ് ജോർജ്ജ് (44) ആത്മഹത്യ ചെയ്ത സംഭവത്തിൽ സർക്കാരിനെതിരേ   രൂക്ഷ വിമർശനം.  കുന്നരു യുപി സ്കൂളിലെ പ്യൂണായി...

 

കണ്ണൂർ :  ഏഴുകുടക്കയിൽ ബി എൽ ഒ അനീഷ് ജോർജ്ജ് (44) ആത്മഹത്യ ചെയ്ത സംഭവത്തിൽ സർക്കാരിനെതിരേ   രൂക്ഷ വിമർശനം. 

കുന്നരു യുപി സ്കൂളിലെ പ്യൂണായി ജോലി ചെയ്യുകയായിരുന്നു അനീഷ്. അദ്ദേഹം വോട്ടർ പട്ടികയുടെ പ്രത്യേക സംക്ഷിപ്ത പുതുക്കൽ (SIR) പ്രക്രിയയിൽ ബി എൽ ഒ ആയി പ്രവർത്തിക്കുകയായിരുന്നു.

​വോട്ടർപട്ടിക പുതുക്കൽ പ്രക്രിയയുമായി ബന്ധപ്പെട്ട് ബി എൽ ഒമാർക്ക് മേലുള്ള കടുത്ത ജോലിഭാരവും സമ്മർദ്ദവുമാണ്  ആത്മഹത്യക്ക് കാരണമെന്ന് ബന്ധുക്കളും സഹപ്രവർത്തകരും സർവീസ് സംഘടനകളും ആരോപിക്കുന്നു. വിതരണം ചെയ്യേണ്ട ഫോമുകൾ പൂർത്തിയാക്കാനുള്ള മനുഷ്യസാധ്യമല്ലാത്ത" ലക്ഷ്യങ്ങൾ കാരണം അദ്ദേഹം രാത്രി വൈകിയും, ചിലപ്പോൾ പുലർച്ചെ രണ്ടു മണി വരെയും ജോലി ചെയ്തിരുന്നുവെന്നും ബന്ധുക്കൾ പറയുന്നു.

• ​അനീഷിൻ്റെ മരണത്തിൽ പ്രതിഷേധിച്ച് സർവീസ് സംഘടനകളും അധ്യാപക സംഘടനകളും ചേർന്ന്, സംസ്ഥാനത്തെ എല്ലാ ബി എൽ ഒമാരും തിങ്കളാഴ്ച സംസ്ഥാനവ്യാപകമായി ജോലി ബഹിഷ്കരിക്കാൻ ആഹ്വാനം ചെയ്തു. ഭരണകക്ഷിയായ സി.പി.എമ്മും പ്രതിപക്ഷമായ കോൺഗ്രസും ഉൾപ്പെടെയുള്ള രാഷ്ട്രീയ പാർട്ടികൾ, എസ് ഐ ഒ പ്രക്രിയ കാരണം ബി എൽ ഒമാർ നേരിടുന്ന കടുത്ത സമ്മർദ്ദത്തിൽ ആശങ്ക പ്രകടിപ്പിക്കുകയും സമയക്രമം പുനഃപരിശോധിക്കാൻ തിരഞ്ഞെടുപ്പ് കമ്മിഷനോട് ആവശ്യപ്പെടുകയും ചെയ്തു. 
• സംഭവത്തെക്കുറിച്ച് റിപ്പോർട്ട് സമർപ്പിക്കാൻ കണ്ണൂർ ജില്ലാ കളക്ടറോട് കേരളത്തിലെ മുഖ്യ തിരഞ്ഞെടുപ്പ് ഓഫീസർ  ആവശ്യപ്പെട്ടിട്ടുണ്ട്.

​