സ്‌ഫോടക വസ്തുക്കളുമായി ഭീകരര്‍ തിരക്കിട്ട് പോയപ്പോള്‍ സംഭവിച്ച ആക്‌സമിക പൊട്ടിത്തെറി ആകാമെന്ന സാദ്ധ്യത തള്ളിക്കളയാതെ അന്വേഷക സംഘം

The suspicion is strengthening that the blast near the Red Fort was not planned by terrorists but occurred accidentally while the explosives

അഭിനന്ദ്

ന്യൂഡല്‍ഹി: ചെങ്കോട്ടയ്ക്കു സമീപമുണ്ടായ സ്‌ഫോടനം ഭീകരര്‍ ആസൂത്രണം ചെയ്തതല്ലെന്നും സ്‌ഫോടക വസ്തുക്കള്‍ തിരക്കിട്ടു മാറ്റുന്നതിനിടെ ആകസ്മികമായി സംഭവിച്ചതാണെന്നും സംശയം ബലപ്പെടുന്നു.

സ്‌ഫോടക വസ്തുക്കള്‍ കൊണ്ടുപോകുന്നതിനിടെ പ്രതികള്‍ പരിഭ്രാന്തരാവുകയും അബദ്ധം സംഭവിക്കുകയും ചെയ്തതാവാമെന്നാണ് ഉന്നത ഇന്റലിജന്‍സ് ഉദ്യോഗസ്ഥരുടെ പ്രാഥമിക നിഗമനം.

തിങ്കളാഴ്ച രാജ്യത്തുടനീളം ഭീകരരെ പിടികൂടാനായി നടത്തിയ റെയ്ഡുകളും, ഹരിയാനയിലെ ഫരീദാബാദില്‍ നിന്ന് ബോംബ് നിര്‍മ്മിക്കാന്‍ ഉപയോഗിക്കുന്ന 2,900 കിലോ രാസവസ്തുക്കള്‍ കണ്ടെത്തിയതും പ്രതികളില്‍ പരിഭ്രാന്തിയുണ്ടാക്കുകയും സ്ഥലം മാറ്റാന്‍ അവരെ നിര്‍ബന്ധിതരാക്കുകയും ചെയ്തതാകാം എന്നാണ് സംശയം.

ഐഇഡി കൊണ്ടുപോകുമ്പോള്‍ യാത്രയ്ക്കിടയില്‍ സംഭവിച്ച ആകസ്മിക സ്‌ഫോടനമാണിതെന്ന് സൂചിപ്പിക്കുന്ന കൂടുതല്‍ പ്രാഥമിക തെളിവുകള്‍ കിട്ടിയിട്ടുണ്ട്. സ്‌ഫോടനം നടന്ന സ്ഥലത്ത് കുഴിയോ മറ്റ് പ്രൊജക്‌റ്റൈലുകളുടെ സാന്നിദ്ധ്യമോ ഇല്ലാത്തതും സ്‌ഫോടനം ആസൂത്രിതമല്ലെന്ന നിഗമനത്തിലേക്കു വിരല്‍ ചൂണ്ടുന്നു.

ചാവേര്‍ ആക്രമണമാണ് നടന്നതെന്നായിരുന്നു സംശയം. എന്നാല്‍, ഗതാഗതത്തിനിടെ സംഭവിച്ച ആകസ്മിക സ്‌ഫോടനത്തിലേക്കാണ് ഇപ്പോള്‍ അന്വേഷക സംഘം എത്തുന്നത്. ഐഇഡി ശരിയായ രീതിയില്‍ കൂട്ടിയോജിപ്പിച്ചില്ലെന്ന് വിദഗ്ദ്ധ സംഘം കണ്ടെത്തിയിട്ടുണ്ട്. ഇതു കാരണമാണ് സ്‌ഫോടനത്തിന് പരിമിതമായ പ്രഭാവം മാത്രമുണ്ടായത് എന്നാണ് നിഗമനം.

ഹ്യുണ്ടായി ഐ20 കാറില്‍ നടന്ന സ്‌ഫോടനത്തില്‍ ഒമ്പത് പേര്‍ മരിക്കുകയും ഇരുപതിലധികം ആളുകള്‍ക്ക് പരിക്കേല്‍ക്കുകയും ചെയ്തു. ദേശീയ തലസ്ഥാനത്തെ ഏറ്റവും തിരക്കേറിയ സ്ഥലങ്ങളിലൊന്നായ ചാന്ദ്നി ചൗക്കിലെ റെഡ് ഫോര്‍ട്ടിന് സമീപമുള്ള ചില കെട്ടിടങ്ങള്‍ സ്‌ഫോടനത്തിന്റെ ആഘാതത്തില്‍ കുലുങ്ങിയിരുന്നു.

പരിഭ്രാന്തിയിലായ പ്രതികള്‍ക്ക് പരമാവധി നാശനഷ്ടത്തിനായി ഐഇഡി പൂര്‍ണ്ണമായി സജ്ജമാക്കാന്‍ കഴിഞ്ഞില്ലെന്നാണ് അന്വേഷകര്‍ വിശ്വസിക്കുന്നത്. കാര്‍ ഗതാഗതക്കുരുക്കില്‍ സാവധാനം നീങ്ങുകയായിരുന്നുവെന്നും, വാഹനം ചലനത്തിലായിരുന്നത് ഐഇഡിക്ക് എന്തെങ്കിലും സംഭവിക്കാന്‍ കാരണമായിരിക്കാമെന്നും സ്‌ഫോടക വസ്തുക്കള്‍ പരിശോധിച്ച വിദഗ്ദ്ധ സംഘം സംശയിക്കുന്നു.

എന്നാല്‍, പ്രതികള്‍ സ്‌ഫോടക വസ്തുക്കള്‍ മാറ്റി സ്ഥാപിക്കാനോ ഒഴിവാക്കാനോ ശ്രമിച്ചപ്പോള്‍ സ്‌ഫോടനം നടന്നതാകാനുള്ള സാധ്യത ഉന്നത ഇന്റലിജന്‍സ് വൃത്തങ്ങള്‍ തത്കാലം തള്ളിക്കളയുന്നുമില്ല.

പോലീസും മറ്റ് ഏജന്‍സികളും രാജ്യത്തുടനീളമുള്ള സ്ലീപ്പര്‍ ടെറര്‍ യൂണിറ്റുകളില്‍ നടത്തിയ റെയ്ഡുകളും അവരുടെ ഏകോപിപ്പിച്ചുള്ള നടപടികളും ഒരു വലിയ ഭീഷണി തടയുന്നതില്‍ തീര്‍ച്ചയായും സഹായിച്ചുവെന്നാണ് കേന്ദ്ര ആഭ്യന്തര മന്ത്രാലയത്തിന്റെ വിലയിരുത്തല്‍.

ഹ്യുണ്ടായി ഐ20 ഓടിച്ച പ്രധാന പ്രതി ജമ്മു കശ്മീരിലെ ഡോക്ടറായ ഉമര്‍ നബിയാണ്. സ്‌ഫോടനം നടക്കുന്നതിന് മൂന്ന് ദിവസം മുമ്പ് ഇയാള്‍ ഫോണ്‍ സ്വിച്ച് ഓഫ് ചെയ്യുകയും ഒളിവില്‍ പോകുകയും കുടുംബാംഗങ്ങളുമായുള്ള ആശയവിനിമയം പോലും വിച്ഛേദിക്കുകയും ചെയ്തിരുന്നു. തിങ്കളാഴ്ചയ്ക്ക് മുമ്പ് അറസ്റ്റിലായവരടക്കമുള്ള മറ്റ് പ്രതികളും ഡോക്ടര്‍മാരാണ്. 

Summary: The suspicion is strengthening that the blast near the Red Fort was not planned by terrorists but occurred accidentally while the explosives were being hastily relocated.

Top intelligence officials' preliminary conclusion is that the suspects may have panicked and made a mistake while transporting the explosives.

It is suspected that the raids conducted across the country to apprehend terrorists on Monday, along with the recovery of 2,900 kg of chemical used in bomb-making from Faridabad, Haryana, may have triggered panic among the suspects and compelled them to relocate.

Further initial evidence indicating that the explosion was accidental and occurred during the journey while carrying the IED has been received. The absence of a blast crater or the presence of projectiles at the site of the explosion also points to the conclusion that the blast was not planned.