തിരുപ്പതി: തിരുമല തിരുപ്പതി ദേവസ്ഥാനത്തിലെ പ്രത്യേക പ്രസാദമായ ലഡു തയ്യാറാക്കാന് മായംചേര്ന്ന നെയ്യ് വാങ്ങിയ സംഭവത്തില് വമ്പന് തട്ടിപ്പെന്...
തിരുപ്പതി: തിരുമല തിരുപ്പതി ദേവസ്ഥാനത്തിലെ പ്രത്യേക പ്രസാദമായ ലഡു തയ്യാറാക്കാന് മായംചേര്ന്ന നെയ്യ് വാങ്ങിയ സംഭവത്തില് വമ്പന് തട്ടിപ്പെന്ന് സിബിഐ പ്രത്യേക അന്വേഷണ സംഘം. സംഭവവുമായി ബന്ധപ്പെട്ട് 250 കോടി രൂപയുടെ വഴിവിട്ട ഇടപാടുകളും അന്വേഷണ സംഘം കണ്ടെത്തി. 2019 മുതല് 2024 വരെയുള്ള കാലഘട്ടത്തിലാണ് ഇത്രയധികം രൂപയുടെ തട്ടിപ്പ് നടന്നതെന്നും എസ്ഐടിയുടെ കണ്ടെത്തലില് പറയുന്നു.
ആന്ധ്രപ്രദേശ് ഭരണകക്ഷിയായ വൈഎസ്ആര് കോണ്ഗ്രസ് പാര്ട്ടിയിലെ ലോക്സഭാ എംപിയും മുന് തിരുമല തിരുപ്പതി ദേവസ്ഥാനം ചെയര്മാനുമായിരുന്ന വൈ.വി. സുബ്ബ റെഡ്ഡിയുടെ പേഴ്സണല് അസിസ്റ്റന്റ് കെ. ചിന്നപ്പണ്ണ, ഉത്തര്പ്രദേശ് ആസ്ഥാനമായുള്ള പ്രീമിയര് അഗ്രി ഫുഡ്സ് പ്രൈവറ്റ് ലിമിറ്റഡുമായി ബന്ധമുള്ള ഹവാല ഏജന്റുമാരില്നിന്ന് പണം സ്വീകരിച്ചെന്നും അന്വേഷണം സംഘം പറയുന്നു.
COMMENTS