ഗാസയിൽ കൊടുംപട്ടിണി; മൂന്നിലൊന്ന് പേരും ദിവസങ്ങളോളം ഭക്ഷണം കഴിക്കുന്നില്ല - യു.എൻ

ന്യൂയോർക്ക്: ഇസ്രായേൽ-ഹമാസ് സംഘർഷം രൂക്ഷമായതോടെ ഗാസയിൽ കൊടുംപട്ടിണിയെന്ന് യു.എൻ. മരുന്നും പോഷകാഹാരവുമില്ലാതെ കുട്ടികൾ ഉൾപ്പെടെ നൂറുകണക്കിന് ...

ന്യൂയോർക്ക്: ഇസ്രായേൽ-ഹമാസ് സംഘർഷം രൂക്ഷമായതോടെ ഗാസയിൽ കൊടുംപട്ടിണിയെന്ന് യു.എൻ. മരുന്നും പോഷകാഹാരവുമില്ലാതെ കുട്ടികൾ ഉൾപ്പെടെ നൂറുകണക്കിന് ആളുകളാണ് നഗരത്തിൽ മരിച്ചുവീഴുന്നത്. ഒരു നേരത്തെ അന്നത്തിനായുള്ള പോരാട്ടമാണ് ഗാസയിലെ ക്യാമ്പുകളിലെങ്ങും കാണുന്നത്. ഗാസയിലെ ജനസംഖ്യയുടെ മൂന്നിലൊന്ന് പേരും ദിവസങ്ങളോളം ഭക്ഷണം കഴിക്കുന്നില്ലെന്നാണ് യു.എൻ പുറത്തുവിട്ട പുതിയ റിപ്പോർട്ടിൽ പറയുന്നത്. 

ഗാസയിൽ 470,000 ആളുകൾ പോക്ഷകാഹാര കുറവ് നേരിടുന്നുണ്ട്. ഇവരിൽ മിക്കവരും വെള്ളം പോലും കൃത്യമായി ലഭിക്കാതെ വലയുകയാണ്. 90,000 സ്ത്രീകളും കുട്ടികളും അടിയന്തിര ചികിത്സ ആവശ്യമുള്ളവരാണ്. ആധുനിക ലോകചരിത്രത്തിലെ ഏറ്റവും മോശപ്പെട്ട അവസ്ഥയാണ് ഗാസയിൽ നടക്കുന്നതെന്നും യു.എൻ റിപ്പോർട്ട് വ്യക്തമാക്കുന്നു. 

Key Words: Gaza Starving, Severe hunger, Gaza; UN