വാഷിംഗ്ടണ്‍ : അമേരിക്കയില്‍ ബീഫ് വില കത്തിക്കയറുന്നതായി റിപ്പോര്‍ട്ട്. 2024നെ അപേക്ഷിച്ച് 12% വരെ വില കൂടിയെന്നാണ് റിപ്പോര്‍ട്ടുകള്‍. ഗ്രൗണ്...
വാഷിംഗ്ടണ്‍ : അമേരിക്കയില്‍ ബീഫ് വില കത്തിക്കയറുന്നതായി റിപ്പോര്‍ട്ട്. 2024നെ അപേക്ഷിച്ച് 12% വരെ വില കൂടിയെന്നാണ് റിപ്പോര്‍ട്ടുകള്‍. ഗ്രൗണ്ട് ബീഫിനു വില പൗണ്ടിന് (0.45 കിലോഗ്രാം) 11.84% ഉയര്‍ന്ന് 6.12 ഡോളറിലെത്തി (530 രൂപ). സ്റ്റീക്കിനു 8.05% വര്‍ധിച്ച് 11.49 ഡോളറും (990 രൂപ). രാജ്യത്ത് കോഴിയിറച്ചി കഴിഞ്ഞാല്‍ ഏറ്റവുമധികം ഉപയോഗിക്കുന്ന ഇറച്ചിയിനമാണ് ബീഫ്.
പ്രതികൂല കാലാവസ്ഥമൂലം കാലിത്തീറ്റ ലഭ്യതയില്‍ വന്‍ കുറവുണ്ടായിരുന്നു. ഇതോടെ കര്‍ഷകര്‍ കാലികളുടെ എണ്ണം കുറച്ചതാണ് തിരിച്ചടിയായത്. കാലികളുടെ എണ്ണം പതിറ്റാണ്ടുകള്‍ക്കിടയിലെ ഏറ്റവും താഴ്ചയിലെത്തിയിരിക്കുകയാണിപ്പോള്‍. ജൂലൈയിലാണ് അമേരിക്കയില്‍ ബീഫിന് ഏറ്റവുമധികം ഡിമാന്‍ഡ് ഉണ്ടാകാറുള്ളത്. അതേ ജൂലൈയില്‍തന്നെ ഇക്കുറി ക്ഷാമം രൂക്ഷമായതും വില കുതിച്ചതും ഉപഭോക്താക്കളെ വലയ്ക്കുകയാണ്.
COMMENTS