നാലു വയസ്സുകാരിയെ പീഡിപ്പിച്ചത് കൊച്ചച്ഛന്‍, പ്രതി ലൈംഗിക വൈകൃതത്തിന് അടിമ, കുറ്റം സമ്മതിച്ചു

Four-year-old girl molested by uncle, accused sex addict, pleads guilty. The accused stated that he had been torturing the child for a year

കൊച്ചി: എറണാകുളത്ത് അമ്മ പുഴയിലെറിഞ്ഞു കൊന്ന നാലു വയസ്സുകാരിയെ ക്രൂരമായ ലൈംഗിക പീഡനത്തിന് ഇരയാക്കിയിരുന്നത് അച്ഛന്റെ അനുജന്‍. ഇയാളുടെ അറസ്റ്റ് പൊലീസ് രേഖപ്പെടുത്തി.

ഒരു വര്‍ഷമായി കുട്ടിയെ പീഡിപ്പിച്ചിരുന്നതായി വിശദമായ ചോദ്യം ചെയ്യിലില്‍ പ്രതി മൊഴി നല്‍കി. ഇന്നലെയാണ് ഇയാളെ പൊലീസ് കസ്റ്റഡിയിലെടുത്തത്.

തിങ്കളാഴ്ച രാവിലെയും ഇയാള്‍ കുട്ടിയെ പീഡിപ്പിച്ചിരുന്നു. അന്നു രാത്രിയാണ് കുട്ടിയെ അമ്മ പാലത്തില്‍ നിന്ന് ചാലക്കുടി പുഴയിലേക്ക് എറിഞ്ഞു കൊന്നത്. വെളുപ്പിനാണ് കുട്ടിയുടെ മൃതദേഹം പുഴയില്‍ നിന്ന് കിട്ടിയത്.

അവിവാഹിതനായ പ്രതി ലൈംഗിക വൈകൃതങ്ങള്‍ക്ക് അടിമയാണെന്ന് പൊലീസ് സംശയിക്കുന്നു. ഇയാളുടെ ഫോണില്‍ നിന്ന് രതി വൈകൃതങ്ങളുടെ നിരവധി വീഡിയോകള്‍ കണ്ടെത്തിയിട്ടുണ്ട്. ആദ്യ ഘട്ടത്തില്‍ ഇയാള്‍ കുറ്റം സമ്മതിച്ചിരുന്നില്ല. തെളിവ് നിരത്തി ചോദ്യം ചെയ്തപ്പോള്‍ 'അബദ്ധം പറ്റി'യെന്നാണ് ആദ്യം പറഞ്ഞത്.

കുട്ടി ക്രൂരമായ ലൈംഗിക പീഡനത്തിന് ഇരയായെന്നാണ് പോസ്റ്റുമോര്‍ട്ടത്തില്‍ കണ്ടെത്തിയിരിക്കുന്നത്. കണ്ടെത്തല്‍. കുഞ്ഞുമായുള്ള അടുപ്പം മുതലെടുത്ത് ഇയാള്‍ വീട്ടില്‍ വച്ചു തന്നെ നിരന്തരം ചൂഷണം ചെയ്യുകയായിരുന്നു. ചില ദിവസങ്ങളില്‍ കുട്ടി ഇയാള്‍ക്കൊപ്പമാണ് കിടന്നുറങ്ങിയിരുന്നത്. 

നിരന്തരം കുഞ്ഞിനെ ചൂഷണം ചെയ്തതായി പൊലീസ് സ്ഥിരീരിച്ചു. കുഞ്ഞിന്റെ സംസ്‌കാരം പൂര്‍ത്തിയായ അന്നു രാത്രി തന്നെ ബന്ധുക്കളെ ചോദ്യം ചെയ്യാന്‍ തുടങ്ങിയിരുന്നു. വീട്ടിലെ സ്ത്രീകളുടെ മൊഴിയില്‍ നിന്നു തന്നെ പൊലീസിനു സൂചന കിട്ടിയിരുന്നു. ആദ്യഘട്ടത്തില്‍ ചോദ്യം ചെയ്ത് ഇയാളെ വിട്ടയച്ചു. പിന്നീട്  രണ്ട് ബന്ധുക്കള്‍ക്കൊപ്പം വീണ്ടും വിളിച്ചു വരുത്തി ചോദ്യം ചെയ്തപ്പോള്‍ ഇയാള്‍ പൊട്ടിക്കരഞ്ഞുകൊണ്ട് കുറ്റം സമ്മതിക്കുകയായിരുന്നു. 

അമ്മയുടെയും അച്ഛന്റെയും പരിചരണം കുട്ടിക്ക് വേണ്ടവിധം കിട്ടിയിരുന്നില്ല. കുഞ്ഞ് ബന്ധുക്കള്‍ക്കൊപ്പമായിരുന്നു കൂടുതല്‍ സമയവും. ഇതാണ് പ്രതി മുതലെടുത്തത്.

കുട്ടിയെ ലൈംഗിക ചൂഷണത്തിനിരയാക്കിയിരുന്ന വിവരം അമ്മ അറിഞ്ഞിരുന്നുവെന്ന് പൊലീസ് സംശയിക്കുന്നുണ്ട്. ഇക്കാര്യങ്ങളില്‍ വ്യക്തത വരുത്തുന്നതിനായി അമ്മയെ പൊലീസ് വിശദമായി ചോദ്യം ചെയ്യും.

പോസ്റ്റ്മോര്‍ട്ടത്തിലായിരുന്നു നാലു വയസ്സുകാരി ലൈംഗിക ചൂഷണത്തിനിരയായെന്നു വ്യക്തമായിരുന്നു.സംശയകരമായ മുറിവുകളും പാടുകളും കുഞ്ഞിന്റെ ശരീരത്തിലുണ്ടായിരുന്നുവെന്നും ഡോക്ടര്‍മാര്‍ പറഞ്ഞു. തുടര്‍ന്നു പുത്തന്‍കുരിശ് പൊലീസ് അന്വേഷണം നടത്തുകയും കുഞ്ഞിന്റെ അച്ഛന്റെ അനുജനെ കസ്റ്റഡിയില്‍ എടുക്കുകയുമായിരുന്നു. 

കുഞ്ഞ് ലൈംഗിക ചൂഷണത്തിന് ഇരയായതായി അറിയില്ലെന്ന് കുഞ്ഞ് പഠിച്ചിരുന്ന അങ്കണവാടിയിലെ ജീവനക്കാര്‍ പറഞ്ഞു. കുടുംബാംഗങ്ങളില്‍ നിന്ന് കുട്ടിക്ക് മോശം പെരുമാറ്റം നേരിടേണ്ടതായി വന്നതായി അറിയില്ലെന്നും കുട്ടിയില്‍ അസ്വാഭാവികമായി ഒന്നും കണ്ടിരുന്നിലെന്നും അങ്കണവാടി സോഷ്യല്‍ വര്‍ക്കര്‍ പറഞ്ഞു.

മേയ് 19 അമ്മയ്ക്കൊപ്പമുണ്ടായിരുന്ന കുട്ടിയെ കാണാതാകുകയായിരുന്നു. സംഭവം അറിഞ്ഞ കുട്ടിയുടെ അച്ഛന്‍ പൊലീസില്‍ പരാതി നല്‍കി. തുടര്‍ന്ന് പൊലീസ് നടത്തിയ ചോദ്യം ചെയ്യലില്‍ കുട്ടിയെ ആലുവയില്‍ ബസില്‍ വച്ച് കാണാതായി എന്നായിരുന്നു അമ്മ ആദ്യം പറഞ്ഞത്. പൊലീസ് നടത്തിയ അന്വേഷണത്തില്‍ കുട്ടിയുമായി പോകുന്ന അമ്മയുടെ സിസി ടിവി ദൃശ്യങ്ങള്‍ കിട്ടി. 

വീണ്ടും നടത്തിയ ചോദ്യം ചെയ്യലില്‍ കുഞ്ഞിനെ മൂഴിക്കുളം പാലത്തിന് മുകളില്‍ നിന്ന് താഴേയ്ക്ക് എറിഞ്ഞതായി അമ്മ പൊലീസിനോട് പറയുകയായിരുന്നു. തുടര്‍ന്ന് മൂഴിക്കുളം പാലത്തിനു താഴെ നടത്തിയ തിരച്ചിലില്‍ മൃതദേഹം കണ്ടെത്തുകയായിരുന്നു.

Summary: Four-year-old girl molested by uncle, accused sex addict, pleads guilty.  During the detailed interrogation, the accused stated that he had been torturing the child for a year. He was taken into police custody yesterday.