പഹൽഗാം കൂട്ടക്കൊല : രണ്ട് കശ്മീരി ഭീകരരുടെ വീടുകൾ ഒമർ അബ്ദുള്ള സർക്കാർ തകർത്തു

  ശ്രീനഗർ: പഹൽഗാം കൂട്ടക്കൊലയിൽ പങ്കുണ്ടെന്ന് കരുതുന്ന രണ്ട് ഭീകരരുടെ വീടുകൾ വെള്ളിയാഴ്ച  ജമ്മു കശ്മീർ സർക്കാർ തകർത്തു. ബിജ്ബെഹാരയിലെ ലഷ്കർ ...

 

ശ്രീനഗർ: പഹൽഗാം കൂട്ടക്കൊലയിൽ പങ്കുണ്ടെന്ന് കരുതുന്ന രണ്ട് ഭീകരരുടെ വീടുകൾ വെള്ളിയാഴ്ച  ജമ്മു കശ്മീർ സർക്കാർ തകർത്തു. ബിജ്ബെഹാരയിലെ ലഷ്കർ ഭീകരൻ ആദിൽ ഹുസൈൻ തോക്കറിന്റെ വസതി സ്ഫോടക വസ്തു ഉപയോഗിച്ച് തകർത്തപ്പോൾ, ത്രാലിലെ ആസിഫ് ഷെയ്ക്കിന്റെ വീട് ബുൾഡോസർ ഉപയോഗിച്ച് ഇടിച്ചു നിരത്തി.

26 പേരുടെ മരണത്തിനിടയാക്കിയ  ബൈസരൻ താഴ്‌വരയിലെ ആക്രമണം ആസൂത്രണം ചെയ്യാനും നടപ്പിലാക്കാനും പാകിസ്ഥാൻ ഭീകരരെ സഹായിച്ചതിൽ ആദിൽ തോക്കർ പ്രധാന പങ്ക് വഹിച്ചതായി കരുതപ്പെടുന്നു.

2018 ൽ പഞ്ചാബിലെ അട്ടാരി-വാഗ അതിർത്തിയിലൂടെ പാകിസ്ഥാനിലേക്ക് പോയിരുന്നു. കഴിഞ്ഞ വർഷം ഇയാൾ ജമ്മു കശ്മീരിലേക്ക് അനധികൃതമായി നുഴഞ്ഞുകയറി തിരികെയെത്തുകയായിരുന്നു. ഇയാൾ പാകിസ്ഥാനിലെ തീവ്രവാദ ക്യാമ്പുകളിൽ പരിശീലനം നേടിതായും ഇന്നലെ ഞാൻ ഏജൻസികൾ കണ്ടെത്തിയിട്ടുണ്ട്.

തോക്കറിനെയും ആക്രമണം നടത്തിയ പാകിസ്ഥാൻ പൗരന്മാരായ അലി ഭായ്, ഹാഷിം മൂസ എന്നിവരെയും കുറിച്ച് വിവരം നൽകുന്നവർക്ക് അനന്ത്‌നാഗ് പോലീസ് 20 ലക്ഷം രൂപ പാരിതോഷികം പ്രഖ്യാപിച്ചു. 

സുരക്ഷാ സേന അക്രമികൾക്കായി വ്യാപകമായ തിരച്ചിൽ ആരംഭിച്ചതോടെ മൂവരുടെയും രേഖാചിത്രങ്ങളും പുറത്തുവിട്ടിരുന്നു. 

മൂസയും അലിയും രണ്ട് വർഷമായി താഴ്‌വരയിൽ സജീവമാണെന്ന് പോലീസ് പറഞ്ഞു. 

ഭീകരം ചൊവ്വാഴ്ച ബൈസരൻ താഴ്‌വരയ്ക്ക് ചുറ്റുമുള്ള ഇടതൂർന്ന പൈൻ വനത്തിൽ നിന്ന് പുറത്തുവന്ന് വിനോദസഞ്ചാരികൾക്ക് നേരെ വെടിയുതിർക്കുകയായിരുന്നു. 

 സൈനിക വേഷത്തിൽ വന്ന ഭീകരർ മതം അറിയാൻ ഐഡികൾ പരിശോധിച്ചുവെന്നും മുസ്ലിങ്ങളല്ലെന്ന് തിരിച്ചറിഞ്ഞവരെ കൃത്യമായി വധിച്ചുവെന്നും രക്ഷപ്പെട്ടവർ പറഞ്ഞു.