അറസ്റ്റിനിടെ മോഷണക്കേസ് പ്രതി പോലീസുകാരനെ കുത്തി പരിക്കേൽപ്പിച്ചു

കോട്ടയം: കോട്ടയം എസ് എച്ച് മൗണ്ടില്‍ പ്രതിയെ പിടികൂടുന്നതിനിടെ പോലീസുകാരന് കുത്തേറ്റു. ഗാന്ധിനഗര്‍ പോലീസ് സ്റ്റേഷനിലെ സിവില്‍ പോലീസ് ഉദ്യോഗ...

കോട്ടയം: കോട്ടയം എസ് എച്ച് മൗണ്ടില്‍ പ്രതിയെ പിടികൂടുന്നതിനിടെ പോലീസുകാരന് കുത്തേറ്റു. ഗാന്ധിനഗര്‍ പോലീസ് സ്റ്റേഷനിലെ സിവില്‍ പോലീസ് ഉദ്യോഗസ്ഥന്‍ സുനു ഗോപിക്കാണ് കുത്തേറ്റത്. ഒളിവില്‍ കഴിഞ്ഞിരുന്ന മോഷണക്കേസിലെ പ്രതി അരുണ്‍ ബാബുവിനെ പിടികൂടാന്‍ എത്തിയതാണ് പോലീസ് സംഘം. പോലീസിനെ കണ്ടയുടന്‍ പ്രതി കയ്യിലിരുന്ന കത്തി വീശി. സുനു ഗോപിയുടെ ചെവിക്ക് പിന്നിലും താടിക്കും മുറിവേറ്റു. 

ഇയാളെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ചെവിക്ക് പിന്നിലെ മുറിവ് ആഴത്തിലുള്ളതാണ്. കഴിഞ്ഞദിവസം മള്ളുശ്ശേരിയില്‍ ഒറ്റയ്ക്ക് കഴിഞ്ഞ വീട്ടമ്മയെ ബന്ദിയാക്കി സ്വര്‍ണ്ണവും പണവും കവര്‍ന്ന കേസിലെ പ്രതിയാണ് അരുണ്‍ ബാബു. ഒരാഴ്ചയായി പോലീസ് ഇയാള്‍ക്ക് വേണ്ടിയുള്ള തിരച്ചില്‍ ആയിരുന്നു. പൊന്‍കുന്നം പോലീസ് സ്റ്റേഷനിലെ സാമൂഹ്യവിരുദ്ധരുടെ പട്ടികയില്‍ ഉള്ള ആളാണ് പ്രതി. നിരവധി ലഹരി കേസുകളിലും പ്രതിയാണ്. 

Key Words: Arrest, Policeman, Stabbed