കൊച്ചി : പൃഥ്വിരാജിന്റെ സംവിധാനത്തിലിറങ്ങിയ ബ്രഹ്‌മാണ്ഡ മലയാള ചിത്രം എമ്പുരാന്‍ ഇന്നലെയാണ് തീയേറ്ററുകളിലെത്തിയത്. സിനിമ റിലീസ് ആയി മൂന്ന് മ...
കൊച്ചി : പൃഥ്വിരാജിന്റെ സംവിധാനത്തിലിറങ്ങിയ ബ്രഹ്‌മാണ്ഡ മലയാള ചിത്രം എമ്പുരാന്‍ ഇന്നലെയാണ് തീയേറ്ററുകളിലെത്തിയത്. സിനിമ റിലീസ് ആയി മൂന്ന് മണിക്കൂറുകള്‍ കഴിഞ്ഞതും ടെലിഗ്രാം ഉള്‍പ്പെടെ ഉള്ള സൈറ്റുകളില്‍ സിനിമയുടെ വ്യാജ പതിപ്പ് പ്രത്യക്ഷപ്പെട്ടിരുന്നു. പിന്നാലെ വെബ് സൈറ്റുകളില്‍ നിന്ന് വ്യാജപതിപ്പ് പൊലീസ് നീക്കം ചെയ്തു. ഇന്‍സ്റ്റാഗ്രാമില്‍ സിനിമയുടെ പല ക്ലിപ്പുകളും പ്രത്യക്ഷപ്പെട്ടിരുന്നു. ഇത് ശ്രദ്ധയില്‍പ്പെട്ടതോടെ സൈബര്‍ പൊലീസ് നടപടിയെടുക്കുകയായിരുന്നു. അതേസമയം, സൈറ്റില്‍ നിന്ന് ഡൗണ്‍ലോഡ് ചെയ്തവരെയും പൊലീസ് തിരിച്ചറിഞ്ഞിട്ടുണ്ട്.
ചിത്രത്തിന്റെ അണിയറ പ്രവര്‍ത്തകര്‍ ഉടന്‍ പൊലീസില്‍ പരാതി നല്‍കിയേക്കുമെന്നാണ് വിവരം. പരാതി ലഭിച്ചാല്‍ കര്‍ശന നടപടിയുണ്ടാകുമെന്നും സൈബര്‍ പൊലീസ് വ്യക്തമാക്കിയിട്ടുണ്ട്. ഡൗണ്‍ലോഡ് ചെയ്താലും നടപടിയെടുക്കാനാണ് പൊലീസ് നീക്കം. വ്യാജ പതിപ്പുകള്‍ പ്രചരിപ്പിക്കുന്ന സൈറ്റുകള്‍ ബ്ലോക്ക് ചെയ്ത് തുടങ്ങി.
പൃഥ്വിരാജിന്റെ ആദ്യ സംവിധാനത്തില്‍ 2019 ല്‍ പുറത്തിറങ്ങിയ ലൂസിഫറിന്റെ രണ്ടാം ഭാഗമാണ് എമ്പുരാന്‍. 750ല്‍ ഏറെ സ്‌ക്രീനുകളിലാണ് കേരളത്തില്‍ ചിത്രം പ്രദര്‍ശിപ്പിക്കുന്നത്. കൊച്ചിയില്‍ ഇന്നലെ ആദ്യ ഷോ കാണാന്‍ മോഹന്‍ലാല്‍ ഉള്‍പ്പെടെയുള്ള താരങ്ങളും എത്തിയിരുന്നു.
ഖുറേഷി അബ്രാം/ സ്റ്റീഫന്‍ നെടുമ്പള്ളി എന്ന പ്രധാന കഥാപാത്രമായി മോഹന്‍ലാല്‍ അഭിനയിക്കുന്ന ചിത്രത്തില്‍ പൃഥ്വിരാജ്, മഞ്ജു വാര്യര്‍, ടൊവിനോ തോമസ്, ഇന്ദ്രജിത് സുകുമാരന്‍, സുരാജ് വെഞ്ഞാറമൂട്, ജെറോം ഫ്‌ലിന്‍, ബൈജു, സായ്കുമാര്‍, ആന്‍ഡ്രിയ ടിവാടര്‍, അഭിമന്യു സിങ്, സാനിയ ഇയ്യപ്പന്‍, ഫാസില്‍, സച്ചിന്‍ ഖഡ്കര്‍, നൈല ഉഷ, ജിജു ജോണ്‍, നന്ദു, മുരുകന്‍ മാര്‍ട്ടിന്‍, ശിവജി ഗുരുവായൂര്‍, മണിക്കുട്ടന്‍, അനീഷ് ജി മേനോന്‍, ശിവദ, അലക്‌സ് ഒനീല്‍, എറിക് എബണി, കാര്‍ത്തികേയ ദേവ്, മിഹയേല് നോവിക്കോവ്, കിഷോര്‍, സുകാന്ത്, ബെഹ്സാദ് ഖാന്‍, നിഖാത് ഖാന്‍, സത്യജിത് ശര്‍മ്മ, നയന്‍ ഭട്ട്, ശുഭാംഗി, ജൈസ് ജോസ് തുടങ്ങി വമ്പന്‍ താരനിരയാണ് അണിനിരക്കുന്നത്.
Key Words: Empuraan, Movie
COMMENTS