കള്ളനും ഭഗവതിയും യുട്യൂബില്‍ എത്തി

ഈസ്റ്റ് കോസ്റ്റ് വിജയന്റെ സംവിധാനത്തില്‍ 2023 മാര്‍ച്ചില്‍ തീയേറ്ററുകളില്‍ എത്തിയ ചിത്രമാണ് കള്ളനും ഭഗവതിയും. പിന്നീട് ആമസോണ്‍ പ്രൈം വീഡിയോയ...

ഈസ്റ്റ് കോസ്റ്റ് വിജയന്റെ സംവിധാനത്തില്‍ 2023 മാര്‍ച്ചില്‍ തീയേറ്ററുകളില്‍ എത്തിയ ചിത്രമാണ് കള്ളനും ഭഗവതിയും. പിന്നീട് ആമസോണ്‍ പ്രൈം വീഡിയോയിലൂടെ ആയിരുന്നു ചിത്രത്തിന്റെ ഒടിടി സ്ട്രീമിംഗ്. ഇപ്പോഴിതാ ചിത്രം യുട്യൂബിലൂടെ സൗജന്യ കാഴ്ചയ്ക്കും ലഭ്യമായിരിക്കുകയാണ്. ചിത്രത്തിന്റെ ഹിന്ദി ഡബ്ബിംഗ് പതിപ്പ് നേരത്തെ യുട്യൂബില്‍ എത്തി മികച്ച കാഴ്ച നേടിയിരുന്നു, പിന്നാലെയാണ് മലയാളം പതിപ്പും യുട്യൂബില്‍ എത്തിയിരിക്കുന്നത്.

ഈസ്റ്റ് കോസ്റ്റിന്റെ യുട്യൂബ് ചാനലിലൂടെയാണ് ചിത്രം എത്തിയിരിക്കുന്നത്. ഇന്നലെയായിരുന്നു റിലീസ്. ഇതിനകം 2 ലക്ഷത്തിലധികം കാഴ്ചകള്‍ നേടിയിട്ടുണ്ട് യുട്യൂബില്‍ ഈ ചിത്രം. വിഷ്ണു ഉണ്ണികൃഷ്ണന്‍, അനുശ്രീ, ബംഗാളി താരം മോക്ഷ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.

മാത്തപ്പന്‍ എന്ന കള്ളന്റെ മുന്നില്‍ ഒരിക്കല്‍ ഭഗവതി പ്രത്യക്ഷപ്പെടുകയാണ്. പിന്നീടുള്ള രസകരമായ മുഹൂര്‍ത്തങ്ങളാണ് ചിത്രത്തിലൂടെ പ്രതിപാദിക്കുന്നത്. സലിം കുമാര്‍, പ്രേംകുമാര്‍, ജോണി ആന്റണി, നോബി, രാജേഷ് മാധവ്, ശ്രീകാന്ത് മുരളി, രതീഷ് ഗിന്നസ്, ജയശങ്കര്‍, ജയന്‍ ചേര്‍ത്തല, ജയപ്രകാശ് കുളൂര്‍, മാല പാര്‍വ്വതി തുടങ്ങിയവര്‍ ഈ ചിത്രത്തില്‍ വേഷമിടുന്നു.

Key Words: Kallanum Bhagavathiyum, YouTube, Movie