പത്തനംതിട്ട : പത്തനംതിട്ടയില് ദമ്പതികള് അടക്കമുള്ള സംഘത്തെ നടുറോഡില് അകാരണമായി തല്ലിച്ചതച്ച സംഭവത്തില് പൊലീസ് ഉദ്യോഗസ്ഥര്ക്കെതിരെ വകുപ...
പത്തനംതിട്ട : പത്തനംതിട്ടയില് ദമ്പതികള് അടക്കമുള്ള സംഘത്തെ നടുറോഡില് അകാരണമായി തല്ലിച്ചതച്ച സംഭവത്തില് പൊലീസ് ഉദ്യോഗസ്ഥര്ക്കെതിരെ വകുപ്പുതല നടപടി തുടങ്ങി. പത്തനംതിട്ട എസ് ഐയെ സ്ഥലംമാറ്റി. തുടര്നടപടി ഡി ഐ ജി തീരുമാനിക്കും.
ഇന്നലെ രാത്രി 11 മണിയോടെ അബാന് ജംഗ്ഷനിലായിരുന്നു സംഭവം. വിവാഹത്തിനു പോയി മടങ്ങിവന്ന കോട്ടയം സ്വദേശികള് വിശ്രമത്തിനായി വാഹനം വഴിയരികില് നിര്ത്തി. ഇതില് ചിലര് പുറത്തിറങ്ങി നില്ക്കുമ്പോഴാണ് പത്തനംതിട്ട എസ് ഐയും സംഘവും സ്ഥലത്ത് എത്തി റോഡില് നിന്നവരെ ആകാരണമായി മര്ദ്ദിച്ചത്.
മുണ്ടക്കയം സ്വദേശി സിത്താര, ഭര്ത്താവ് ശ്രീജിത്ത്, ബന്ധു ഷിജിന് എന്നിവര്ക്ക് മര്ദനത്തില് പരിക്കേറ്റു. വാഹനത്തിന് പുറത്ത് നിന്ന മറ്റുള്ളവര്ക്കും അടി കിട്ടി. പൊലീസ് പോയതിനു പിന്നാലെ മര്ദനത്തില് പരിക്കേറ്റവര് സ്വന്തം വാഹനത്തിലാണ് ജനറല് ആശുപത്രിയില് ചികിത്സ തേടിയത്.
ബാറിന് മുന്നില് ചിലര് പ്രശ്നമുണ്ടാക്കുന്നെന്ന് വിവരം ലഭിച്ചാണ് പൊലീസ് സംഘം സ്ഥലത്തെത്തിയത് എന്നാണ് ഔദ്യോഗിക വിശദീകരണം. എന്നാല് യഥാര്ത്ഥത്തില് പ്രശ്നമുണ്ടാക്കിയത് ആരാണെന്ന് പോലും അന്വേഷിക്കാതെ പൊലീസ് പൊതിരെ തല്ലിയത് എന്തിനെന്ന ചോദ്യത്തിന് മുതിര്ന്ന ഉദ്യോഗസ്ഥര്ക്ക് പോലും മറുപടിയില്ല. പരിക്കേറ്റവരുടെ മൊഴിയില് എസ് ഐ അടക്കമുള്ള പൊലീസുകാര്ക്കെതിരെ കേസെടുത്തിട്ടുണ്ട്.
COMMENTS