തിരുവനന്തപുരം : ഉപ്പുമാവിന് പകരം ബിരിയാണിയും പൊരിച്ച കോഴിയും വേണമെന്ന് പറയുന്ന കുഞ്ഞിന്റെ വിഡിയോ വൈറലായിതോടെ അംഗനവാടി മെനുവില് പരിഷ്ക്കാരം...
തിരുവനന്തപുരം : ഉപ്പുമാവിന് പകരം ബിരിയാണിയും പൊരിച്ച കോഴിയും വേണമെന്ന് പറയുന്ന കുഞ്ഞിന്റെ വിഡിയോ വൈറലായിതോടെ അംഗനവാടി മെനുവില് പരിഷ്ക്കാരം വരുത്തുമെന്ന് മന്ത്രി വീണാ ജോര്ജ്.
ശങ്കു എന്ന കുട്ടിക്ക് അമ്മ ഭക്ഷണം വാരിക്കൊടുക്കുന്നതിനിടെ തനിക്ക് ഉപ്പുമാവ് വേണ്ടെന്നും അംഗനവാടിയില് ബിരിയാണിയും പൊരിച്ച കോഴിയും തരണമെന്നുമായിരുന്നു കുട്ടി ആവശ്യപ്പെട്ടത്. ശങ്കുവിന്റെ ആവശ്യം പരിഗണിച്ചുകൊണ്ട് അങ്കണവാടിയിലെ ഭക്ഷണ മെനു പരിഷ്ക്കരിക്കുമെന്നാണ് മന്ത്രി പറഞ്ഞത്.
'ആ മകന് വളരെ നിഷ്കളങ്കമായിട്ട് പറഞ്ഞ ആവശ്യം ഉള്ക്കൊള്ളുകയാണ്. കുട്ടികള്ക്ക് പോഷകാഹാരം ഉറപ്പ് വരുത്താനായി വിവിധ തരം ഭക്ഷണങ്ങള് അങ്കണവാടി വഴി നല്കുന്നുണ്ട്. ഈ സരര്ക്കാരിന്റെ കാലത്ത് അങ്കണവാടി വഴി മുട്ടയും പാലും നല്കുന്ന പദ്ധതി നടപ്പിലാക്കി. അത് വിജയകരമായി നടക്കുന്നുണ്ട്. വനിത ശിശുവികസന വകുപ്പിന്റെ ഏകോപനത്തില് തദ്ദേശ സ്ഥാപനങ്ങള് സ്വന്തം നിലയില് അങ്കണവാടികളില് പലതരം ഭക്ഷണങ്ങള് നല്കുന്നുണ്ട്.' ശങ്കുവിന്റെ അഭിപ്രായം പരിഗണിച്ച് ഭക്ഷണ മെനു പരിശോധിക്കുമെന്ന് മന്ത്രി വ്യക്തമാക്കി.
Key Words : Biryani, Nursery, Veena George
COMMENTS