കല്പ്പറ്റ : മാനന്തവാടി പഞ്ചാരക്കൊല്ലിയില് സ്ത്രീയെ കടിച്ചുകൊന്ന കടുവയെ ഒടുവില് നരഭോജി കടുവയായി പ്രഖ്യാപിച്ചുകൊണ്ട് സര്ക്കാര് ഉത്തരവിറക്...
കല്പ്പറ്റ : മാനന്തവാടി പഞ്ചാരക്കൊല്ലിയില് സ്ത്രീയെ കടിച്ചുകൊന്ന കടുവയെ ഒടുവില് നരഭോജി കടുവയായി പ്രഖ്യാപിച്ചുകൊണ്ട് സര്ക്കാര് ഉത്തരവിറക്കി. നിര്ണായക ഉത്തരവ് പുറത്തിറങ്ങിയതോടെ കടുവയെ വെടിവെച്ച് കൊല്ലാനാകുമെന്ന് വനം മന്ത്രി എകെ ശശീന്ദ്രന് വാര്ത്താസമ്മേളനത്തില് അറിയിച്ചു.
കടുവാ ആക്രമണവുമായി ബന്ധപ്പെട്ട് മുഖ്യമന്ത്രി വിളിച്ച ഉന്നത തല യോഗത്തിലാണ് നിര്ണായക തീരുമാനം. കടുവയെ നരഭോജിയായി പ്രഖ്യാപിക്കുന്ന സംസ്ഥാനത്തെ ആദ്യ തീരുമാനമാണിത്.
അടിയന്തര നടപടി സ്വീകരിക്കണമെന്ന് മുഖ്യമന്ത്രി യോഗത്തില് പറഞ്ഞു. തുടര്ച്ചയായ ആക്രമണം നടന്ന പശ്ചാത്തലത്തിലാണ് കടുവയെ നരഭോജി കടുവയായി പ്രഖ്യാപിച്ചതെന്നും ഇതിനാല് ആളുകളുടെ ജീവന് ഭീഷണിയായി മാറിയ കടുവയെ വെടിവെച്ച് കൊല്ലാനാകുമെന്നും നിയമ തടസമുണ്ടാകില്ലെന്നും എകെ ശശീന്ദ്രന് പറഞ്ഞു.
Key words: Pancharakolli, Tiger Attack
COMMENTS