പാലക്കാട് : നെന്മാറ ഇരട്ടക്കൊലക്കേസില് പോലീസിന്റെ വീഴ്ച സംബന്ധിച്ച് ക്രമസമാധാന ചുമതലയുള്ള എ.ഡി.ജി.പി മനോജ് എബ്രഹാം പാലക്കാട് എസ്.പിയോട് റി...
പാലക്കാട് : നെന്മാറ ഇരട്ടക്കൊലക്കേസില് പോലീസിന്റെ വീഴ്ച സംബന്ധിച്ച് ക്രമസമാധാന ചുമതലയുള്ള എ.ഡി.ജി.പി മനോജ് എബ്രഹാം പാലക്കാട് എസ്.പിയോട് റിപ്പോര്ട്ട് തേടി. പ്രതി ചെന്താമര ജാമ്യ വ്യവസ്ഥകള് ലംഘിച്ച് നാട്ടിലെത്തിയ കാര്യം നാട്ടുകാരും കൊല്ലപ്പെട്ട സുധാകരന്റെ ബന്ധുക്കളും നെന്മാറ പോലീസിനെ അറിയിച്ചിരുന്നെങ്കിലും പോലീസിന്റെ ഭാഗത്തുനിന്ന് കാര്യമായ നടപടിയൊന്നും ഉണ്ടായിരുന്നില്ല. ഇതിനു പിന്നാലെയാണ് സംഭവത്തില് നെന്മാറ പോലീസിനു സംഭവിച്ച വീഴ്ച സംബന്ധിച്ച് റിപ്പോര്ട്ട് നല്കാന് എ.ഡി.ജി.പി മനോജ് എബ്രഹാം പാലക്കാട് എസ്പിയോട് ആവശ്യപ്പെട്ടിരിക്കുന്നത്.
അതേസമയം, നെന്മാറ ഇരട്ടക്കൊലപാതകത്തില് പൊലീസിന്റെ വീഴ്ച്ചയില് പ്രതിഷേധിച്ച് പൊലീസ് സ്റ്റേഷനിലേക്ക് യൂത്ത് കോണ്ഗ്രസ്സിന്റെ മാര്ച്ച്. പ്രവര്ത്തകര് ബാരിക്കേഡിന് മുകളില് കയറി പ്രതിഷേധിച്ചതോടെ പ്രവര്ത്തകരും പൊലീസും തമ്മില് വാക്കേറ്റമുണ്ടായി. രാഹുല് മാങ്കൂട്ടത്തില് എംഎല്എയുടെ നേതൃത്വത്തിലുള്ളവര് പ്രവര്ത്തകരെ സംഘര്ഷത്തില് നിന്ന് പിന്തിരിപ്പിച്ചു.
Key Words: Nenmara Double Murder Case, ADGP Manoj Abraham, Police
COMMENTS