ശ്രീഹരിക്കോട്ടയില്‍ ഇസ്രോയുടെ സെഞ്ച്വറി : ചരിത്രനേട്ടമായി 100-ാം ബഹിരാകാശ വിക്ഷേപണം

ശ്രീഹരിക്കോട്ട: ഐഎസ്ആര്‍ഒ ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററിന്റെ ചരിത്രത്തിലെ 100-ാം ബഹിരാകാശ വിക്ഷേപണം നടത്തി. ശ്രീഹരിക്കോട്ടയ...

ശ്രീഹരിക്കോട്ട: ഐഎസ്ആര്‍ഒ ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററിന്റെ ചരിത്രത്തിലെ 100-ാം ബഹിരാകാശ വിക്ഷേപണം നടത്തി. ശ്രീഹരിക്കോട്ടയിലെ വിക്ഷേപണത്തറയില്‍ നിന്ന് രണ്ടാം തലമുറ നാവിഗേഷന്‍ ഉപഗ്രഹമായ എന്‍വിഎസ്-2 സാറ്റ്ലൈറ്റുമായി ജിഎസ്എല്‍വി-എഫ്15 കുതിച്ചുയരുമ്പോള്‍ ഇന്ത്യ സ്വന്തമാക്കിയത് അഭിമാന നേട്ടം. ഇന്ത്യന്‍ സമയം ഇന്ന് രാവിലെ 6.23നായിരുന്നു വിക്ഷേപണം.

പുതുതലമുറ നാവിഗേഷന്‍ ഉപഗ്രഹമായ NVS-02വിനെയാണ് ശ്രീഹരിക്കോട്ടയില്‍ നിന്നുള്ള നൂറാം വിക്ഷേപണത്തില്‍ ബഹിരാകാശത്തേക്ക് അയച്ചത്. ഇന്ത്യയുടെ ജിയോസിന്‍ക്രണസ് സാറ്റലൈറ്റ് ലോഞ്ച് വെഹിക്കിളിന്റെ (ജിഎസ്എല്‍വി) 17-ാമത്തെ വിക്ഷേപണവും തദ്ദേശീയ ക്രയോജനിക് സ്റ്റേജുള്ള 11-ാമത്തെ വിക്ഷേപണവുമാണിതെന്ന് ഐഎസ്ആര്‍ഒ പറയുന്നു. അമേരിക്കയുടെ ജിപിഎസിന് ബദലായുള്ള ഇന്ത്യയുടെ സ്വന്തം നാവിഗേഷന്‍ സംവിധാനമായ നാവിക് ശൃംഖലയുടെ ഭാഗമാണ് എന്‍വിഎസ്-02 കൃത്രിമ ഉപഗ്രഹം. 

Key Words:  ISRO, Century, Sriharikota, Space Launch