തിരുവനന്തപുരം: വന നിയമ ഭേദഗതി ഉപേക്ഷിച്ച് സംസ്ഥാന സര്ക്കാര്. നിലവിലെ ഭേദഗതിയില് ആശങ്ക ഉയര്ന്നിട്ടുണ്ടെന്നും ആശങ്ക പരിഹരിക്കാതെ മുന്നോട്ട...
തിരുവനന്തപുരം: വന നിയമ ഭേദഗതി ഉപേക്ഷിച്ച് സംസ്ഥാന സര്ക്കാര്. നിലവിലെ ഭേദഗതിയില് ആശങ്ക ഉയര്ന്നിട്ടുണ്ടെന്നും ആശങ്ക പരിഹരിക്കാതെ മുന്നോട്ട് പോകില്ലെന്നും മുഖ്യമന്ത്രി പിണറായി വിജയന്പറഞ്ഞു. വന നിയമഭേഗതിക്കെതിരെ പ്രതിഷേധം ഉയര്ന്നതോടെയാണ് ഇക്കാര്യത്തില് സര്ക്കാര് പിന്നോട്ട് പോകുന്നത്.
കര്ഷകര്ക്ക് ആശങ്ക ഉണ്ടാക്കുന്ന ഒരു നിയമവും നടപ്പാക്കില്ലെന്നും മുഖ്യമന്ത്രി പിണറായി വിജയന് പറഞ്ഞു. വനം നിയമ ഭേദഗതിയില് സമൂഹത്തില് ആശങ്കകള് ഉണ്ട്.
1963 ലെ കേരള വനനിയമത്തിലെ ഭേദഗതി നിര്ദേശങ്ങള് ആരംഭിക്കുന്നത് 2013 യുഡിഎഫ് സര്ക്കാരിന്റെ കാലത്ത്. ഇതിന്റെ കരട് ബില്ലിന് മേലായിരുന്നു ഭേദഗതി.
അനധികൃതമായി വനത്തില് കയറുന്നത് കുറ്റകരമാക്കുന്നതായിരുന്നു ഭേദഗതി. ഇപ്പോള് ഭേദഗതിയില് ആശങ്കകള് ഉയരുന്നുണ്ട്. ജനങ്ങളുടെ ആശങ്കകള് പരിഹരിക്കാതെ മുന്നോട്ട് നീങ്ങാന് സര്ക്കാര് ഉദ്ദേശിക്കുന്നില്ല.
കര്ഷകര്ക്കും മലയോരമേഖലയില് വസിക്കുന്നവര്ക്കും എതിരെ ഒരു നിയമവും സര്ക്കാര് ലക്ഷ്യമിടുന്നില്ല. എല്ലാ നിയമങ്ങളും മനുഷ്യര്ക്ക് വേണ്ടിയാണ്. മനുഷ്യന്റെ നിലനില്പ്പിനും പുരോഗതിയ്ക്കും അതിലൂടെ പ്രകൃതി സംരക്ഷണത്തിനു പര്യാപ്തമായ നിലപാട് കൈക്കൊള്ളണമെന്നതില് തര്ക്കമില്ല.
കേരളത്തിന്റെ ജനസാന്ദ്രത നോക്കിയാല് 860 ആണ്. അയല് സംസ്ഥാനങ്ങളേക്കാള് കൂടുതലാണ് ഇത്. പ്രകൃതി സംരക്ഷണ പ്രവര്ത്തനങ്ങളില് വെള്ളം ചേര്ക്കരുതെന്നും മുഖ്യമന്ത്രി പറഞ്ഞു.
Key Words: Kerala Government, Forest Law
COMMENTS