തിരുവനന്തപുരം : സാമ്പത്തിക പ്രതിസന്ധി പരിഹരിക്കാനും മാന്ദ്യത്തില് നിന്ന് കരകയറാനും ബജറ്റിന് മുന്നോടിയായി കേന്ദ്രത്തോട് 24,000 കോടി രൂപയുടെ ...
തിരുവനന്തപുരം : സാമ്പത്തിക പ്രതിസന്ധി പരിഹരിക്കാനും മാന്ദ്യത്തില് നിന്ന് കരകയറാനും ബജറ്റിന് മുന്നോടിയായി കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം. കടമെടുപ്പ് പരിധി വെട്ടിച്ചുരുക്കുന്നതിനെ ചൊല്ലി കോടതി കയറിയ തര്ക്കങ്ങള്ക്കൊടുവിലാണ് കേന്ദ്ര ബജറ്റ് വരുന്നത്.
കടമെടുപ്പ് പരിധി മൂന്നര ശതമാനം ആയി ഉയര്ത്തണമെന്നും അത് ഉപാധി രഹിതമാകണമെന്നുംകേരളം ആവശ്യപ്പെട്ടിട്ടുണ്ട്. വിഴിഞ്ഞം തുറമുഖ പദ്ധതിക്കും വയനാട് പുനരധിവാസത്തിനും ഇത്തവണ ബജറ്റില് പ്രത്യേക പരിഗണന ഉണ്ടാകുമെന്നാണ് പ്രതീക്ഷയിലാണ് കേരളം. കേന്ദ്രാവിഷ്കൃത പദ്ധതി നടത്തിപ്പിന് സമാഹരിക്കുന്ന വായ്പ പോലും കടപരിധിയില് ഉള്പ്പെടുത്തുന്ന കേന്ദ്ര നയത്തിനെതിരെ കടുത്ത പ്രതിഷേധമുന്നയിക്കുന്ന കേരളം അത് പുനഃപരിശോധിക്കണമെന്ന ആവശ്യമാണ് പ്രധാനമായും കേന്ദ്ര സര്ക്കാരിന് മുന്നില് വയ്ക്കുന്നത്.
അടുത്ത സാമ്പത്തിക വര്ഷം 3.5 ശതമാനമായെങ്കിലും കടമെടുപ്പ് പരിധി ഉയര്ത്തണമെന്നാണ് കേരളത്തിന്റെ ആവശ്യം.
Key Words: Financial Crisis, Kerala, Special Package
COMMENTS