കൊച്ചി: സാമൂഹിക മാധ്യമങ്ങളിലൂടെയുള്ള അശ്ലീല കമന്റുകള്ക്കെതിരെ എത്തിയ നടി ഹണി റോസിന് പിന്തുണയുമായി അഭിനേതാക്കളുടെ സംഘടനയായ 'അമ്മ'. സ...
കൊച്ചി: സാമൂഹിക മാധ്യമങ്ങളിലൂടെയുള്ള അശ്ലീല കമന്റുകള്ക്കെതിരെ എത്തിയ നടി ഹണി റോസിന് പിന്തുണയുമായി അഭിനേതാക്കളുടെ സംഘടനയായ 'അമ്മ'. സ്ത്രീത്വത്തെയും, നടിയുടെ തൊഴിലിനേയും, അപഹസിക്കുവാന് ചിലര് ബോധപൂര്വ്വം നടത്തുന്ന ശ്രമങ്ങളെ 'അമ്മ' അപലപിച്ചു. അമ്മയുടെ അഡ്ഹോക്ക് കമ്മിറ്റി ഹണി റോസിന്റെ നിയമപോരാട്ടങ്ങള്ക്ക് പിന്തുണ നല്കുമെന്ന് വാര്ത്ത കുറിപ്പിലൂടെ അറിയിച്ചു.
ഞങ്ങളുടെ അംഗവും മലയാള സിനിമയിലെ പ്രമുഖ അഭിനയത്രികൂടിയായ കുമാരി ഹണി റോസിനെ സമൂഹമാധ്യമങ്ങളിലൂടെ അപകീര്ത്തിപ്പെടുത്തുവാനും, അതുവഴി സ്ത്രീത്വത്തെയും, അവരുടെ തൊഴിലിനേയും, അപഹസിക്കുവാനും ചിലര് ബോധപൂര്വ്വം നടത്തുന്ന ശ്രമങ്ങളെ മലയാള സിനിമയിലെ അഭിനേതാക്കളുടെ സംഘടനയായ അമ്മ ഇതിനാല് അപലപിച്ചുകൊള്ളുന്നു. അതോടൊപ്പം തന്നെ പ്രസ്തുത വിഷയത്തില് കുമാരി ഹണി റോസ് നടത്തുന്ന എല്ലാവിധ നിയമപോരാട്ടങ്ങള്ക്കും അമ്മ സംഘടന പരിപൂര്ണ്ണ പിന്തുണ പ്രഖ്യാപിക്കുകയും, ആവശ്യമെങ്കില് വേണ്ടുന്ന എല്ലാവിധ നിയമസഹായം നല്കുവാന് ഒരുക്കമാണെന്നും മലയാളത്തിലെ അഭിനേതാക്കളുടെ സംഘടനയായ അമ്മ അഡ്ഹോക്ക് കമ്മിറ്റി ഇതിനാല് അറിയിച്ചുകൊള്ളുന്നു.
കഴിഞ്ഞദിവസം തനിക്കെതിരെ നിരന്തരം ദ്വയാര്ഥ പ്രയോഗം നടത്തുന്നയാള്ക്കെതിരെ വിമര്ശനം ഉന്നയിച്ചതിനു പിന്നാലെയാണ് ഹണി റോസ് നിലപാട് കടുപ്പിച്ചത്. ഇന്സ്റ്റഗ്രാമിലൂടെ പങ്കുവെച്ച കുറിപ്പിലൂടെയാണ് താന് സൈബര് ആക്രമണം നടത്തുന്നവര്ക്കെതിരെ യുദ്ധം നടത്തുകയാണെന്ന് താരം കുറിച്ചിരുന്നു.
COMMENTS