തേനിയില്‍ വാനും കാറും കൂട്ടിയിടിച്ച് മൂന്ന് മലയാളികള്‍ക്ക് ദാരുണാന്ത്യം

തേനി : തമിഴ്‌നാട്ടില്‍ തേനി ഏര്‍ക്കാട് വാനും കാറും കൂട്ടിയിടിച്ച് മൂന്ന് കോട്ടയം സ്വദേശികള്‍ മരിച്ചു. വേളാങ്കണ്ണി പള്ളിയില്‍ പോയി കാറില്‍ മട...

തേനി : തമിഴ്‌നാട്ടില്‍ തേനി ഏര്‍ക്കാട് വാനും കാറും കൂട്ടിയിടിച്ച് മൂന്ന് കോട്ടയം സ്വദേശികള്‍ മരിച്ചു. വേളാങ്കണ്ണി പള്ളിയില്‍ പോയി കാറില്‍ മടങ്ങിയ സംഘമാണ് അപകടത്തില്‍പ്പെട്ടത്. കുറവിലങ്ങാട് സ്വദേശികളായ മൂന്നു പേരും സംഭവ സ്ഥലത്ത് വെച്ച് തന്നെ മരിച്ചു.

കുറവിലങ്ങാട് കുര്യം സ്വദേശികളായ കോയിക്കല്‍ ജെയിന്‍ തോമസ്, കാഞ്ഞിരത്തിങ്കല്‍ സോണിമോന്‍ കെ ജെ, അമ്പലത്തിങ്കല്‍ ജോബീഷ് തോമസ് എന്നിവരാണ് മരിച്ചത്. ഇവര്‍ക്കൊപ്പം ഉണ്ടായിരുന്ന ഷാജി പി ഡിയെ ഗുരുതരമായ പരിക്കുകളോടെ തേനി സര്‍ക്കാര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്.

വാനിലെ യാത്രക്കാരെ വാത്തലക്കുളം, പെരിയകുളം, തേനി സര്‍ക്കാര്‍ മെഡിക്കല്‍ കോളേജ് ആശുപത്രി ഉള്‍പ്പെടെയുള്ള ആശുപത്രികളില്‍ പ്രവേശിപ്പിച്ചു. തേനി ജില്ലയിലെ പെരിയകുളത്തിനടുത്ത് കട്രോഡില്‍ വച്ച് തേനിയിലേക്ക് പോവുകയായിരുന്ന കാറും തേനിയില്‍ നിന്ന് ഏര്‍ക്കാട്ടേക്ക് പോവുകയായിരുന്ന ടൂറിസ്റ്റ് വാനുമാണ് നേര്‍ക്കുനേര്‍ കൂട്ടിയിടിച്ചത്. ഇടിയുടെ ആഘാതത്തില്‍ കാര്‍ തകര്‍ന്നു. വാന്‍ റോഡിലേക്ക് മറിയുകയും ചെയ്തു.

ഏര്‍ക്കാട്ടേക്ക് വിനോദ സഞ്ചാരികളുമായി പോയ ടൂറിസ്റ്റ് വാനില്‍ 18 പേര്‍ക്ക് അപകടത്തില്‍ പരിക്കേറ്റു. അപകടത്തില്‍ ദേവദാനപ്പട്ടി പോലീസ് കേസെടുത്ത് അന്വേഷണം ആരംഭിച്ചു.

Key Words: Malayalees, Accident, Theni